ସରକାରୀ ଗାଡ଼ିରେ ଗଂଜେଇ ଚୋରା ଚାଲାଣ !

ସରକାରୀ ଗାଡ଼ିରେ ଗଂଜେଇ ଚୋରା ଚାଲାଣ । କୋରାପୁଟ ଜିଲ୍ଲା ଲମତାପୁଟରୁ ଆସିଛି ଏଭଳି ଅଭିଯୋଗ । ପାଡୁଆ ପୋଲିସ୍ ସରକାରୀ ଗାଡ଼ିରୁ ଜବତ କରିଛି ଗଂଜେଇ । ଗଂଜେଇର ଓଜନ ପ୍ରାୟ ୫୧ କେଜି ହେବ ବୋଲି ସୂଚନା ମିଳିଛି ।

ମିଳିଥିବା ସୂଚନା ଅନୁଯାୟୀ, ଆଗୁଆ ସୂଚନା ପାଇ ଦାର୍ଲିପୁଟ ଗାଁ ନିକଟରେ ଏକ କାରକୁ ପୋଲିସ ଅଟକାଇଥିଲା । ଏହି ସମୟରେ କାରକୁ ଛାଡ଼ି ଚମ୍ପଟ ମାରିଥିଲା ଡ୍ରାଇଭର । ବଡ଼ କଥା ହେଉଛି, ଯେଉଁ ଗାଡ଼ିଟି ଧରାପଡ଼ିଛି, ସେହି ଗାଡ଼ିର ନମ୍ବର ପ୍ଲେଟରେ ଲେଖାଯାଇଛି ‘PWD, ଭାରତ ସରକାର’ ବୋଲି ।

ତେବେ ଏହା ବାସ୍ତବରେ ସରକାରୀ ଗାଡ଼ି ନା ଗଂଜେଇ ଚୋରାଚାଲାଣବେଳେ ଧରାନପଡ଼ିବା ପାଇଁ ଫନ୍ଦି କରି ନମ୍ବର ପ୍ଲେଟରେ ‘PWD, ଭାରତ ସରକାର’ ବୋଲି ଲେଖାଯାଇଛି, ସେନେଇ ତଦନ୍ତ ଜାରି ରହିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି ।