ବୀଭତ୍ସ ! ! ମୁଣ୍ଡରେ ପଥର ଛେଚି ଇଟା ଭାଟି ମାଲିକଙ୍କୁ ହତ୍ୟା

ଇଟା ଭାଟି ମାଲିକଙ୍କୁ ବୀଭତ୍ସ ଭାବରେ ହତ୍ୟା କରାଯାଇଛି । କେନ୍ଦ୍ରାପଡ଼ା ମହାକାଳପଡା ବ୍ଲକ ଜମ୍ବୁ ସାମୁଦ୍ରିକ ଥାନା ଖରନାସୀ ଗାଁରେ ଏଭଳି ହତ୍ୟାକାଣ୍ଡ ଘଟିଛି । ଏବେ ହତ୍ୟାକାଣ୍ଡ କାରଣ ଅସ୍ପଷ୍ଟ ଥିବାବେଳେ ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି ।

ମୃତକ ହେଲେ ପାତାପାଟ ଗାଁର ଦୀନେଶ ବୈଦ । ଖରନାସୀ ଠାରେ ଏକ ଇଟାଭାଟି କରି ଇଟା ବ୍ୟବସାୟ କରୁଥିଲେ ଦୀନେଶ । ଗତରାତିରେ ଭାଟି ଶ୍ରମିକ ସହିତ ଭୋଜି ଆୟୋଜନ କରି ଘରକୁ ନଯାଇ ଭାଟିରେ ହିଁ ରହିଯାଇଥିଲେ । ହେଲେ ଆଜି ଆଜି ସକାଳେ ଇଟା ଭାଟି ପରିସରରୁ କ୍ଷତବିକ୍ଷତ ଶରୀରକୁ ଦେଖିଥିଲେ ସ୍ଥାନୀୟ ଲୋକ । ପରେ ପରିବାର ଲୋକେ ଖବର ପାଇ ଜମ୍ବୁ ସାମୁଦ୍ରିକ ଥାନାରେ ହତ୍ୟା ଅଭିଯୋଗ କରିଛନ୍ତି ।

ଅଧିକ ପଢ଼ନ୍ତୁ: ପୁଅ, ଝିଅ ସହ ମିଶି ସ୍ୱାମୀକୁ ପିଟିପିଟି ହତ୍ୟା

#ଇଟା_ଭାଟି_ମାଲିକଙ୍କୁ_ବୀଭତ୍ସ_ହତ୍ୟା
କେନ୍ଦ୍ରାପଡା: ଇଟା ଭାଟି ମାଲିକଙ୍କୁ ବୀଭତ୍ସ ହତ୍ୟା । ଜମ୍ବୁ ସାମୁଦ୍ରିକ ଥାନା ଖରନାସୀ ଗାଁରେ ବୀଭତ୍ସ ହତ୍ୟା । ମୃତକ ପାତାପାଟ ଗାଁର, ହତ୍ୟାର କାରଣ ଅସ୍ପଷ୍ଟ ।#Murder#Kendrapara#OTVpic.twitter.com/aqa1tdZEdq

— ଓଟିଭି (@otvkhabar) November 28, 2022

ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିବା ସହ ହତ୍ୟାକାଣ୍ଡର ତଦନ୍ତ କରୁଛି ପୋଲିସ୍‌ । ଦୀନେଶଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ରହିଛି । ତାଙ୍କ ମୁଣ୍ଡକୁ ପଥରରେ ଛେଚି ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି ।