LIVE TV
ନର୍ସିଂ ହୋମ୍ରେ ଡାକ୍ତରଙ୍କୁ ଗୁଳିକରି ହତ୍ୟା। ଚିକିତ୍ସା ବାହାନାରେ ଆସି ଡାକ୍ତରଙ୍କୁ ମାରିଦେଲେ ଦୁଇ ଯୁବକ। ଦକ୍ଷିଣପୂର୍ବ ଦିଲ୍ଲୀ ଜୌତପୁର ଖଡା କଲୋନୀରେ ଘଟିଛି ଏହି ହତ୍ୟାକାଣ୍ଡ। ବୁଧବାର ବିଳମ୍ବିତ ରାତିରେ ନୀମା ନର୍ସିଂହୋମ ଭିତରକୁ ପଶି ଦୁଇ ଜଣ ବ୍ୟକ୍ତି ଡାକ୍ତରଙ୍କୁ ଗୁଳି କରି ହତ୍ୟା କରିଛନ୍ତି।
ମୃତ ଡାକ୍ତର ହେଲେ ଜାଭେଦ ଅଖତର । ଡାକ୍ତରଖାନା କର୍ମଚାରୀଙ୍କ କହିବାନୁସାରେ, ଗତକାଲି ରାତିରେ ଜଣ ଲୋକ ଆହତ ଅବସ୍ଥାରେ ହସ୍ପିଟାଲକୁ ଆସିଥିଲେ। ଗୋଡରେ ଆଘାତ ଲାଗିଥିବା କହି ଡ୍ରେସିଂ କରିବାକୁ କହିଥିଲେ। ଡାକ୍ତରଙ୍କୁ ଦେଖାକରିବା ପାଇଁ ଜିଦ୍ କରିଥିଲେ ଏବଂ କ୍ୟାବିନରେ ପ୍ରବେଶ କରିବା ମାତ୍ରେ ଡାକ୍ତରଙ୍କ ଉପରକୁ ଗୁଳି ଚଳାଇଥିଲେ।
Also Read
ଅଧିକ ପଢ଼ନ୍ତୁ: କିଣିଲେ ନୂଆ ମୋବାଇଲ, ଦେଲେନି ଟ୍ରିଟ୍...ସାଙ୍ଗମାନେ ଛୁରି ଭୁସି କଲେ ହତ୍ୟା
ପୋଲିସର ସୂଚନାନୁସାରେ, ରାତି ପ୍ରାୟ ୧ଟା ୪୫ ସମୟରେ ପୋଲିସକୁ ଏହି ଘଟଣା ସମ୍ପର୍କରେ ସୂଚନା ମିଳିଥିଲା। ଜଣେ ବ୍ୟକ୍ତି ଫୋନ୍ କରି ପୋଲିସକୁ ଏ ବିଷୟରେ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଡାକ୍ତର କ୍ୟାବିନରେ ଥିବା ଚେୟାରରେ ବସିଥିଲେ ଓ ତାଙ୍କ ମୁଣ୍ଡରୁ ରକ୍ତସ୍ରାବ ହେଉଥିଲା। ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ପ୍ରମାଣ ଜବତ କରିଛି। ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ଡାକ୍ତରଖାନାର ସିସିଟିଭି ଫୁଟେଜ ଯାଞ୍ଚ କରାଯାଉଛି।
#WATCH | Delhi | A doctor named Javed Akhtar was shot dead inside Nima Hospital, Jaitpur under the Kalindi Kunj PS area. As per hospital staff, two boys had come to the hospital with an injury, after dressing they had demanded to meet the doctor and shot him dead once they… pic.twitter.com/OJTkTsl5MJ
— ANI (@ANI) October 3, 2024
ପଚରାଉଚରା ବେଳେ ଜଣାପଡିଥିଲା ଯେ ଦୁଇ ଜଣ ବ୍ୟକ୍ତି ରାତି ପ୍ରାୟ ୧ଟା ବେଳେ ଡାକ୍ତରଖାନାକୁ ଆସିଥିଲେ। ଅଭିଯୁକ୍ତ ତାଙ୍କ ଗୋଡର ଡ୍ରେସିଂ ବଦଳାଇବାକୁ କହିଥିଲେ। ଡ୍ରେସିଂ ପରେ ଦୁହେଁ ଔଷଧ ନେବା ପାଇଁ ୟୁନାନି ଡାକ୍ତର (ବିଏମ୍ଏସ୍) ଜାଭେଦ ଅଖତରଙ୍କ କ୍ୟାବିନକୁ ଯାଇଥିଲେ। କିଛି ସମୟ ପରେ ନର୍ସିଂ କର୍ମଚାରୀ ଗାଜାଲା ପରଭେନ ଏବଂ ଏମଡି କାମିଲ ଗୁଳିର ଶବ୍ଦ ଶୁଣିଥିଲେ।ଗାଜାଲା ପରଭେନ ଜାଭେଦ ଡାକ୍ତରଙ୍କ କ୍ୟାବିନରେ ପହଞ୍ଚି ଦେଖିବା ବେଳକୁ ସେ ରକ୍ତ ଜୁଡୁବୁଡୁ ହୋଇଯାଇଥିଲେ। ତାଙ୍କ ମୁଣ୍ଡର ବାମ ପାର୍ଶ୍ୱରେ ରକ୍ତସ୍ରାବ ହେଉଥିଲା। ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା।
