ଚିଟଫଣ୍ଡ ଠକେଇର ନୂଆ ଫଣ୍ଡା ! ନା ଅଫିସ ନା କାଗଜପତ୍ର, ସିଧା ଆପରେ ଚୂନ

ଚିଟଫଣ୍ଡ ଠକେଇର ନୂଆ ଫଣ୍ଡା । ନା ଅଫିସ, ନା କାଗଜ ପତ୍ର, ପୂରା ହାଇଟେକ୍ ତରିକାରେ ମୋବାଇଲ ଆପ୍ ଜରିଆରେ କୋଟି କୋଟିର ଠକେଇ । ଆମେରିକାରୁ ଅପରେଟ୍ ହେଉଥିଲା ଚିଟଫଣ୍ଡ କମ୍ପାନି କ୍ଲାଉଡ ଫଟ୍ । ବାଲେଶ୍ୱରରେ ଠକେଇର ମଙ୍ଗ ଧରିଥିଲା ନିଲେଶ କର ନାମକ ଜଣେ ଯୁବକ । ମୋବାଇଲ୍ ଆପ୍ 'କ୍ଲାଉଡ୍ ଫଟ୍' ଜରିଆରେ ସାରା ଦେଶରେ ୮୦ ହଜାରରୁ ଅଧିକ ଲୋକଙ୍କୁ ଚୂନ ଲଗାଇଛି ଏହି ଅନଲାଇନ ଚିଟ୍ ଫଣ୍ଡ କଂପାନି ।

ଅଳ୍ପ ଟଙ୍କା ବିନିଯୋଗ କରି ଆମେରିକୀୟ ଡଲାରରେ ଲକ୍ଷଲକ୍ଷ ଟଙ୍କା ରୋଜଗାରର ସ୍ୱପ୍ନ ଦେଖାଇ ଲୁଟିଛି କୋଟି କୋଟି ଟଙ୍କା । ରିଚାର୍ଡ ପର୍ସେଲ ନାମକ ବ୍ୟକ୍ତି ଆମେରିକାନ ଇଙ୍ଗ୍ଲିସରେ ଏକ ଭିଡିଓ ବାର୍ତ୍ତାରେ ସ୍କିମର ଲୋଭନୀୟ ଅଫର ବାବଦରେ କହି ଲୋକଙ୍କ ବିଶ୍ୱାସଭାଜନ ହେଉଥିଲା । କ୍ଲାଉଡ୍ ଫଟ୍ କଂପାନି ଭାରତୀୟ ରିଜର୍ଭ ବ୍ୟାଙ୍କ ସହ ଅନୁବନ୍ଧିତ ଓ ଭାରତ ସରକାରଙ୍କ ସହ ୧୦ ବର୍ଷର ଚୁକ୍ତି ହୋଇଥିବା ନେଇ ଦେଖାଉଥିଲା ଫ୍ରଡ୍ ଡକ୍ୟୁମେଣ୍ଟ । ଏହା ଏକ କ୍ରିପ୍ଟୋ ମାଇନିଂ କଂପାନି କହି ଟଫଣ୍ଡର ବିରାଟ ସାମ୍ରାଜ୍ୟ ଚଳାଇଥିବା ଅଭିଯୋଗ ହୋଇଛି ।

#ଚିଟଫଣ୍ଡ_ଠକେଇର_ନୂଆ_ଫଣ୍ଡା
ନା ଅଫିସ, ନା କାଗଜପତ୍ର.. । ସିଧା ଅନଲାଇନ୍ ଆପରେ ଦେଶର ୮୦ ହଜାର ଲୋକଙ୍କ କୋଟି କୋଟିର ଜମା ନେଇ ହାୱା ହେଇଗଲା ଆମେରିକାନ ଚିଟଫଣ୍ଡ କଂପାନି #କ୍ଲାଉଡ ଫଟ୍ । ସଂସ୍ଥାର #ବାଲେୱର ମୁଖ୍ୟଙ୍କୁ ବାନ୍ଧି ଇଓଡବ୍ଲୁର ତନାଘନା... ।#Chitfundpic.twitter.com/q6X9j2K3K4

— ଓଟିଭି (@otvkhabar) April 7, 2023

କ୍ଲାଉଡ୍ ଫଟ୍ ଆପରେ ନୂଆ ସଦସ୍ୟ ଯୋଡିବାକୁ ବି ଦିଆଯାଉଥିଲା ଅଫର। ଯିଏ ନୂଆ ନିବେଶକାରୀ ଆଣୁଥିଲା ତାଙ୍କୁ ବୋନସ ଦେବାକୁ ବି ଲୋଭ ଦେଖାଯାଉଥିଲା । କିଛି ଶହ ଟଙ୍କା ନିବେଶ କରି ଆମେରିକୀୟ ଡଲାରରେ ଆୟର ଲୋଭ ଦେଖାଇ ଲୋକଙ୍କୁ ଚୂନ ଲଗାଇଛି କଂପାନୀ। ଅଭିଯୋଗ ଆଧାରରେ ବାଲେଶ୍ୱର କ୍ଲାଉଡ ଫଟ୍ ମୁଖ୍ୟ ନିଲେଶ କରଙ୍କୁ ଗିରଫ କରିଛି କ୍ରାଇମବ୍ରାଞ୍ଚର ଇଓଡବ୍ଲୁ । ଏହାସହ ଅଭିଯୁକ୍ତ ନିଲେଶକୁ ୪ଦିନିଆ ରିମାଣ୍ଡରେ ନେଇ ଚଳାଇଛି ଖୋଳତାଡ଼ ।

ପୂର୍ବରୁ ଲୋନ ଆପର ଚାଇନା ଲିଙ୍କ୍, ଗେମିଂ ପଂଜି ଆପର ଦୁବାଇ ଲିଙ୍କ ପରେ ଏବେ କ୍ଲାଉଡ୍ ଫଟର ଆମେରିକା ଲିଙ୍କ୍ ତଦନ୍ତକାରୀ ସଂସ୍ଥାର ଚିନ୍ତା ବଢ଼ାଇଛି।....