ଉଦଳା ଥାନା ଅଞ୍ଚଳରେ ରେଡ୍ : ଡ୍ରଗ୍ସ ଜବତ, ଜଣେ ଗିରଫ

ଭୁବନେଶ୍ୱର : ରାଜ୍ୟରେ ଥମୁନି ଡ୍ରଗ୍ସ କାରବାର । ମୟୂରଭଂଜ ଜିଲ୍ଲା ଉଦଳା ଥାନା ଯଇଦା ଗାଁରେ ଚଢ଼ାଉ କରି ଅବକାରୀ ବିଭାଗ ଓ ସ୍ପେସାଲ ସ୍କ୍ୱାର୍ଡ ଲକ୍ଷାଧିକ ଟଙ୍କାର ଡ୍ରଗ୍ସ ଜବତ କରିଛି । ଅଭିଯୁକ୍ତ ରଜତ କୁମାର କରକୁ ମଧ୍ୟ ଗିରଫ କରିଛି ମିଳିତ ଟିମ୍ । ରେଡ୍ ବେଳେ ରଜତର ଘରୁ ୧୦ ଗ୍ରାମର ବ୍ରାଉନ ସୁଗର ଜବତ ହୋଇଥିଲା । ଅଭିଯୁକ୍ତ ଜଣକ ବହୁ ଦିନରୁ ଡ୍ରଗ୍ସ କାରବାର କରୁଥିବା ଅବକାରୀ ବିଭାଗ ପାଖରେ ଖବର ଥିଲା । ତା ଉପରେ ନଜର ରଖାଯାଇଥିଲା ।

ଶେଷରେ ତା ଘରେ ଚଢାଉ କରି ବ୍ରାଉନ ସୁଗର ଜବତ କରାଯାଇଛି । ସେ କେଉଁଠାରୁ,କାହାଠାରୁ ଡ୍ରଗ୍ସ ଆଣୁଥିଲା, କାହାକୁ ବିକୁଥିଲା, ସେ ସଂପର୍କରେ ଅଭିଯୁକ୍ତକୁ ପଚରା ଉଚରା କରାଯାଉଛି । ଏହା ପଛରେ ଏକ ବଡ଼ ରାକେଟ ଥିବା ସନ୍ଦେହ କରାଯାଉଛି ।

Also Read

ପାଟିରୁ ବାହାରିଲା ମାଙ୍କଡସା; ଲୋକେ ଦେଖି ଆଶ୍ଚର୍ଯ୍ୟ

ସାବଧାନ୍ ! ଫେଷ୍ଟିଭାଲ୍ ଗିଫ୍ଟ ପାଇଁ ଆସୁଥିବା ମେସେଜ ଲିଙ୍କରେ କରନ୍ତୁନି କ୍ଲିକ୍, ଖାଲି ହୋଇପାରେ ବ୍ୟାଙ୍କ ଆକାଉଣ୍ଟ

ଜପ କରନ୍ତୁ ଏହି ମନ୍ତ୍ର, ଦୂର ହେବ ଆର୍ଥିକ ସଂକଟ

ସେପଟେ କନ୍ଧମାଳ ଜିଲ୍ଲା ପୋଲିସ ଓ ଅବକାରୀ ବିଭାଗର ମିଳିତ ଟିମ୍ ଗୋଛାପଡ଼ା ଅଞ୍ଚଳର କେତେକ ଗାଁରେ ଚଢାଉ କରି କୋଟି କୋଟି ଟଙ୍କାର ଗଂଜେଇ ଗଛ ନଷ୍ଟ କରିଛନ୍ତି । ଜଙ୍ଗଲରେ ଏକ ପ୍ରକାର ଚାଷ କରାଯାଇଥିବା ୧୩୩ ଏକରର ଗଂଜେଇ ଗଛ ନଷ୍ଟ କରାଯାଇଛି । ଏହାର ମୂଲ୍ୟ ପ୍ରାୟ ୧୩ କୋଟି ହେବ ବୋଲି ଅନୁମାନ କରାଯାଉଛି । ପୋଲିସ ଓ ଅବକାରି ବିଭାଗର କନେଷ୍ଟବଳଙ୍କ ସହିତ ୩୦ରୁ ଅଧିକ ଶ୍ରମିକ ଏଥିରେ ନିୟୋଜିତ ହୋଇଥିଲେ ।