ଧରାପଡ଼ିବା ପରେ ଭୁଲ୍‌ ମାଗିଲେ କନେଷ୍ଟବଲ, ଜବତ ମଦ ଓ ବାଣ ଚୋରା ଚାଲାଣ କରୁଥିଲେ...

ଥାନାରେ ଜବତ ରଖାଯାଇଥିବା ବାଣ ଓ ମଦକୁ ଚୋରା ଚାଲାଣ । ଖୋର୍ଦ୍ଧା ଜିଲ୍ଲା ବେଗୁନିଆ ଥାନାରେ ଜବତ ରଖାଯାଇଥିବା ବାଣ ଓ ମଦକୁ ଚୋରା ଚାଲାଣ ବେଳେ ସ୍ଥାନୀୟ ଲୋକ ଧରିଛନ୍ତି । ଏଥିସହ ଚୋରା ଚାଲାଣରେ ସାମିଲ ଥିବା କନେଷ୍ଟବଲ ଓ ହୋମଗାର୍ଡଙ୍କୁ ଅଟକ ରଖି ଏସଡିପିଓଙ୍କ ଜିମା ଦେଇଛନ୍ତି ଲୋକେ ।

ଗତକାଲି ବିଳମ୍ବିତ ରାତିରେ କନେଷ୍ଟବଲ ଓ ହୋମଗାର୍ଡ ମିଶି ଜବତ ବାଣ ଓ ମଦକୁ ଏକ ଗାଡ଼ିରେ ଚୋରା ଚାଲାଣ କରୁଥିଲେ । ଖବର ପାଇ ଖୋର୍ଦ୍ଧା ଏସ୍‌ଡିପିଓ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ଚୋରା ଚାଲାଣ ହେଉଥିବା ଗାଡ଼ିକୁ ଜବତ କରିଥିଲେ ।

ସେପଟେ ଚୋରା ଚାଲାଣ କରୁଥିବା କନେଷ୍ଟବଲ ଜଣଙ୍କ ସ୍ଥାନୀୟ ସରପଞ୍ଚ ଓ ଲୋକଙ୍କୁ ଭୁଲ୍‌ ମାଗିବା ସହ ଛାଡ଼ି ଦେବାକୁ ଅନୁରୋଧ କରିଥିବା ଦେଖିବାକୁ ମିଳିଥିଲା । ସୂଚନାଥାଉ କି,ଗତକାଲି ୨ଟି ପୃଥକ ଘଟଣାରେ ବାଣ ଭର୍ତ୍ତି ଟ୍ରକ୍ ଓ କାର୍‌ରୁ ମଦ ଜବତ ହୋଇଥିଲା ।

OTV is now on Whatsapp

Join and get latest news update delivered to you via whatsapp

Join Now