LIVE TV
ପିପିଲିରେ ଫୁଟିଲା ବୋମା । ବିଳମ୍ବିତ ରାତିରେ ପିପିଲି ଜମାଲପୁର ମେଲଣ ପଡିଆ ନିକଟରେ ବୋମମାଡ଼ ହୋଇଛି । ୩ ଗୋଟି ବୋମା ଫୁଟିଥିବା ସୂଚନା ମିଳିଛି । ଏହି ଘଟଣାରେ ୩ ଜଣ ଆହତ ହୋଇଥିବା ବେଳେ ବୋମା ଫିଙ୍ଗିଥିବା ଯୁବକ ଗୁରୁତର ରହିଛି । ବୋମାମାଡ଼ ସମୟରେ ତା' ହାତରେ ଫୁଟିଯାଇଛି ବୋମା । ତାକୁ ଉଦ୍ଧାର କରାଯାଇ ଭୁବନେଶ୍ୱର ଏମ୍ସ ହସ୍ପିଟାଲରେ ଭର୍ତ୍ତି କରାଯାଇଛି ।
ଅଧିକ ପଢ଼ନ୍ତୁ: ରାଜଧାନୀରେ ଏନକାଉଣ୍ଟର, କୁଖ୍ୟାତ ବ୍ରାଉନସୁଗାର ବେପାରୀ ଗୁରୁତର
Also Read
ଯାହା ସୂଚନା ମିଳିଛି, ଗତକାଲି ରାତିରେ ଜମାଲପୁର ଗାଁରେ ଯାତ୍ରା ହେଉଥିଲା । ବର୍ଷା ହେବା ଯୋଗୁଁ ଲୋକମାନେ ଘରକୁ ପଳାଇ ଯାଇଥିଲେ । ଏହାପରେ ବିଳମ୍ବିତ ରାତି ପ୍ରାୟ ସାଢେ ୨ଟାରୁ ୩ଟା ମଧ୍ୟରେ ଗାଁ ମେଲଣ ପଡିଆ ନିକଟରେ ଫୁଟିଥିଲା ବୋମା । ମୋଟ ୩ଟି ବୋମାମାଡ଼ ହୋଇଥିଲା । ତେବେ ଜଣେ ଯୁବକ ବୋମାମାଡ଼ କରିବା ସମୟରେ ତା' ହାତରେ ବୋମା ଫୁଟି ଯାଇଥିଲା । ଏବେ ବି ଘଟଣାସ୍ଥଳରେ ଗୋଟିଏ ଜୀବନ୍ତ ବୋମା ପଡ଼ିରହିଛି । ଏହାକୁ ନିଷ୍କ୍ରିୟ କରିବାକୁ ବୋମା ନିଷ୍କ୍ରିୟକାରୀ ଦଳକୁ ଡକାଯାଇଛି । ପିପିଲି ପୋଲିସ ପହଞ୍ଚି ତଦନ୍ତ ତଦନ୍ତ ଆରମ୍ଭ କରିଛି ।
ଏହି ବୋମାମାଡ଼ ଘଟଣାରେ ସେହି ଗାଁଁର ଦୁଇ ଭାଈ ସମ୍ପୃକ୍ତ ଥିବାର ସୂଚନା ମିଳୁଛି । ତେବେ କାହିଁକି ବୋମାମାଡ଼ ହେଲା, କ'ଣ କାରଣ ତାହା ଏ ଯାଏଁ ସ୍ପଷ୍ଟ ହୋଇନି । ଘଟଣାର ତଦନ୍ତ ପରେ ଜଣାପଡିବ ବୋଲି ସୂଚନା ଦେଇଛନ୍ତି ପିପିଲି ଥାନା ଆଇଆଇସି ।
ଅଧିକ ପଢ଼ନ୍ତୁ: ୫୦ ହଜାର ଟଙ୍କାର ୫୦୦ ଟଙ୍କିଆ ଜାଲ ନୋଟ୍ ଜବତ; ୨ ଗିରଫ
