ମହିଳାଙ୍କ ପାଇଁ ସବୁଠୁ ଅସୁରକ୍ଷିତ ଏହି ୫ ଦେଶ

ମହିଳା ବିରୋଧୀ ଅପରାଧ ଓ ହିଂସା ଘଟଣା ବିଶ୍ୱବ୍ୟାପୀ ବୃଦ୍ଧି ପାଇବାରେ ଲାଗିଛି । ଏନେଇ ପ୍ରକାଶ ପାଇଥିବା ଏକ ସଦ୍ୟତମ ରିପୋର୍ଟ ଚିନ୍ତାଜନକ ରହିଛି । ମହିଳାଙ୍କ ପାଇଁ ବିଶ୍ୱରେ ଥିବା କିଛି ବିପଦପୂର୍ଣ୍ଣଦେଶ ଗୁଡ଼ିକ ବିଷୟରେ ୱାର୍ଲ୍ଡ ପପୁଲେସନ ରିଭ୍ୟୁର ରିପୋର୍ଟ ପ୍ରକାଶ କରିଛି । ମହିଳାଙ୍କ ବିରୋଧରେ ସର୍ବାଧିକ ଅପରାଧ ହାର ଥିବା କିଛି ଦେଶ ଉପରେ ନଜର ପକାନ୍ତୁ...

୧. ଦକ୍ଷିଣ ଆଫ୍ରିକା

ଏକୁଟିଆ ଯାତ୍ରା କରୁଥିବା ମହିଳାଙ୍କ ପାଇଁ ସବୁଠୁ ବିପଦପୂର୍ଣ୍ଣ ଦେଶ ହେଉଛି ଦକ୍ଷିଣ ଆଫ୍ରିକା । ମହିଳା ବିରୋଧୀ ଅପରାଧ ତାଲିକାରେ ପ୍ରଥମ ସ୍ଥାନରେ ରହିଛି ଏହି ଦେଶ । ଏକୁଟିଆ ଯାତ୍ରା କରୁଥିବା ମହିଳାଙ୍କ ପାଇଁ ସବୁଠୁ ବିପଦପୂର୍ଣ୍ଣ ଦେଶ ତାଲିକାର ଶୀର୍ଷରେ ରହିଛି ଦକ୍ଷିଣ ଆଫ୍ରିକା । ଏଠାରେ ମାତ୍ର ୨୫ ପ୍ରତିଶତ ମହିଳା ରାତିରେ ସୁରକ୍ଷିତ ମନେକରନ୍ତି । ଏଠାରେ ସର୍ବାଧିକ ଯୌନ ହିଂସା ଓ ମହିଳା ହତ୍ୟାକାଣ୍ଡର ସର୍ବାଧିକ ହାର ରହିଛି ।

୨.ବ୍ରାଜିଲ
ସେହିପରି ତାଲିକାର ଦ୍ୱିତୀୟରେ ରହିଛି ବ୍ରାଜିଲ । ସାଉଥ ଆମେରିକାର ଏହି ଦେଶର ମହିଳାଙ୍କ ବିରୋଧରେ ଅପରାଧ ମାମଲାରେ ତାଲିକାର ଦ୍ୱିତୀୟ ସ୍ଥାନରେ ରହିଛି । ଏଠାରେ କେବଳ ୨୮ ପ୍ରତିଶତ ମହିଳା ରାତିରେ ଏକୁଟିଆ ସମୟରେ ସୁରକ୍ଷିତ ଅନୁଭବ କରନ୍ତି । ଏଠାରେ ମହିଳାଙ୍କ ବିରୋଧରେ ତୃତୀୟ ସର୍ବାଧିକ ଅନ୍ତର୍ଜାତୀୟ ହତ୍ୟା ଘଟଣା ରେକର୍ଡ ହୋଇଛି ।

୩. ରୁଷିଆ
ମହିଳାଙ୍କ ବିରୋଧରେ ଅନ୍ତର୍ଜାତୀୟ ହତ୍ୟା ମାମଲାରେ ତାଲିକାର ତୃତୀୟରେ ରହିଛି ରୁଷିଆ । ଏହି ଦେଶରେ ମହିଳାଙ୍କୁ ସାମାଜିକ ଓ ଅର୍ଥନୈତିକ ଭାଗିଦାରୀକୁ ସୀମିତ କରୁଥିବା ପ୍ରତିବନ୍ଧକ ଥିବା ନିୟମ ମଧ୍ୟ ରହିଛି । ଯାହା ମହିଳାଙ୍କ ସୁରକ୍ଷାକୁ ଆହୁରି ସଙ୍କୁଚିତ କରେ ।

୪. ମେକ୍ସିକୋ
ମହିଳାଙ୍କ ବିରୋଧରେ ଅପରାଧ ତାଲିକାରେ ଚତୁର୍ଥରେ ରହିଛି ମେକ୍ସିକୋ । ଏହି ଉତ୍ତର ଆମେରିକୀୟ ଦେଶ ଆମେରିକା ନିକଟତର ରହିଛି । ଏଠାରେ କେବଳ ୩୩ ପ୍ରତିଶତ ମହିଳା ରାତିରେ ଏକୁଟିଆ ସମୟରେ ସୁରକ୍ଷିତ ଅନୁଭବ କରନ୍ତି ।

୫.ଇରାନ
ମହିଳାଙ୍କ ପାଇଁ ସବୁଠୁ ବିପଦପୂର୍ଣ୍ଣ ଦେଶ ତାଲିକାରେ ଇରାନ ଅନ୍ୟତମ । ଲିଙ୍ଗଭେଦ ସୂଚକାଙ୍କରେ ଶୀର୍ଷ ସ୍ଥାନ ଓ ମହିଳାଙ୍କ ବିରୋଧରେ ଆଇନଗତ ଭେଦଭାବ ମାମଲାରେ ଏହାର ତୃତୀୟ ସ୍ଥାନ ମାନ୍ୟତା କାରଣରୁ ଏଠାରେ ମହିଳା ନିଜକୁ ଅସୁରକ୍ଷିତ ମଣିଥାନ୍ତି ।