ନୂଆ ଦାୟିତ୍ୱ ନେବା ପରେ ଆକ୍ସନ ମୋଡ୍‌ରେ କଟକ ଡିସିପି, ମୋବାଇଲ ଚୋରି ଗ୍ୟାଙ୍ଗ୍‌ର କଲେ ପର୍ଦ୍ଦାଫାଶ

ଗୋଟିଏ ପଟେ ରାଜ୍ୟରେ ଅପରାଧର ଚେର ବଢ଼ୁଥିବାବେଳେ ଏହାକୁ ରୋକିବାକୁ ଅଣ୍ଟାଭିଡିଛି କମିଶନରେଟ୍‌ ପୋଲିସ୍‌ । ଫଳରେ ଏବେ କଟକ କମିଶନରେଟ ପୋଲିସକୁ ମିଳିଛି ବଡ଼ ସଫଳତା । ମୋବାଇଲ ଚୋରି ରାକେଟର ପର୍ଦ୍ଦାଫାଶ କରିବା ସହ ପୋଲିସ ୪୯ଟି ଚୋରା ମୋବାଇଲ ଫୋନକୁ ଜବତ କରିଛି ।

(ଜବତ ମୋବାଇଲ)

ସୂଚନା ଅନୁସାରେ, କଟକ ଲାଲବାଗ ଥାନା ପୋଲିସ ମୋବାଇଲ୍ ଚୋରିର ଏକ ଘଟଣାରେ ଜଣଙ୍କୁ ଗିରଫ କରି ପଚରାଉଚରା ଜାରି ରଖିଥିଲା । ସେହି ସମୟରେ ମୋବାଇଲ୍ ଚୋରି ଗ୍ୟାଙ୍ଗ ସଂପର୍କରେ ସୂଚନା ପାଇଥିଲା । ପୋଲିସ ଏହାକୁ ନେଇ ବିଡାନାସୀ ଥାନା ପୋଲିସ ଅଞ୍ଚଳ ଓ ଲାଲବାଗ ଥାନା ଅଞ୍ଚଳରେ ଚଢ଼ଉ କରି ୨୨ଟି ଚୋରି ହୋଇଥିବା ମୋବାଇଲ୍ ସହ ଅନ୍ୟ ମୋବାଇଲ୍ ଜବତ କରିଛି ।

ଏନେଇ କଟକ ଡିସିପି ପିନାକ ମିଶ୍ର କହିଛନ୍ତି ଯେ, ‘ମୋବାଇଲ୍‌ ଚୋରି ମାମଲାର ତଦନ୍ତ କରି ମୋବାଇଲ୍‌ ଜବତ କରିବା ସହ ଆହୁରି ୨୨ଟି ଚୋରି ହୋଇଥିବା ମୋବାଇଲ୍ ମଧ୍ୟ ଜବତ କରିଛୁ । ମୋବାଇଲ ଚୋରି ଉପରେ ଆମେ କଡ଼ା ନଜର ରଖିଛୁ’ ।