LIVE TV
ମହଙ୍ଗା ପଡ଼ିଲା ଅଜୟ ଦେବ୍ଗନ୍ ଷ୍ଟାଇଲ୍ ଷ୍ଟଣ୍ଟ୍ବାଜି । ଜେଲ୍ ଗଲେ ଷ୍ଟଣ୍ଟ୍ କରୁଥିବା ଯୁବକ । ଉତ୍ତରପ୍ରଦେଶ ନୋଇଡ଼ାରେ ଦେଖିବାକୁ ମିଳିଛି ଏହି ଘଟଣା । ଜଣେ ଯୁବକ ଅଜୟ ଦେବ୍ଗନ୍ ଷ୍ଟାଇଲ୍ ଷ୍ଟଣ୍ଟ୍ବାଜି କରୁଥିଲେ । ଯାହା ଯୁବକଙ୍କ ଉପରେ ହିଁ ଭାରି ପଡିଲା । ଶେଷରେ ପୋଲିସ ତାଙ୍କୁ ଗିରଫ କରିଛି । ତେବେ ଗିରଫ ଅଭିଯୁକ୍ତ ଜଣକଙ୍କ ନାଁ ରାଜୀବ ହୋଇଥିବା ଜଣାପଡିଛି ।
Also Read
ଉତ୍ତରପ୍ରଦେଶ ସୋରାଖା ଗାଁର ୨୧ ବର୍ଷୀୟ ରାଜୀବ ଗୋଲ୍ମାଲ ଫିଲ୍ମର ଅଜୟ ଦେବଗନଙ୍କ ଏଣ୍ଟ୍ରି ସିନ୍ ଭଳି ରାସ୍ତାରେ ବିପଦସଂକୁଳ ଢଙ୍ଗରେ ୨ଟି ଚଳନ୍ତା ଏସ୍ୟୁଭି କାର୍ ଉପରେ ଛିଡ଼ା ହୋଇ ଷ୍ଟଣ୍ଟ୍ କରୁଥିବା ଭିଡିଓ ସୋସିଆଲ୍ ମିଡିଆରେ ଛାଡ଼ିଥିଲେ । ଭିଡିଓଟି ଭାଇରାଲ ହେବା ପରେ ସମ୍ପୃକ୍ତଙ୍କୁ ଯୁବକଙ୍କୁ ଗିରଫ କରିବା ସହ ନୋଇଡ଼ା ପୋଲିସ ୨ଟି ଯାକ ଦାମୀ ଏସ୍ୟୁଭି ଜବତ କରିଛି । ଏନେଇ ଗୌତମବୁଦ୍ଧ ନଗର ପୋଲିସ କମିଶନରେଟ୍ ପକ୍ଷରୁ ଟୁଇଟ୍ ଯୋଗେ ସୂଚନା ଦିଆଯାଇଛି । ଠିକ୍ ସେହିପରି ଆଉ ଜଣେ ଯୁବକ ମଧ୍ୟ ବିପଦସଂକୁଳ ଢଙ୍ଗରେ ରାସ୍ତାରେ ବାଇକ୍ ଚଲାଉଥିବା ଭିଡିଓ ମଧ୍ୟ ଭାଇରାଲ୍ ହୋଇଥିଲା ।
ଦେଖନ୍ତୁ ଯୁବକଙ୍କ ଷ୍ଟଣ୍ଟ୍ ଭିଡିଓ :-
गाड़ियों व बाइक पर खतरनाक स्टंट करने वाले युवक को थाना सेक्टर-113 नोएडा पुलिस द्वारा गिरफ्तार कर स्टंट में प्रयुक्त वाहनों को सीज किया गया।#UPPolice pic.twitter.com/92yYu33O45
— POLICE COMMISSIONERATE GAUTAM BUDDH NAGAR (@noidapolice) May 22, 2022
ନିକଟରେ ଅମିତାଭ ବଚ୍ଚନ, ଶାହରୁଖ ଖାନ ଏବଂ ଅଜୟ ଦେବଗନଙ୍କ ନାଁରେ ମାମଲା ରୁଜୁ ହୋଇଥିଲା । ଅମିତାଭ ବଚ୍ଚନ, ଶାହରୁଖ ଖାନ ଏବଂ ଅଜୟ ଦେବଗନ୍ଙ୍କ ଭଳି ପ୍ରସିଦ୍ଧ କଳାକାରମାନେ ଗୁଟ୍ଖା ଏବଂ ତମାଖୁର ବିଜ୍ଞାପନ କରୁଥିବା ନେଇ ସ୍ଥାନୀୟ ଆଞ୍ଚଳର ଜଣେ ସମାଜସେବୀ ତମନ୍ନା ହାଶମୀ ବିହାର ମୁଜାଫରପୁର କୋର୍ଟରେ ଦାୟର ମାମଲା କରିଥିଲେ ।
ଅଭିଯୋଗ ଅନୁଯାୟୀ, ଏଭଳି ମାଦକ ଦ୍ରବ୍ୟ ଖାଇବା ପାଇଁ ଏହି କଳାକାରମାନେ ସମାଜକୁ ପ୍ରୋତ୍ସାହିତ କରୁଛନ୍ତି । ଲୋକପ୍ରିୟ ଅଭିନେତା ଗୁଟ୍ଖା ତମାଖୁ ଭଳି ଦ୍ରବ୍ୟର ବିଜ୍ଞାପନ କଲେ ସାଧାରଣ ଲୋକ ଏଥିପ୍ରତି ଆକୃଷ୍ଟ ହୋଇ ଅଧିକରୁ ଅଧିକ ବ୍ୟବହାର କରୁଛନ୍ତି । ଯାହାକି ସମାଜ ପାଇଁ କ୍ଷତିକାରକ । ତେଣୁ ସମାଜସେବୀ କୋର୍ଟରେ ଅମିତାଭ ବଚ୍ଚନ, ଶାହରୁଖ ଖାନ ଏବଂ ଅଜୟ ଦେବଗନଙ୍କ ବିରୋଧରେ ପିଟିସନ୍ ଦାଖଲ କରିଥିଲେ ।
