LIVE TV
ବଲାଙ୍ଗିରର ପ୍ରତିଷ୍ଠିତ ରାଜ ପରିବାର ତଥା ପୂର୍ବତନ ମନ୍ତ୍ରୀ ଅନଙ୍ଗ ଉଦୟ ସିଂଦେଓଙ୍କ ସାନ ବୋହୂ ଅଦ୍ରିଜା ସିଂଙ୍କ ଅଭିଯୋଗ ପଞ୍ଜୀକରଣ ହୋଇଛି। ଅର୍କେଶ ସିଂଦେଓଙ୍କ ପତ୍ନୀ ଅଦ୍ରିଜା ସିଂଙ୍କ ଅଭିଯୋଗ ଆଧାରରେ ଡେରାଡୁନ ରାଜପୁର ଥାନାରେ ପାରିବାରିକ ହିଂସା ମାମଲା ରୁଜୁ ହୋଇଛି। ସ୍ୱାମୀ ଅର୍କେଶଙ୍କ ସମେତ ଶ୍ୱଶୁର ଅନଙ୍ଗ ଉଦୟ ସିଂଦେଓ, ଶାଶୁ ବିଜୟଲକ୍ଷ୍ମୀ ଦେବୀ, ଦେଢ଼ଶୁର କଳିକେଶ ସିଂଦେଓ ଓ ବଡ଼ ଯାଆ ମେଘନାଙ୍କ ବିରୋଧରେ ଅଦ୍ରିଜା ଯୌତୁକ ଓ ନିର୍ଯାତନା ଅଭିଯୋଗ ଆଣିଥିଲେ।
ହେଲେ ପୋଲିସ କିଛି କାର୍ଯ୍ୟାନୁଷ୍ଠାନ ନେଉନଥିବାର ଅଭିଯୋଗ କରି ସେ ଉତ୍ତରାଖଣ୍ଡ ଡିଜିପିଙ୍କ ଦ୍ୱାରସ୍ଥ ହୋଇଥିଲେ। ଏବେ ଡେରାଡୁନରେ ମାମଲା ରୁଜୁ ହୋଇଥିବା ଅଦ୍ରିଜା ଓଟିଭିକୁ ସୂଚନା ଦେଇଛନ୍ତି। ଅଦ୍ରିଜା ଆଣିଥିବା ଅଭିଯୋଗକୁ ନେଇ ପୂର୍ବରୁ ଅର୍କେଶ କହିଥିଲେ, ଡେରାଡୁନ ଘରେ ଅଦ୍ରିଜାଙ୍କ ବାପା ଗୁଣ୍ଡା ଆଣି ପାଟିତୁଣ୍ଡ କରିଥିଲେ। ତାସହ ଏମିତି କିଛି ଦାବି ରଖିଥିଲେ, ଯାହା ପୂରଣ କରିବା ଅସମ୍ଭବ। ଯେହେତୁ ମାମଲା କୋର୍ଟଙ୍କ ବିଚାରାଧୀନ ରହିଛି, ତେଣୁ କୋର୍ଟରେ ବିଚାର କରିବାକୁ ଦିଅନ୍ତୁ ବୋଲି ଅର୍କେଶ କହିଥିଲେ।
Also Read
ଅଦ୍ରିଜାଙ୍କ ଅଭିଯୋଗ ଅନୁସାରେ, ଶ୍ୱଶୁର ଅନଙ୍ଗ ଉଦୟ ସିଂ ଦେଓ, ବିଜୟ ଲକ୍ଷ୍ମୀ ଦେବୀ, ମେଘନା ରାଣା ଗତ ୫ ବର୍ଷ ଧରି ବାରମ୍ବାର ମାନସିକ ନିର୍ଯାତନା ଦେଉଥିଲେ। ଏପରିକି ତାଙ୍କ ବେଡ୍ରୁମ୍ରେ କ୍ୟାମେରା ଲଗାଯାଇଥିଲା। ତାଙ୍କୁ ଗାଳିଗୁଲଜ କରାଯିବା ସହ ଧମକଚମକ ଦିଆଯାଉଥିଲା। ମ୍ୟାନେଜରଙ୍କ ମାଧ୍ୟମରେ ତାଙ୍କୁ ହତ୍ୟା ପାଇଁ ଉଦ୍ୟମ କରାଯାଇଥିଲା।
- Reported by:
- MANARANJAN JOSHI
