ପିହୁ ନିଖୋଜକୁ ବିତିଲାଣି ୧୪ ମାସ, ଆଉ ଆଜି ତା’ର ଜନ୍ମଦିନ। ମାଆ କହିଲେ....

ଯାଜପୁର(ସଂଜୀବ ନାୟକ): ଆଜି ମୋ ଝିଅର ଜନ୍ମଦିନ। ସେ ଥିଲେ କେତେ କଣ ହୋଇଥାଆନ୍ତା। ପିଠା, କ୍ଷୀରି ଓ ପୁରୀରେ ଭାସିଥାଆନ୍ତା ଘର। ସକାଳେ କଳସ ପୂଜା ହୋଇଥାଆନ୍ତା, ପଡ଼ିଶା ଘରେ ପିଠା ବଂଟା ହୋଇଥାଆନ୍ତା। ଆଉ ସନ୍ଧ୍ୟାବେଳକୁ ଘର ବେଲୁନ୍‌ରେ ସଜା ହୋଇଥାଆନ୍ତା। କେକ୍‌ ଆସିଥାଆନ୍ତା ଓ ମୋ ଝିଅ କେକ୍‌ କାଟିଥାଆନ୍ତା। ଏହାସହ କେତେ କଣ ହୋଇଥାଆନ୍ତା। ଏମିତି କେତେ ଆଶା ନିଶ୍ଚୟ ରଖିଥିବେ ଯାଜପୁର ବିଝାଂରପୁର ଅଂଚଳରୁ ନିଖୋଜ ଥିବା ପିହୁର ମାଆ।

ବିଝାଂରପୁର ଥାନା ଅନ୍ତର୍ଗତ ମଧୁସୁଦନ ପୁର ଗ୍ରାମର ମୋନାଲିସା ନାୟକଙ୍କ ଝିଅ ପିହୁ ଦୀର୍ଘ ୧୪ ମାସ ହେବ ନିଖୋଜ ଅଛନ୍ତି। ଆଉ ଏ ପର୍ଯ୍ୟନ୍ତ ତାଙ୍କର କୌଣସି ପତ୍ତା ବି ମିଳିନାହିଁ। ଆଉ କୁନି ଝିଅ କେବେ ଫେରିବ କି ଆଉ ଫେରିବ ନାହିଁ ତାହାକୁ ନେଇ ଏବେ ଦ୍ୱନ୍ଦ୍ୱରେ ପିହୁର ପରିବାର। ବିଶେଷ କରି ଆଜି ଜନ୍ମ ଦିନରେ ଝିଅ ପାଖରେ ନଥିବାରୁ ତା ଫେରିବା ବାଟକୁ ଅନାଇ ଅନାଇ ମା’ ଆଖିରେ ଲୁହ ଭରିଯାଇଛି । ଗତ ୨୦୨୦ ଅଗଷ୍ଟ ୯ ତାରିଖରେ ଝିଅ ନିଖୋଜ ହେବା ପରଠାରୁ ବିଝାଂରପୁର ଥାନା ଠାରୁ ଅଭିଯୋଗ ଆରମ୍ଭ କରି ଶିଶୁ ସୁରକ୍ଷା ,ଶିଶୁ ଅଧିକାର ଆୟୋଗ ସହ ମହିଳା ଶିଶୁ ବିକାଶ ମନ୍ତ୍ରୀ ଏବଂ ରାଜ୍ୟ ପୋଲିସ ଅଧିକାରୀଙ୍କୁ ଅବଗତ କରିଥିଲେ ମଧ୍ୟ କିଛି ସୁଫଳ ମିଳିନାହିଁ ।

Also Read

ରିକ୍ସା ଚଳାଉଥିବା ଲୋକ ଏବେ ଲକ୍ଷପତି, ଜାଣନ୍ତୁ ଏହା କେମିତି ହେଲା ସମ୍ଭବ?

୯ ହାତ ଦେଉଳରେ ୧୮ ହାତ କାଳୀ : ଏହା କେମିତି ସମ୍ଭବ?

ଭଦ୍ରକ ଓ ଯାଜପୁରରେ ଚାଲିଛି ଗଣପର୍ବ କାଳୀପୂଜା : କରୋନା କଟକଣାରେ ପୂଜା ପାଉଛନ୍ତି ମା’

ଆଉ ଏହାରି ଭିତରେ ୧୪ ମାସ ବିତିଗଲାଣି। କିନ୍ତୁ ଝିଅର କୌଣସି ଖୋଜ୍‌ ଖବର ନାହିଁ। ଝିଅକୁ ନପାଇ କାନ୍ଦି କାନ୍ଦି ଦିନ କାଟୁଛନ୍ତି ମାଆ। ଆଉ ଏହାରି ମଧ୍ୟରେ ତାଙ୍କ ଝିଅ କୁ ଫେରାଇ ଆଣିବାକୁ ରାଜ୍ୟ ସରକାରଙ୍କୁ ଅନୁରୋଧ କରିବା ସହ ଝିଅର ଅପହରଣ ଓ ନିଖୋଜ ମାମଲାକୁ ସିବିଆଇକୁ ହସ୍ତାନ୍ତର କରିବାକୁ ଭିଡିଓ ବାର୍ତ୍ତା ମାଧ୍ୟମରେ ଗୁହାରି କରିଛନ୍ତି । ତେବେ ପିହୁର ଫେରିବା ବାଟାକୁ ଚାହିଁ ରହିଛନ୍ତି ପୂରା ପରିବାର।