ରାଜଧାନୀରେ ସନ୍ଦେହଜନକ ବିସ୍ଫୋରଣ; ଭୁଶୁଡ଼ିଲା ଘରର କାନ୍ଥ

ରାଜଧାନୀରେ ସନ୍ଦେହଜନକ ବିସ୍ଫୋରଣ । ଝାରପଡ଼ା ଅଞ୍ଚଳର ଏକ ଘରେ ବିସ୍ଫୋରଣ ଘଟି କାନ୍ଥ ଭାଙ୍ଗି ଯାଇଛି । ପୂର୍ବ ଶତ୍ରୁତାରୁ ଏଠି ବୋମାମାଡ଼ ହୋଇଥିବା ନେଇ ଲକ୍ଷ୍ମୀସାଗର ଥାନାରେ ଏତଲା ହୋଇଛି । ମିଳିଥିବା ସୂଚନା ମୁତାବକ ଏହି ଘରେ ଏକ ଘରୋଇ ସଂସ୍ଥା ନିଜ ବ୍ୟବସାୟ ଚଲାଇଥିଲେ । ତେବେ ଘର ଭଡ଼ାକୁ ନେଇ ମାଲିକଙ୍କ ସହ ବିବାଦ ଥିଲା ।

ସେପଟେ ବୋମାମାଡ଼କୁ ପୋଲିସ୍ ଖଣ୍ଡନ କରିଥିବା ବେଳେ ଘର ଭିତରେ ବ୍ୟାପକ ପରିମାଣର ଡିଓଡ୍ରାଣ୍ଟ୍ ଥିଲା । ତେବେ ପୁରା ଘଟଣାର ଏବେ ତଦନ୍ତ ଚାଲିଥିବା କହିଛି । ସ୍ଥାନୀୟ ଲୋକଙ୍କ କହିବାନୁଯାୟୀ ଘଟଣାଟି ରାତି ପ୍ରାୟ ୧୧.୪୫ ମିନିଟ୍‌ ବେଳକୁ ହୋଇଥିଲା । ହଠାତ୍‌ ବୋମା ମାଡ଼ ହେଲା ଭଳି ଶବ୍ଦ ହୋଇଥିଲା । ଘରଟି ହୁ ହୁ ହୋଇ ଜଳୁଥିବାରୁ ଅଗ୍ନିଶମ ଗାଡ଼ି ଆସି ନିଆଁକୁ ଆୟତ୍ତ କରିଥିଲା ।

ତେବେ ବୋମାମାଡ଼ ହୋଇଛି କି ନାହିଁ ତାହା ଏଯାଏଁ ସ୍ପଷ୍ଟ ହୋଇନାହିଁ । କାରଣ ଘରେ ଡିଓଡ୍ରାଣ୍ଟ ଥିବାରୁ ସଟ୍‌ ସର୍କିଟ ହୋଇଥିବା ନେଇ ମଧ୍ୟ ସନ୍ଦେହ କରାଯାଉଛି । କିନ୍ତୁ ଘରର କାନ୍ଥ ଗୁଡ଼ିକ ଭାଙ୍ଗି ଯାଇଥିବାରୁ ବୋମାମାଡ଼ ହୋଇଥିବା କୁହାଯାଉଛି ।