କରୋନା ଟିକାର ବୁଷ୍ଟର ଡୋଜ୍ ଉପରେ ବିଚାର ବିମର୍ଷ ଜାରି : ସୂଚନା ଦେଲେ ନୀତି ଆୟୋଗ ସଦସ୍ୟ

ନୂଆଦିଲ୍ଲୀ : ଟିକାକରଣ ପରେ ରୋଗ ପ୍ରତିରୋଧକ ଶକ୍ତିକୁ ଆହୁରି ବୃଦ୍ଧି କରିବାକୁ ବୁଷ୍ଟର୍ ଡୋଜ୍ । ଟିକାର ଦୁଇଟି ଡୋଜ୍ ନେଇସାରିଥିବା ଲୋକଙ୍କୁ ଦିଆଯିବ କି ବୁଷ୍ଟର ଡୋଜ୍ ? ବୁଷ୍ଟର ଡୋଜ୍ ଦେବା ପାଇଁ ଜାତୀୟ ବିଶେଷଜ୍ଞ ଗୋଷ୍ଠୀ ବିଚାର କରୁଥିବା କହିଛନ୍ତି ନୀତି ଆୟୋଗ ସଦସ୍ୟ ଡକ୍ଟର ଭି.କେ ପଲ । ତେବେ ଏହି ନିଷ୍ପତ୍ତିକୁ ବହୁତ ଗଭୀର ଭାବରେ ଦେଖାଯାଉଛି । ଡେଲଟା ଭାରିଏଣ୍ଟରୁ ରକ୍ଷା ପାଇବା ପାଇଁ କିଛି ଦେଶ ବୁଷ୍ଟର ଡୋଜ୍ ସପକ୍ଷରେ ମତ ଦେଇଥିଲେ । ହେଲେ ଗରିବ ଦେଶର ଲୋକଙ୍କୁ ଟିକା ଦିଆଯିବା ଆଶାରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏହାକୁ ବିରୋଧ କରିଥିଲା । ସେପ୍ଟେମ୍ବର ଶେଷ ଯାଏ ରାଷ୍ଟ୍ର ବୁଷ୍ଟର ଡୋଜ୍‌ ନେଦାବକୁ ଅନୁରୋଧ କରାଯାଇଥିଲା ।

କରୋନା ଟିକାର ବୁଷ୍ଟର ଡୋଜ ଦେବାର ଆବଶ୍ୟକତା ଉପରେ ଏକ ପ୍ରଶ୍ନର ଉତ୍ତରର ରଖିଛନ୍ତି ନୀତି ଆୟୋଗ ସଦସ୍ୟ । ଏକ ସାମ୍ବାଦିକ ସମ୍ମିଳନୀରେ ଡକ୍ଟର ଭି.କେ ପାଲ କହିଛନ୍ତି, କରୋନା ଟିକାକରଣ ଉପରେ ନ୍ୟାସନାଲ ଏକ୍ସପର୍ଟ ଗ୍ରୁପ ଏହାର ଶେଷ ବୈଠକରେ ଟିକାର ବୁଷ୍ଟର ଡୋଜ୍ ପ୍ରସଙ୍ଗରେ ଆଲୋଚନା ହୋଇଛି । ଏହ ସହିତ ସେ କହିଛନ୍ତି WHO ବୁଷ୍ଟର ଡୋଜ ଉପରେ ପ୍ରତିବନ୍ଧକ ଲଗାଇବାକୁ କହିଛି । ତେଣୁ ଏହାକୁ ଦୃଷ୍ଟିରେ ରଖି ବିଚାର ବିମର୍ଷ ଜାରି ରହିଛି ।

କରୋନାରୁ ରକ୍ଷା ପାଇବା ପାଇଁ ଲୋକମାନେ ଠିକ୍ ସମୟରେ ସେମାନଙ୍କର ଦ୍ୱିତୀୟ ଡୋଜ ଟିକା ନେବା ଉଚିତ୍ ବୋଲି କହିଥିଲେ ଭି.କେ ପଲ । ଯେଉଁମାନଙ୍କର କୌଣସି ରୋଗରେ ପୀଡ଼ିତ କିମ୍ବା କର୍କଟ ପାଇଁ ଚିକିତ୍ସିତ ହେଉଛନ୍ତି ସେମାନେ ବିଶେଷ ରୂପରେ ଧ୍ୟାନ ଦେବା ଉଚିତ୍ । ସେହିପରି ଟିକା ନେଇଥିଲେ ସୁଦ୍ଧା ଏପରି ଲୋକେ ଆବଶ୍ୟକ ସତର୍କତା ଅବଲମ୍ବନ କରିବା ଆବଶ୍ୟକ ବୋଲି କହିଛନ୍ତି ସ୍ୱାସ୍ଥ୍ୟ ମନ୍ତ୍ରଣାଳୟର ଯୁଗ୍ମ ସଚିବ ଲବ ଅଗ୍ରୱାଲ ।

Also Read

ଉହାନରେ ପୁଣି ବ୍ୟାପିଲା କରୋନା ମହାମାରୀ

ଘାଟିରୁ ୧୦୦ ଫୁଟ ତଳକୁ ଖସିଲା ଟ୍ରକ୍‌, ଭୟଭୀତ ହୋଇ ତଳକୁ ଡେଇଁ ପଡ଼ିଲେ ହେଲ୍‌ପର୍‌

‘ହନୁମାନ ପଇସା’ ପାଇଁ ନେଇଗଲେ ଯୁବକଙ୍କ ଜୀବନ

ବର୍ତ୍ତମାନ ସୁଦ୍ଧା ଦେଶରେ ମୋଟ ୫୨ କୋଟି ଡୋଜ୍ ଟିକାକରଣ ହୋଇସାରିଥିବା ସୂଚନା ଦେଇଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ । ମଙ୍ଗଳବାର ସନ୍ଧ୍ୟା ୭ଟା ପର୍ଯ୍ୟନ୍ତ ୩୭ ଲକ୍ଷରୁ ଅଧିକ ଡୋଜ ଦିଆଯାଇଛି । ମଙ୍ଗଳବାର ଦିନ ୧୮-୪୪ ବର୍ଷ ବୟସର ୨୦,୪୭,୭୩୩ ଲୋକଙ୍କୁ ପ୍ରଥମ ଡୋଜ ଏବଂ ୪,୦୫,୭୧୯ ଦ୍ୱିତୀୟ ଡୋଜ ଦିଆଯାଇଥିଛି । ମୋଟାମୋଟି ଭାବେ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ତୃତୀୟ ପର୍ଯ୍ୟାୟ ଟିକାକରଣ ଅଭିଯାନ ଅନ୍ତର୍ଗତ ୧୮-୪୪ ବର୍ଷ ବୟସର ୧୮,୨୦,୯୫,୪୬୭ ଜଣ ପ୍ରଥମ ଡୋଜ ଟିକା ନେଇଛନ୍ତି । ଏବଂ ୧,୨୯,୩୯,୨୩୯ଙ୍କର ଦ୍ୱିତୀୟ ଡୋଜ ଟିକାକରଣ ହୋଇଛି ।