ଚଢ଼ଉ ପାଇଁ ଯାଇଥିବା ବେଳେ ପୋଲିସ୍‌ ଗାଡ଼ି ଉପରକୁ ନିଶା ବେପାରୀଙ୍କ ଆକ୍ରମଣ

ଜଳେଶ୍ୱର: ଚଢ଼ଉ ପାଇଁ ଯାଇଥିବା ବେଳେ ପୋଲିସ୍‌ ଗାଡ଼ି ଉପରକୁ ନିଶା ବେପାରୀଙ୍କ ଆକ୍ରମଣ। ବାଲେଶ୍ୱର ଜିଲ୍ଲା ବସ୍ତା ଅଞ୍ଚଳର ବିଦ୍ୟାଧରପୁର ଗାଁରେ ଏହି ଘଟଣା ଘଟିଛି। ରେଡ୍ ପାଇଁ ଯାଇଥିବା ବେଳେ ପୋଲିସ୍‌ ଗାଡ଼ି ଉପରକୁ ନିଶା ବେପାରୀ ଓ ସେମାନଙ୍କର ସହଯୋଗୀ ଆକ୍ରମଣ କରିବା ସହ ଗାଡ଼ି ଭଙ୍ଗାରୁଜା କରିଛନ୍ତି।

କଟକ ଅବକାରୀ ବିଭାଗ ଓ ବାଲେଶ୍ୱର ପୋଲିସ୍‌ର ମିଳିତ ଟିମ୍ ବିଦ୍ୟାଧରପୁର ଗାଁକୁ ରେଡ୍ କରିବାକୁ ଯାଇଥିଲେ। ହେଲେ ଏହି ସମୟରେ ନିଶା ବେପାରୀ ପୋଲିସ୍‌ ଗାଡ଼ି ଉପରକୁ ଆକ୍ରମଣ କରିଥିଲେ। ଘଟଣାସ୍ଥଳରୁ ୨ କିଲୋ ଓଜନର ବ୍ରାଉନ୍‌ସୁଗର ଜବତ ହୋଇଛି। ଏହି ଘଟଣାରେ ପୋଲିସ୍‌ ୩ ଜଣଙ୍କୁ ଗିରଫ କରିଛି। ଜବତ ବ୍ରାଉନ୍‌ସୁଗରର ‌ଆନୁମାନିକ ମୂଲ୍ୟ ୨ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି। 

Also Read

ଶିଳ୍ପା ସେଟ୍ଟୀଙ୍କ ହେୟାର ଷ୍ଟାଇଲ୍ ଦେଖି ତାଜୁବ ଫ୍ୟାନ୍ସ, କହିଲେ ଏମିତି...

ଏହି ୨ଟଙ୍କିଆ କଏନ୍ ଆପଣଙ୍କୁ କରିପାରେ ଲକ୍ଷପତି

ହତ୍ୟା ପରେ ମମିତାଙ୍କୁ କେମିତି ପୋଡ଼ିଲା ଓ ପୋତିଲା ? ଡେମୋ ଦେଖାଇଲା ଗୋବିନ୍ଦ

ଏହି ଘଟଣାର ମାଷ୍ଟରମାଇଣ୍ଡକୁ ଧରିବା ପାଇଁ ସ୍ୱତନ୍ତ୍ର ଟିମ୍ ଗଠନ କରାଯାଇଥିବା ପୋଲିସ୍‌ ସୂଚନା ଦେଇଛି। ଗତ ୩ ମାସ ଭିତରେ ବାଲେଶ୍ୱରରେ ସାଢ଼େ ୧୦ କେଜିରୁ ଅଧିକ ଡ୍ରଗ୍ସ ଜବତ ହେବାସହ ୭୨ ଜଣ ଗିରଫ ହୋଇଛନ୍ତି। ଏହାସହ ମୋବାଇଲ ଓ ଟଙ୍କା ମଧ୍ୟ ଜବତ ହୋଇଛି। ଏସବୁ ସତ୍ତ୍ୱେ ମଧ୍ୟ ଡ୍ରଗ୍ସ କାରବାର ଥମିବାର ନାଁ ଧରୁନି।