Advertisment

ଶୋଇଥିଲେ ସ୍ୱାମୀସ୍ତ୍ରୀ, ଘରେ ପଶି ଉଭୟଙ୍କୁ ବ୍ଲେଡରେ କାଟି ପକାଇଲା ଦୁର୍ବୃତ୍ତ

ରାତି ଅଧରେ ନିଶାସକ୍ତ ଅବସ୍ଥାରେ ଘରେ ପଶିଲା.. ସ୍ୱାମୀ ସ୍ତ୍ରୀଙ୍କୁ ବ୍ଲେଡରେ ଆକ୍ରମଣ କଲା.. ସ୍ୱାମୀ ଗୁରୁତର, ସ୍ତ୍ରୀଙ୍କ ଅବସ୍ଥା ସୁଧୁରୁଛି

author-image
Prangyan Parimita
Husband and wife critical after being attacked by blade i

Husband and wife critical after being attacked by blade i

ସ୍ୱାମୀ ସ୍ତ୍ରୀଙ୍କୁ ଦୁର୍ବୃତ୍ତର ଆକ୍ରମଣ । ଗତକାଲି ମଧ୍ୟରାତ୍ରିରେ ବ୍ଲେଡରେ ଆକ୍ରମଣ କରିଛି ଦୁର୍ବୃତ୍ତ । ଭୁବନେଶ୍ୱର ମଞ୍ଚେଶ୍ୱର ଥାନା ପାଣ୍ଡରା ଛକରେ ଥିବା କିମ୍ଭିରିଆ ବସ୍ତିରେ ଏହି ଘଟଣା ଘଟିଛି । ଏହି ବସ୍ତିର ସତ୍ୟଘନ ସ୍ୱାଇଁ ଓ ତାଙ୍କ ସ୍ତ୍ରୀଙ୍କୁ ବ୍ଲେଡରେ ଆକ୍ରମଣ କରିଥିଲା ଜଣେ ଯୁବକ । ସେ ନିଶାସକ୍ତ ଅବସ୍ଥାରେ ଉଭୟଙ୍କୁ ଆକ୍ରମଣ କରିଛି । ଅନ୍ୟପଟେ ସ୍ୱାମୀସ୍ତ୍ରୀଙ୍କୁ ଅବସ୍ଥା ବର୍ତ୍ତମାନ ଗୁରୁତର ଅବସ୍ଥାରେ କ୍ୟାପିଟାଲ ହସପିଟାଲରେ ଭର୍ତ୍ତି ହୋଇଛନ୍ତି।

Advertisment

ସୂଚନା ଅନୁସାରେ ପ୍ରେମରେ ବିଫଳତା ପାଇଁ ଏଭଳି ନାରକୀୟ କାଣ୍ଡ ଘଟାଇଛି ଦୁର୍ବୃତ୍ତ । ସ୍ୱାମୀସ୍ତ୍ରୀଙ୍କୁ ମରଣାନ୍ତକ ଆକ୍ରମଣ କରିଥିବା ଯୁବକ ଜଣକ ପାଖ ବସ୍ତିର ବୋଲି ଜଣାପଡ଼ିଛି । ଗତ କାଲି ଅଧରାତିରେ ଶୋଇଥିବା ବେଳେ ଯୁବକ ଜଣକ ଘରେ ପଶି ସ୍ୱାମୀସ୍ତ୍ରୀଙ୍କୁ ଆକ୍ରମଣ କରି ଫେରାର ମାରିଥିଲା । ଏଥିରେ ସ୍ୱାମୀ ସତ୍ୟଘନଙ୍କ ଅବସ୍ଥା ସଂକଟାପନ୍ନ ଥିବା ଜଣାପଡ଼ିଛି । ଅନ୍ୟପରେ ତାଙ୍କ ସ୍ତ୍ରୀଙ୍କ ଅବସ୍ଥା ସୁଧୁରୁଛି ।

ଅଭିଯୋଗ ପରେ ପୋଲିସ ଏହି ଘଟଣାର ତନାଘନା ଆରମ୍ଭ କରିଛି । କେଉଁ ଅବସ୍ଥାରେ ଯୁବକ ଜଣକ ଏଭଳି କାଣ୍ଡ ଭିଆଇଲେ । କେବଳ ପ୍ରେମ ନା ଆଉ କେଉଁ ଶତ୍ରୁତା ରହିଛି, ସେସମ୍ପର୍କରେ ଛାନଭିନ୍ ଜାରି ରହିଛି ।

Advertisment
Crime
Advertisment
Advertisment