LIVE TV
ଡ୍ରଗ୍ସ ବେପାର କରୁଥିଲେ ଡେଣ୍ଟିଷ୍ଟ । ଯାଜପୁରରୁ ୨୫ ଗ୍ରାମ ବ୍ରାଉନସୁଗର ଜବତ ସହ ପୋଲିସ ଗିରଫ କରିଥିବା ୩ ଜଣଙ୍କ ମଧ୍ୟରେ ଅଛନ୍ତି ଜଣେ ଦାନ୍ତ ଡାକ୍ତର । ଏନେଇ ଯାଜପୁର ଏସ୍ଡିପିଓ ସୂଚନା ଦେଇଛନ୍ତି । ଗିରଫ ଡେଣ୍ଟିଷ୍ଟ ଜଣକ ହେଲେ ନିଗମାନନ୍ଦ ଖଟୁଆ । ସେ ଯାଜପୁର ଥାନା ମହାବୀର ବିହାରରେ କ୍ଲିନିକ କରିଥିଲେ ।
ଗତକାଲି ସନ୍ଧ୍ୟା ସମୟରେ ପ୍ରଶାସନିକ ଭବନ ନିକଟରେ ଚଢାଉ କରାଯିବା ବେଳେ ଦୁଇ ଜଣ ବ୍ରାଉନସୁଗର ବେପାରୀଙ୍କୁ ଟାଉନ ଥାନା ପୋଲିସ ଧରିଥିଲା । ସେମାନଙ୍କ ନିକଟରୁ ୨୫.୨ ଗ୍ରାମର ବ୍ରାଉନସୁଗର ଜବତ ହୋଇଥିଲା । ପଚରାଉଚରା ବେଳେ ନିଗମାନନ୍ଦ ସେମାନଙ୍କୁ ବ୍ରାଉନସୁଗର ଯୋଗାଉଥିବା ସୂଚନା ମିଳିଥିଲା ।
Also Read
ପୋଲିସ ୩ ଜଣଙ୍କୁ ଗିରଫ କରିଛି କୋର୍ଟ ଚାଲାଣ କରିଛି । ସମସ୍ତ ଅଭିଯୁକ୍ତ ଟାଉନ ଥାନା ଅଞ୍ଚଳର ବୋଲି ଜଣାପଡ଼ିଛି । ଦୀର୍ଘ ଦିନ ଧରି ସେମାନେ ଏହି କାରବାର କରି ଆସୁଥିଲେ । ଏମାନଙ୍କ ସହ ଆଉ କେଉଁ କେଉଁ ମାନେ ସମ୍ପୃକ୍ତ ସେନେଇ ତଦନ୍ତ ଚାଲିଛି ।
- Reported by:
- Sanjeeb Nayak
