Chain Snatchers: ପ୍ରଥମେ ବଡେ ମିଆଁ, ଆଉ ଏବେ ମାତିଛି ଛୋଟେ ମିଆଁ...

ଅପରାଧିକ କ୍ଷେତ୍ରରେ ମିଆଁ ବ୍ରଦର୍ସ । ପ୍ରଥମେ ବଡେ ମିଆଁ ଆଉ ଏବେ ମାତିଛି ଛୋଟେ ମିଆଁ । ଏକୁଟିଆ ମହିଳାଙ୍କୁ ଦେଖି ପିଛା କରୁଛି, ପରେ ମଉକା ଦେଖି ସୁନା ଚେନ୍ ଝାମ୍ପି ଚମ୍ପଟ୍ ମାରୁଛି । ଗଞ୍ଜାମ ଜିଲ୍ଲା ବ୍ରହ୍ମପୁର ପ୍ରେମ୍ ନଗର ମୁଖ୍ୟରାସ୍ତା ଲୁଟ୍ ଘଟଣାର ଛୋଟେ ମିଆଁ ଶେଖ୍ ଜାହିଦକୁ ଗିରଫ କରିଛି ପୋଲିସ । ସେହିପରି ସୁନା ଚେନ୍ ଲୁଟ୍ ସମେତ ୮ଟି ମାମଲା ଥିବା ବଡେ ମିଆଁ ଶେଖ୍ ବାବୁ ମଧ୍ୟ ଗିରଫ ହୋଇଛି । ଲୁଟରେ ଏମାନଙ୍କୁ ସାହାଯ୍ୟ କରୁଥିବା ନାବାଳକ ବାଇକ୍ ରାଇଡର ବି ପୋଲିସ କବଜାରେ ।

#ଆତଙ୍କ_ମଚାଉଥିଲେ_ବଡ଼େ_ମିଆଁ_ଛୋଟେ_ମିଆଁ
ଅପରାଧିକ କ୍ଷେତ୍ରରେ ମିଆଁ ବ୍ରଦର୍ସ। ପ୍ରଥମେ ବଡେ ମିଆଁ ଆଉ ଏବେ ମାତିଛି ଛୋଟେ ମିଆଁ। ବଡେ ମିଆଁ ବିରୁଦ୍ଧରେ ସୁନା ଚେନ୍ ଲୁଟ୍ ସହ ୮ଟି ଅପରାଧିକ ମାମଲା ରହିଛି।#Loot#Crime#Ganjam#SpecialStory#OdishaTV#OTVpic.twitter.com/cEdEJMFieN

— ଓଟିଭି (@otvkhabar) March 28, 2025

ଅଧିକ ପଢ଼ନ୍ତୁ: ଏମିତି ପୁଅ କାହାକୁ ନ ମିଳୁ, ମଦ ପିଇବାକୁ ତାଗିଦ୍ କରିବାରୁ...

ମାର୍ଚ୍ଚ ୨୨ ଭୋର୍ ସାଢେ ପାଞ୍ଚଟା ବେଳର ଏ ସିସିଟିଭି ଦୃଶ୍ୟ । ଦେଖନ୍ତୁ କିପରି ଏକୁଟିଆ ଦେଖି ମହିଳାଙ୍କୁ ପିଛା କରୁଛନ୍ତି ଦୁଇ ବାଇକ୍ ଆରୋହୀ । ପ୍ରଥମେ ତନ୍ନ ତନ୍ନ କରି ଆଗ-ପଛ ଦେଖୁଛନ୍ତି, ପରେ ୟୁ-ଟର୍ଣ୍ଣ ମାରି ଅନ୍ୟ ସ୍ଥାନକୁ ଯାଉଛନ୍ତି, ମଉକା ମିଳିଲେ କଥା ହେବା ଆଳରେ ଝାମ୍ପି ନେଉଛନ୍ତି ସୁନା ଚେନ୍ ।

ଏନେଇ ବଡ଼ ବଜାର ଥାନା ହାଉସିଂ ବୋର୍ଡ ଅଞ୍ଚଳର ମହିଳାଙ୍କ ଅଭିଯୋଗ କ୍ରମେ ପୋଲିସ ତଦନ୍ତ ଆରମ୍ଭ କରିଥିଲା । ସିସିଟିଭି ଫୁଟେଜକୁ ଆଧାର କରି ଛୋଟେ ମିଆଁ ଏବଂ ନାବାଳକ ବାଇକ୍ ଡ୍ରାଇଭରକୁ ଗିରଫ କରିଛି । ଦୁଇ ଭାଇଙ୍କ ନିକଟରୁ ପୋଲିସ ୯୦ ଗ୍ରାମର ସୁନା ଜବତ କରିଛି ।

ସହରରେ ଏପରି ଘଟଣା ବଢି ଚାଲିଥିବାରୁ ପୋଲିସ ସଚେତନତା ଅଭିଯାନ ଆରମ୍ଭ କରିବା ଆବଶ୍ୟକ ବୋଲି ମତ ପୋଷଣ କରିଛନ୍ତି ଆଇନଜୀବୀ । ବିଭିନ୍ନ ସ୍ଥାନରେ ଅପରାଧୀଙ୍କ ଫଟୋ ଲଗାଇଲେ ଲୋକେ ସଚେତନ ହୋଇପାରନ୍ତେ ବୋଲି ଆଇନଜୀବୀ କୁନାଲ ସାହୁ କହିଛନ୍ତି ।

ଅଧିକ ପଢ଼ନ୍ତୁ: ପୁଅକୁ ମାରି ଟାଙ୍ଗିଦେଲା ବାପା! ବୁକୁ ଫଟେଇ ବାହୁନି କାନ୍ଦୁଛି ମା’...