LIVE TV
ସୁରଟ୍ର ଡୁମସରେ ଅବସ୍ଥିତ ଏକ ପଞ୍ଚ ତାରକା ହୋଟେଲରେ ଆକାଉଣ୍ଟାଣ୍ଟ୍ଙ୍କ ହତ୍ୟା ହେତୁ ସମ୍ବେଦନଶୀଳତା ଖେଲିଯାଇଛି। ମୃତ ବ୍ୟକ୍ତି ଜଣକ ସୋମବାର ଅପରାହ୍ନରେ ବ୍ୟାଙ୍କ୍ରେ ୨୩ ଲକ୍ଷ ଟଙ୍କା ଜମା କରିବାକୁ ଯାଇଥିଲେ। କିଛି ଘଣ୍ଟା ପରେ ହୋଟେଲ ଭିତରେ ଥିବା ଏକ ଡଷ୍ଟ୍ବିନ୍ରୁ ତାଙ୍କ ମୃତଦେହ ମିଳିଥିଲା।
ଘଟଣା ସ୍ଥଳରେ ପୋଲିସ୍ ପହଞ୍ଚି ଯାଞ୍ଚ କରିବା ପରେ ହୋଟେଲ କର୍ମଚାରୀଙ୍କୁ ପଚରାଉଚରା ଆରମ୍ଭ କରିବାରୁ ହୋଟେଲ୍ର ହାଉସ କିପିଂ ପରିଚାଳକଙ୍କ ଉପରେ ସନ୍ଦେହ ହୋଇଥିଲା। ତାଙ୍କୁ ଜଣେ ସନ୍ଦିଗ୍ଧ ବ୍ୟକ୍ତି ଭାବରେ ପୋଲିସ ଗିରଫ କରିଥିଲା ଏବଂ ପଚରାଉଚରା ପରେ ସେ ନିଜ ଅପରାଧକୁ ସ୍ୱୀକାର କରିଥିଲା। ହତ୍ୟା ଅଭିଯୋଗରେ ପୋଲିସ ତାଙ୍କୁ ଗିରଫ କରି ଅଧିକ କାର୍ଯ୍ୟାନୁଷ୍ଠାନ ଆରମ୍ଭ କରିଛି।
Also Read
ପୋଲିସ୍ ସୂଚନାନୁସାରେ, ଓଡ଼ିଶାର ମୂଳ ବାସିନ୍ଦା ତଥା ୨୬ ବର୍ଷିୟ ଜୀବନ ରାଉତ ମଗଦଲ୍ଲା ଗାଁରେ ରହୁଥିଲେ ଏବଂ ଡୁମସସ୍ଥିତ ଏକ ପଞ୍ଚ ତାରକା ହୋଟେଲ୍ରେ ଆକାଉଣ୍ଟାଣ୍ଟ୍ ଥିଲେ। ସେ ଗତ ୫ ବର୍ଷ ହେବ ହୋଟେଲରେ କାମ କରୁଥିଲେ। ସୋମବାର ଅପରାହ୍ନରେ ହୋଟେଲର ତଳ ମହଲାରେ ଥିବା ଷ୍ଟୋର୍ ରୁମ୍ରେ ଥିବା ଏକ ଡଷ୍ଟବିନ୍ରୁ ତାଙ୍କ ରକ୍ତ ଜୁଡୁବୁଡୁ ମୃତଦେହ ମିଳିଥିଲା। ମୃତଦେହ ଦେଖିବା ପରେ ହୋଟେଲ୍ କର୍ମଚାରୀ ଆଶ୍ଚର୍ଯ୍ୟ ହୋଇଯାଇଥିଲେ। ସେ ତୁରନ୍ତ ପୋଲିସ୍କୁ ସୂଚନା ଦେଇଥିଲେ। ପୋଲିସ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା।
