LIVE TV
ପଡ଼ୋଶୀ ଦେଶ ପାକିସ୍ତାନରେ ହିନ୍ଦୁଙ୍କ ଉପରେ ଅତ୍ୟାଚାର ନୂଆ ନୁହେଁ । କେଉଁଠି ହିନ୍ଦୁ ମନ୍ଦିରକୁ ଭାଙ୍ଗି ଦିଆଯାଉଛି ତ କେଉଁଠି ହିନ୍ଦୁ ଯୁବତୀ ତଥା ମହିଳାଙ୍କ ଉପରେ ଅକଥନୀୟ ଅତ୍ୟାଚାର କରାଯାଉଛି । ବିଗତ ଦିନରେ ପାକିସ୍ତାନର ପଞ୍ଜାବ ଓ ସିନ୍ଧରେ ହିନ୍ଦୁଙ୍କୁ ଅକଥନୀୟ ନିର୍ଯାତନା ଦିଆଯାଉଥିବାର ଅନେକ ମାମଲା ମଧ୍ୟ ଆସିଛି । ପାକିସ୍ତାନରେ ଅଳ୍ପ ସଂଖ୍ୟକ ହିନ୍ଦୁଙ୍କ ଉପରେ ଏପରି ଅତ୍ୟାଚାର ହେବା ନେଇ ଅଭିଯୋଗ ହେଉଥିଲେ ମଧ୍ୟ ସରକାର ଆଖିଦୃଶିଆ ପଦକ୍ଷେପ ନେଉନଥିବାରୁ ବଢ଼ିଚାଲିଛି ନିର୍ଯାତନା । ଏବେ ପୁଣି ସିନ୍ଧ ପ୍ରଦେଶରେ ଜଣେ ହିନ୍ଦୁ ମହିଳାଙ୍କୁ ଗଣଦୁଷ୍କର୍ମ ପରେ ବିଭତ୍ସ ହତ୍ୟା କରାଯାଇଥିବା ଅଭିଯୋଗ ହୋଇଛି, ଯାହା ଶୁଣିଲେ ଛାତି ଥରି ଉଠିବ ।
ପାକିସ୍ତାନର ସିନ୍ଧ ପ୍ରଦେଶ ଅନ୍ତର୍ଗତ ସିଂଝୋରୋ ସହରରେ ଜଣେ ୪୦ ବର୍ଷିୟା ବିଧବାଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି । ମୃତ ମହିଳାଙ୍କ ନାମ ଦୟା ଭୀଲ । ସେ ହିନ୍ଦୁ ହୋଇଥିବା ବେଳେ ଭୀଲ ଆଦିବାସୀ ସମ୍ପ୍ରଦାୟର ଅଟନ୍ତି । ଦିୟାଙ୍କୁ ଗଣଦୁଷ୍କର୍ମ ପରେ ତାଙ୍କ ଶରୀରରୁ ମୁଣ୍ଡ ଅଲଗା କରିଦିଆଯାଇଛି । କେବଳ ପୀଡିତାଙ୍କ ମୁଣ୍ଡରୁଗଣ୍ଡି ଅଲଗା କରାଯାଇନି ବରଂ ବେଳେ ଛାତି ଓ ମୁହଁରୁ ମାଂସ ବାହାର କରାଯାଇ ରକ୍ତ ଜୁଡୁବୁଡୁ ମୃତଦେହକୁ ଏକ ବିଲରେ ଫିଙ୍ଗି ଦେଇଥିବା କହିଛନ୍ତି ପାକିସ୍ତାନ ପ୍ରଥମ ହିନ୍ଦୁ ମହିଳା ସିନେଟର କ୍ରିଷ୍ଣା କୁମାରୀ ।
Also Read
Daya Bhel 40 years widow brutally murdered and body was found in very bad condition. Her head was separated from the body and the savages had removed flesh of the whole head. Visited her village Police teams from Sinjhoro and Shahpurchakar also reached. pic.twitter.com/15bIb1NXhl
— Krishna Kumari (@KeshooBai) December 29, 2022
