LIVE TV
ଆଜିକାଲିକା ଦୁନିଆରେ ଜୋର ଯାର ମୁଲକ ତାର । ବେଇମାନୀ କରି ଲୋକେ କୋଟି କୋଟି ଟଙ୍କା ସମ୍ପତ୍ତିର ଅଧିକାରୀ ହୋଇଯାଉଛନ୍ତି, କିନ୍ତୁ ଗରିବ ମଳିମୁଣ୍ଡିଆ କଠିନ ପରିଶ୍ରମ କରି ଦାନା ମୁଠାଏ ପାଉନି । କାରଣ ଏ ସଭ୍ୟ ସମାଜର ମଣିଷ କେତେବେଳେ ତାକୁ ଇତର ଜନ୍ତୁ ପରି ବ୍ୟବହାର କରୁଛି ତ ପୁଣି କେତେବେଳେ ବିନା ଦୋଷରେ ସମସ୍ତଙ୍କ ସାମ୍ନାରେ ଅପମାନିତ କରୁଛି । ନିକଟରେ ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଦିବ୍ୟାଙ୍ଗ ଫଳ ଦୋକାନୀଙ୍କୁ ଜଣେ ଯୁବକ ଗୋଇଠା ମାରିବା ସହ ରାସ୍ତାରେ ଉଠାଇ କଚାଡ଼ି ଦେଉଛନ୍ତି । ମହାରାଷ୍ଟ୍ରରେ ଏଭଳି ଏକ ଅଭାବନୀୟ ଘଟଣା ଘଟିଛି ।
ଜଣେ ସଫେଇ କର୍ମଚାରୀ ରାସ୍ତାରେ ନିଜ ଠେଲା ଗାଡ଼ିରେ ଫଳ ବିକ୍ରି କରୁଥିବା ଦିବ୍ୟାଙ୍ଗ ଦୋକାନୀଙ୍କୁ ମାଗଣାରେ କଦଳୀ ମାଗିଥିଲେ । ହେଲେ ଦିବ୍ୟାଙ୍ଗ ଦୋକାନୀ ଜଣକ ମାଗଣା ଫଳ ଦେବା ପାଇଁ ତାଙ୍କୁ ମନା କରିଦେଇଥିଲେ । ସେ ଭିନ୍ନକ୍ଷମ ହୋଇଥିଲେ ସୁଦ୍ଧା ପରିଶ୍ରମ କରି ଟଙ୍କା ରୋଜଗାର କରୁଥିଲେ । ଆଉ ଫଳ ବିକିଲେ ତାଙ୍କ ପରିବାର ଚଳୁଥିଲା । ତେଣୁ ମାଗଣାରେ ଫଳ ଦେଇ ପାରିବେ ନାହିଁ ବୋଲି ସେ ରୋକଠୋକ ମନା କରି ଦେଇଥିଲେ ।
Also Read
शारीरिक रूप से विकलांग सद्दाम हुसैन मुंबई के मीरा भायंदर में बेकरी लेन इलाके के पास फल बेच रहा था। उसी समय जेसन नाम के शख्स ने बिना भुगतान किए उसके ठेले से चार केले ले लिए. जब विरोध किया तो जेसन ने हुसैन को पीटना शुरू कर दिया. @MumbaiPolice @CPMumbaiPolice pic.twitter.com/HBxHKTwUl9
— Upendra Yadav (@UpendraSuryaDe1) May 3, 2023
ଏତିକିରେ ସଫେଇ କର୍ମଚାରୀଙ୍କ ମୁଣ୍ଡକୁ ପିତ୍ତ ଚଢ଼ି ଯାଇଥିଲା । ସଫେଇ କର୍ମଚାରୀ ଜଣକ ରାଗି ଯାଇ ଫଳ ବିକାଳିଙ୍କୁ ମାଡ଼ ମାରିବା ସହିତ ତାଙ୍କ ଠେଲାକୁ ଓଲଟାଇ ଦେଇଥିଲେ । ଏଥିସହିତ ରାସ୍ତାରେ ଦିବ୍ୟାଙ୍ଗଙ୍କୁ ଉଠାଇ କଚାଡ଼ି ଦେଇଥିଲେ । ମାଡ଼ ମାରିବା ଯୋଗୁଁ ଦିବ୍ୟାଙ୍ଗ ଦୋକାନୀ ଜଣକ ଆହତ ହୋଇଥିବା ବି ଜଣାପଡ଼ିଛି । ଭିଡିଓ ଭାଇରାଲ ହେବା ପରେ ସଫେଇ କର୍ମଚାରୀଙ୍କୁ କଡ଼ା ଦଣ୍ଡ ଦେବାକୁ ସାଧାରଣରେ ଦାବି କରାଯାଇଛି ।
ଭିଡିଓ ଆଧାରରେ ବର୍ତ୍ତମାନ ଅଭିଯୁକ୍ତ ସଫେଇ କର୍ମଚାରୀଙ୍କୁ ଧରିବା ପାଇଁ ତଦନ୍ତ ଆରମ୍ଭ ହୋଇଛି । ଦୋଷୀ ସାବ୍ୟସ୍ତ ହେଲେ ତାଙ୍କ ବିରୋଧରେ କଠୋର ଦଣ୍ଡବିଧାନ କରାଯିବ ବୋଲି ପ୍ରତିଶ୍ରୁତି ଦେଇଛି ପୋଲିସ୍ ।
