• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Prangyan Parimita

ପାରିବାରିକ କଳହର କରୁଣ ପରିଣତି । ସ୍ତ୍ରୀକୁ ହତ୍ୟା କରି ଖଣ୍ଡ ଖଣ୍ଡ କରିଦେଲା ସ୍ୱାମୀ । ବାଲେଶ୍ଵର ଜିଲ୍ଲା ବସ୍ତା ଥାନା ଥାନା ଅନ୍ତର୍ଗତ ପାଳସିଆ ଗାଁରେ ଘଟିଛି ଏଭଳି ଅଭାବନିୟ ଘଟଣା । ମୃତ ମହିଳା ଜଣଙ୍କ ହେଲେ ମାମା ଦାସ । ତେବେ ସ୍ତ୍ରୀକୁ ହତ୍ୟା କରିବା ପରେ ଶବକୁ ଅଖାରେ ଭର୍ତ୍ତି କରି ଫୋପାଡିବାକୁ ନେଉଥିବା ବେଳେ ମୃତକଙ୍କ ବାପଘର ଲୋକେ ଖବର ପାଇ ଘଟଣାସ୍ଥଳରେ ପହଞ୍ଚି ଯାଇଥିଲେ । ଆଉ ସେମାନଙ୍କୁ ଦେଖି ବେଳକୁ ଅଖା ବସ୍ତାରେରେ ଭର୍ତ୍ତି ଶବ ଖଣ୍ଡକୁ ପକାଇ ଦେଇ ଶାଶୁଘର ଲୋକେ ଫେରାର ହୋଇ ଯାଇଥିଲେ ।

ସୂଚନା ଅନୁସାରେ, ମୃତ ମହିଳା ଜଣକ ୧୦ ବର୍ଷ ପୂର୍ବେ ପ୍ରଦିପ ଦାସଙ୍କୁ ବିବାହ କରିଥିଲେ । ହେଲେ ବିବାହ ପରେ ଅଧିକାଂଶ ଦିନ ସ୍ୱାମୀସ୍ତ୍ରୀଙ୍କ ମଧ୍ୟରେ ଝଗଡା ହେଉଥିଲା । ବିଭିନ୍ନ ସମୟରେ ତାଙ୍କୁ ଶାଶୁଘର ଲୋକେ ଶାରୀରିକ ଏବଂ ମାନସିକ ନିର୍ଯାତନା ଦେଇ ଆସୁଥିଲେ । ହେଲେ ଗତକାଲି କୌଣସି କଥାକୁ ନେଇ ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡା ହୋଇଥିଲା ।

ଆଉ ଏଥିରେ ଉତକ୍ଷିପ୍ତ ହୋଇ ସ୍ୱାମୀ ପ୍ରଦୀପ ମାମାଙ୍କୁ ଏକ କଟୁରୀରେ ଆକ୍ରମଣ କରିଥିଲେ । ଏଥିରେ ମହିଳାଙ୍କର ମୃତ୍ୟୁ ହୋଇଥିଲା । ପରେ ଏହାକୁ ଦୁର୍ଘଟଣାର ରୂପ ଦେବାପାଇଁ ଶବକୁ ଖଣ୍ଡ ଖଣ୍ଡ କରିବା ପରେ ଅଖାରେ ଭର୍ତ୍ତି କରି ଟ୍ରେନ ଲାଇନକୁ ଫୋପାଡିବାକୁ ବାହାରିଥିଲା ଅଭିଯୁକ୍ତ । ହେଲେ ସେହି ସମୟରେ ବାପଘର ଲୋକେ ପହଞ୍ଚିବାରୁ ସ୍ୱାମୀ, ଶ୍ୱଶୁରଙ୍କ ସମେତ ବାପ ଘର ଲୋକେ ଘଟଣା ସ୍ଥଳରୁ ଫେରାର ହୋଇ ଯାଇଥିଲେ ।

ବାପଘର ଲୋକେ ଏନେଇ ପୋଲିସକୁ ତୁରନ୍ତ ଖବର ଦେଇଥିଲେ । ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ମୃତ ମହିଳାଙ୍କ ଶାଶୂ ଏବଂ ଦିଅରଙ୍କୁ ଥାନାରେ ଅଟକ ରଖିବା ସହ ମୃତ ଦେହକୁ ଉଦ୍ଧାର କରି ଘଟଣାର ତଦନ୍ତ କରୁଛି । ମୃତ ମହିଳାଙ୍କର ଜଣେ ୬ ବର୍ଷର ଝିଅ ଏବଂ ୪ ବର୍ଷର ପୁଅ ଅଛି । ତେବେ ଘଟଣାର ନିରପେକ୍ଷ ତଦନ୍ତ କରି ଅଭିଯୁକ୍ତଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ବାପଘର ଲୋକେ ।

  • Reported by:
  • Ajit Das