ସ୍ଥାନୀୟ ମିଡିଆରେ ପ୍ରକାଶିତ ଖବର ଅନୁଯାୟୀ, କୌଣସି ଧାରୁଆ ଅସ୍ତ୍ର ସାହାଯ୍ୟରେ ଦୟାଙ୍କ ଶରୀରରୁ ମୁଣ୍ଡକୁ ଅଲଗା କରାଯାଇଥିଲା । ମୁହଁରୁ ଚମଡା ଉତାରି ଦେବା ଫଳରେ ଖପୁରୀ ଦେଖାଯାଉଛି । ସେହିପରି ସ୍ତନକୁ କାଟି ଦେଇଥିବା ବେଳେ ଛାତିରୁ ଏକ ବଡ ଖଣ୍ଡ ମାଂସ କାଟି ଦିଆଯାଇଛି । ଫଳରେ ମୃତକଙ୍କ ପଞ୍ଜରା ହାଡ ମଧ୍ୟ ଦେଖାଯାଉଛି । ସିଂଝୋରୋ ପୋଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇବା ସହ ହତ୍ୟା ମାମଲା ରୁଜୁ କରି ତଦନ୍ତ ଚଳାଇଛି । ଅଜ୍ଞାତ ଅଭିଯୁକ୍ତଙ୍କୁ ଧରିବା ପାଇଁ ସ୍ନାଇପର ଡଗର ସହାୟତା ନେଉଛି ପୋଲିସ୍ । ତେବେ ଦିୟା ହତ୍ୟା ମାମଲାରେ ବର୍ତ୍ତମାନ ସୁଦ୍ଧା କାହାରିକୁ ଗିରଫ କରାଯାଇନଥିବା ସୂଚନା ମିଳିଛି ।
ଦିୟାଙ୍କୁ ନ୍ୟାୟ ପାଇଁ ସିନ୍ଧ ପ୍ରଦେଶରେ ପ୍ରଦର୍ଶନ ଆରମ୍ଭ ହୋଇଯାଇଛି । ପାକିସ୍ତାନ ପିପୁଲସ୍ ପାର୍ଟିର ସିନେଟର କ୍ରିଷ୍ଣା କୁମାରୀ, ମୃତ ଦୟା ଭୀଲଙ୍କ ଗାଁକୁ ଯାଇ ପୀଡିତ ପରିବାରକୁ ଭେଟିଛନ୍ତି । କ୍ରିଷ୍ଣା ଟ୍ୱିଟରରେ ଲେଖିଛନ୍ତି, "୪୦ ବର୍ଷିୟା ଦୟା ଭୀଲଙ୍କୁ ନିର୍ମମ ଭାବେ ହତ୍ୟା କରାଯାଇଛି ଓ ତାଙ୍କର ମୃତଦେହକୁ ଅତ୍ୟନ୍ତ ଦୟନୀୟ ସ୍ଥିତିରେ ଉଦ୍ଧାର କରାଯାଇଥିଲା । ସିଂଝୋରୋ ଓ ସାହାପୁରଚକର ପୋଲିସ ଟିମ ମିଳିତ ଭାବେ ଘଟଣାର ତଦନ୍ତ ଚଳାଇଛନ୍ତି ।"
ପାକିସ୍ତାନରେ ସଂଖ୍ୟାଲଘୁ ହିନ୍ଦୁଙ୍କୁ ଟାର୍ଗେଟ କରାଯାଉଥିବା ଲଗାତର ଅଭିଯୋଗ ହେଉଛି । କିଛି କଟ୍ଟର ଗୋଷ୍ଠୀଙ୍କ ଦ୍ୱାରା କେତେବେଳେ ହିନ୍ଦୁ ବିରୋଧି ମନ୍ତବ୍ୟ ଦିଆଯାଉଛି ତ କେତେବେଳେ ହିନ୍ଦୁ ନାବାଳିକା ଓ ମହିଳାଙ୍କୁ ଅପହରଣ କରି ସେମାନଙ୍କୁ ଯୌନ ନିର୍ଯାତନା ଦେବା ସହ ବଳ ପୂର୍ବକ ଧର୍ମ ପରିବର୍ତ୍ତନ କରି ବିବାହ କରାଯାଉଛି । ଗତ ମାର୍ଚ୍ଚ ୧୮ରେ ପୂଜା ନାମକ ଜଣେ ୧୮ ବର୍ଷିୟା ହିନ୍ଦୁ ଯୁବତୀଙ୍କୁ ସିନ୍ଧରେ ଗୁଳି କରି ହତ୍ୟା କରାଯାଇଥିଲା । ଧର୍ମ ପରିବର୍ତ୍ତନ ଓ ବିବାହ କରିବାକୁ ମନା କରିବାରୁ ପୂଜାଙ୍କୁ ହତ୍ୟା କରିଥିବା ଅଭିଯୋଗ ହୋଇଥିଲା । ରିପୋର୍ଟ ଅନୁସାରେ କେବଳ ସିନ୍ଧ ପ୍ରଦେଶରେ ବାର୍ଷିକ ପ୍ରାୟ ହଜାରେ ସଂଖ୍ୟାଲଘୁ ଯୁବତୀ ଯୌନ ନିର୍ଯାତନାର ଶିକାର ହେଉଛନ୍ତି ।
(ରିପୋର୍ଟ - ଶଙ୍କର୍ଷଣ ବାଘ)
