ବଚସାରୁ ପଡ଼ୋଶୀର ହତ୍ୟା କଲେ ପଡ଼ୋଶୀ

ଗୋଷ୍ଠୀ ସଙ୍ଘର୍ଷରେ ଜଣଙ୍କ ମୃତ୍ୟୁ । କେନ୍ଦୁଝର ଜିଲ୍ଲା ବଡ଼ବିଲ ଥାନା ଅଞ୍ଚଳ ଠାକୁରାଣୀ ସିରାଜୁଦ୍ଦିନ ବସ୍ତିରେ ସଂଘର୍ଷରେ ଜଣକର ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଥିବା ସୂଚନା ମିଳିଛି ।

ସୂଚନା ଅନୁସାରେ,ଗତ ରାତିରେ କୌଣସି କାରଣରୁ ନାରଣଙ୍କ ସହ ପଡ଼ୋଶୀ ଘର ଲୋକଙ୍କ ସହ ସାଧାରଣ ବଚସା ହୋଇଥିଲା । ଯାହା ପରେ ଏହାକୁ ନେଇ ସଂଘର୍ଷ ଘଟିଥିଲା ।

ନାରଣଙ୍କ ମାଡ଼ରେ ପଡ଼ୋଶୀ ଚନ୍ଦ୍ର ଗୋପ ଗୁରୁତର ହୋଇଥିଲେ ଏହାକୁ ଦେଖି ଚନ୍ଦ୍ରଙ୍କ ତିନି ଭାଇ ନାରଣଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ହିଁ ନାରଣଙ୍କର ମୃତ୍ୟୁ ହୋଇଥିଲା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବାବେଳେ ଉକ୍ତ ଘଟଣାରେ ୩ ଜଣଙ୍କୁ ଅଟକ ରଖି ପଚରାଉଚର ମଧ୍ୟ ଜାରି ରଖିଛି ।