LIVE TV
ଗରିବ ପୁଅ ଆଜି ଆମେରିକାରେ ଧନୀ । ଆମେରିକାରେ ରହୁଥିବା ଭାରତୀୟମାନଙ୍କ ମଧ୍ୟରୁ ସବୁଠୁ ଆଗରେ ରହିଛନ୍ତି ଜୟ ଚୌଧୁରୀ । ସେ ଦିନେ ଗରିବ ଘରର ଚାଳ ଘରେ ରହୁଥିଲେ । ପାଠ ପଢ଼ିବାକୁ ସଂଘର୍ଷ କରୁଥିଲେ । ପଢ଼ିବା ପାଇଁ ନଥିଲା ସୁବିଧା, ବିଜୁଳି ଆଲୁଅ ଥିଲା ସ୍ୱପ୍ନ । ମିଞ୍ଜି ମିଞ୍ଜି ଆଲୁଅରୁ ନିଜର ଭବିଷ୍ୟତ ଗଢ଼ି ଆଜି ପାଲଟିଛନ୍ତି ଅନ୍ୟମାନଙ୍କ ପାଇଁ ଉଦାହରଣ ।
ଜୟ ଚୌଧୁରୀ... ଆଜି ସେ ଏକ ପ୍ରେରଣାଦାୟକ ଜୀବନ ଅତିବାହିତ କରୁଛନ୍ତି । ୨୦୦୮ରେ ପ୍ରତିଷ୍ଠା କରିଥିବା ସାଇବର ସିକ୍ୟୁରିଟି କମ୍ପାନୀ Zscalerର ସିଇଓ ଅଛନ୍ତି ଜୟ । ୨୦୦୮ ମାର୍ଚ୍ଚ ମାସରେ ଏହି କମ୍ପାନୀର ଉଦ୍ଘାଟନ ହୋଇଥିଲା । ଆଉ ବର୍ତ୍ତମାନ ସେ ଆମେରିକାରେ ସମସ୍ତ ଭାରତୀୟଙ୍କ ମଧ୍ୟରୁ ଧନୀ ହୋଇଛନ୍ତି ।
Also Read
ଦିଆଯାଇଥିବା ସୂଚନା ଅନୁସାରେ ଜୟ ଚୌଧୁରୀ ୧୯୮୦ ମସିହାରେ ଆମେରିକା ଯାଇଥିଲେ । ସେଠାରେ ଏକ କମ୍ପାନୀରେ ଚାକିରି କରିଥିଲେ । ପରେ ୧୯୯୬ ମସିହାରେ ଜୟ ଏବଂ ତାଙ୍କ ପତ୍ନୀ ଜ୍ୟୋତି ଚାକିରି ଛାଡିଥିଲେ । ଚାକିରି ଛାଡ଼ିବା ପରେ ଉଭୟ ମିଶି ସିକ୍ୟୁରିଟି ନାମକ ଏକ ଫାର୍ମ ଆରମ୍ଭ କରିବା ପାଇଁ ସ୍ଥିର କରିଥିଲେ । ପରେ ପରେ ଚାକିରି କରିଥିବା ସମୟର ସମସ୍ତ ସଞ୍ଚୟକୁ ବ୍ୟବହାର କରି କମ୍ପାନୀ ଛିଡ଼ା କରିଥିଲେ । ଯାହା ଆଜି ତାଙ୍କୁ ଏକ ନୂତନ ପରିଚୟ ଦେଇଛି ।
ଜୟ ଚୌଧୁରୀ ହେଉଛନ୍ତି ଜଣେ ଭଦ୍ର ଓ ନମ୍ର ବ୍ୟକ୍ତି । ତାଙ୍କର ଲୋକଙ୍କ ପ୍ରତି ବ୍ୟବହାର ବହୁତ ଭଲ । ହିମାଚଳ ପ୍ରଦେଶ ଉନାଓର ଏକ ଛୋଟ ଗାଁରେ ତାଙ୍କର ଜନ୍ମ । ଜୟଙ୍କ ବାପା ଜଣେ କୃଷକ ଥିଲେ । ସେ ଗାଁରେ ପଠପଢ଼ିବା ସହ ତାଙ୍କ ଗରିବ ପରିବାର ସହିତ ରହୁଥିଲେ ।
ଜୟ ଚୌଧୁରୀ Zscaler କମ୍ପାନୀ ପୂର୍ବରୁ ଅନ୍ୟ ୪ଟି ଛୋଟ କମ୍ପାନୀ ମଧ୍ୟ କରିଥିଲେ । ସେଗୁଡ଼ିକର ନାଁ ହେଉଛି ସିକ୍ୟୁରିଟ୍, କୋରହର୍ବର୍, ସାଇବର୍ ଟ୍ରଷ୍ଟ ଏବଂ ଏୟାରଡିଫେନ୍ସ । ଏହି ସମସ୍ତ କମ୍ପାନୀର ବ୍ୟବସାୟ ମଧ୍ୟ ବହୁତ ଭଲ ରହିଥିଲା ।
ଜୟ ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି, ବିଏଚୟୁରୁ ସ୍ନାତକ ହାସଲ କରିଛନ୍ତି । ପରେ ସେ କମ୍ପ୍ୟୁଟର ଇଞ୍ଜିନିୟରିଂରେ ମାଷ୍ଟର, ଇଣ୍ଡଷ୍ଟ୍ରିଆଲ୍ ଇଞ୍ଜିନିୟରିଂରେ ମାଷ୍ଟର ଏବଂ ସିନ୍ସିନାଟି ବିଶ୍ୱବିଦ୍ୟାଳୟରୁ ଏମବିଏ ସାରିଛନ୍ତି । ବର୍ତ୍ତମାନ ଜୟ ଚୌଧୁରୀଙ୍କ ସମ୍ପତ୍ତି ମୂଲ୍ୟ ୭୧,୧୮୯ କୋଟି ଟଙ୍କା ରହିଛି ।
