ପାଠ ପାଇଁ ସାନ ଭାଇକୁ ହତ୍ୟା ! MBA ପଢ଼ୁଆ ବଡ଼ ଭାଇ ଗିରଫ

ଭାଇ ହାତରେ ଭାଇର ମୃତ୍ୟୁ । ରାଜଧାନୀ ଭୁବନେଶ୍ୱର ର ନୟାପଲ୍ଲୀ ଥାନା ନୂଆସାହି ଅଞ୍ଚଳରେ ଘଟିଛି ଏହି ଅଘଟଣ । ବଡ଼ ଭାଇ ମାଡ଼ରେ ସାନ ଭାଇର ଜୀବନ ଚାଲିଯାଇଛି । ସାନ ଭାଇକୁ ପାଠ ପଢ଼ିବାକୁ ତାଗିଦ କରି ବଡ଼ ଭାଇ ମାଡ଼ ମାରିଥିବା ଜଣାପଡ଼ିଛି ।  ତେବେ ସାନ ଭାଇର ମୃତ୍ୟୁ ପରେ ବଡ଼ ଭାଇ ନାଁରେ ହତ୍ୟା ମାମଲା ରୁଜୁ ହୋଇଛି । ୩୦୨ ଦଫା ଅନୁସାରେ ଉଚ୍ଚ ଶିକ୍ଷିତ MBA ପଢ଼ୁଆ ବଡ଼ ଭାଇକୁ ଗିରଫ କରିଛି ପୋଲିସ୍‌ । 

ସାନ ଭାଇକୁ ଭଲ ବାଟରେ ଆଣିବାକୁ ଯାଇ ଆଇନ୍ ଜାଲରେ ଛନ୍ଦି ହୋଇ ପଡ଼ିଛନ୍ତି ବଡ଼ ଭାଇ । ପାଠ ପାଇଁ ସାନଭାଇକୁ ପିଟୁ ପିଟୁ ତା’ର ଜୀବନ ଚାଲିଯାଇଛି । ତେବେ ମୃତକଙ୍କ ଶରୀରର ବିଭିନ୍ନ ସ୍ଥାନରେ ଦାଗ ଥିବା ଦେଖିବାକୁ ମିଳିଛି । କୌଣସି ଅଜାଗାରେ ବାଜି ଯାଇଥିବାରୁ ତାଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଇଛି । ପୋଷ୍ଟମୋଟର୍ମ ରିପୋର୍ଟ ଆସିବା ପରେ ହିଁ ପ୍ରକୃତ କଥା ଜଣାପଡ଼ିବ ।

ମାଡ଼ ପାଇଁ ହିଁ ପୁଅର ଜୀବନ ଚାଲିଯାଇଛି । ଅନ୍ୟ କୌଣସି ପ୍ରକାର କାରଣ ନାହିଁ ବୋଲି ପରିବାର ଲୋକ କହିଛନ୍ତି । ସେପଟେ ମୃତ୍ୟର ଭିନ୍ନ ଦିଗକୁ ଧ୍ୟାନ ଦେଇ ପୋଲିସ୍‌ ଘଟଣାର ଛାନଭିନ୍‌ ଆରମ୍ଭ କରିଛି । ହୁଏତ ଅନ୍ୟ କୌଣସି ସୁରାଗ୍ ମିଳିଯାଇ ପାରେ ।