LIVE TV
ନାଚିବାକୁ କେନ୍ଦ୍ର କରି ହତ୍ୟାକାଣ୍ଡ । ବାହାଘର ଶୋଭାଯାତ୍ରାରେ ନାଚିବାକୁ ବାରଣ କରିବାରୁ କନ୍ୟା ମା'ଙ୍କୁ ହତ୍ୟା ହୋଇଥିବା ସୂଚନା ।ବରଗଡ଼ ଜିଲ୍ଲା ମେଲଛାମୁଣ୍ଡା ଥାନା ସାଲେପାଲି ଗାଁରେ ଘଟିଛି ଏହି ନୃଶଂସ ହତ୍ୟାକାଣ୍ଡ । ମୃତକ ହେଲେ କନ୍ୟାଙ୍କ ମାଆ କିଶୋରୀ ରାଜହଂସ ।
(ମୃତ ମହିଳା)ସୂଚନା ଅନୁସାରେ, କିଶୋରୀଙ୍କ ଝିଅର ବାହାଘର ପାଇଁ ବରଗଡ଼ ଘେସ ନିକଟସ୍ଥ ବଡ଼ମାଲରୁ ପୁଅ ପକ୍ଷ ବରଯାତ୍ରୀ ଆସିଥିଲେ । ସେହି ଗାଁର ସୁମନ୍ତ ଓ ସୁବୋଧ ବରଯାତ୍ରୀଙ୍କ ସହ ନାଚିଥିଲେ । ହେଲେ କନ୍ୟାର ମାଆ କିଶୋରୀ ରାଜହଂସ ବରଯାତ୍ରୀଙ୍କ ସହ ନାଚିବାକୁ ସେମାନଙ୍କୁ ବାରଣ କରିଥିଲେ । ଏଥିରେ ଉତ୍ତ୍ୟକ୍ତ ହୋଇ ସୁମନ୍ତ ଓ ସୁବୋଧ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ କିଶୋରୀଙ୍କୁ ବରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।