ପୋଲିସର ଅନୁସନ୍ଧାନ ବେଳେ ଜଣାପଡିଥିଲା ଯେ ତାଙ୍କୁ ଛୁରୀରେ ଗଳା କାଟି ହତ୍ୟା କରାଯାଇଛି। ପୋଷ୍ଟ୍ମର୍ଟମ୍ ପାଇଁ ପୋଲିସ ମୃତଦେହକୁ ଡାକ୍ତରଖାନାକୁ ପଠାଇଛି। ଏହା ବ୍ୟତୀତ ହୋଟେଲ୍ର କର୍ମଚାରୀଙ୍କୁ ପଚରାଉଚରା ପରେ ସନ୍ଦେହ ଘେରକୁ ଆସିଥିବା ହୋଟେଲ୍ ହାଉସ୍ କିପିଂ ପରିଚାଳକ ବିରେନ ଉର୍ଫ ୱାହିଦ୍ ସୈନୀଙ୍କୁ ପୋଲିସ୍ ହେପାଜତକୁ ନେଇଥିଲା ପଚରାଉଚରା ବେଳେ ପୋଲିସ୍ ଜାଣିବାକୁ ପାଇଛି ଯେ ଜୀବନ ରାଉତ ଓ ବିରେନ୍ ଭଲ ବନ୍ଧୁ ଥିଲେ। ଜୀବନ ପ୍ରତିଦିନ ହୋଟେଲ୍ ଟଙ୍କାକୁ ବ୍ୟାଙ୍କ୍ରେ ଜମା କରିବାକୁ ଯାଉଥିଲେ, ଯାହା ବିରେନ୍ ଜାଣିଥିଲେ।
ଯୋଜନା କରିବା ପରେ, ସେ ନିଜର ସାଙ୍ଗକୁ ଷ୍ଟୋର୍ ରୁମ୍ରେ ଲୁଚାଇ ଜୀବନଙ୍କୁ କହିଥିଲେ ଯେ ଯଦି ବ୍ୟାଙ୍କ୍କୁ ଗଲେ ତାଙ୍କୁ ସାଙ୍ଗରେ ନେବାକୁ। ଯେତେବେଳେ ଜୀବନ ବ୍ୟାଙ୍କକୁ ଗଲେ ସେ ବିରେନଙ୍କୁ ସାଙ୍ଗରେ ନେବା ପାଇଁ ଷ୍ଟୋର୍ ରୁମ୍କୁ ଗଲେ। ବିରେନ୍ ତାଙ୍କୁ ଭିତରକୁ ଡାକିଲେ ଏବଂ ନିଜ ସାଙ୍ଗମାନଙ୍କ ସହ ଛୁରୀ ମାରି ଜୀବଙ୍କୁ ହତ୍ୟାକଲେ। ଯେତେବେଳେ ପୋଲିସ ଜୀବନକୁ ଧରିଲା ତାଙ୍କ ପାଖରୁ ୪ ଲକ୍ଷ ଟଙ୍କା ବାହାରିଥିବା ବେଳେ ବାକି ଟଙ୍କା ତାଙ୍କ ସାଙ୍ଗମାନେ ନେଇ ପଳାଇ ଯାଇଥିଲେ।
କିପରି ପର୍ଦାଫାସ୍ ହେଲା ରହସ୍ୟ:
ଯେତେବେଳେ ପୋଲିସ ହୋଟେଲକୁ ଯାଇ ଅନୁସନ୍ଧାନ କଲା, ସେତେବେଳେ ବିରେନଙ୍କ ବୁଟ୍ରେ ରକ୍ତ ଚିହ୍ନ ଲାଗିଥିଲା। ସେ ନିଜର ପୋଷାକ ବଦଳାଇ ଆସିଥିଲେ ବି ବୁଟ୍ରେ ଥିବା ରକ୍ତ ଦାଗ ହିଁ ସବୁ ପୋଲ୍ ଖୋଲିଦେଇଥିଲା।
