RBI ଛାଟ ପରେ ଆଉ ଉଠିପାରୁନି Paytm, ୧୦ ଦିନରେ ୨୬୦୦୦ କୋଟି କ୍ଷତି !

ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର କାର୍ଯ୍ୟାନୁଷ୍ଠାନ ପରେ Paytm ସେୟାରଗୁଡିକ ଖରାପ ସ୍ଥିତିରେ ରହିଛି । ପେଟିଏମ୍ ସେୟାରଗୁଡିକ ଏପର୍ଯ୍ୟନ୍ତ ସର୍ବୋଚ୍ଚ ମୂଲ୍ୟରୁ ୫୫ ପ୍ରତିଶତ ହ୍ରାସ ପାଇସାରିଛି । RBIର କାର୍ଯ୍ୟାନୁଷ୍ଠାନ ପରେ, ପେଟିଏମ୍ ସେୟାରଗୁଡିକର ମୂଲ୍ୟ କ୍ରମାଗତ ଭାବେ ଖସିବାରେ ଲାଗିଛି । ବୁଧବାର Paytm ସେୟାର ୯ ପ୍ରତିଶତ ହ୍ରାସ ପାଇ ୩୪୪.୪୦ ଟଙ୍କାରେ ପହଞ୍ଚିଛି ।

Also Read

ଗୃହପାଳିତ ପଶୁଙ୍କ ପାଇଁ ଅସୁରକ୍ଷିତ ପେଟ୍‌ କ୍ଲିନିକ୍‌ ! କୁକୁରକୁ ମାଡ଼ ମାରି ଦୁଇ ଗିରଫ

ଫ୍ୟାସନ ଜଲୱା…ଜୋତାରେ ମୂଷା ଭର୍ତ୍ତି କରି ଚାଲିଲେ ମହିଳା...ଭିଡିଓ ଭାଇରାଲ୍

‘ଆର ଥର ବର୍ତ୍ତିଯାଇଥିଲେ, ଏଥର ଆଉ ତାଙ୍କୁ ଛାଡ଼ିବୁନି’

'Do Paytm' ଉପରେ RBIର କଟକଣା ପରେ ପ୍ୟାରେଣ୍ଟ୍ କମ୍ପାନୀ One97 କମ୍ୟୁନିକେସନ୍‌ର ସମସ୍ୟା ବଢ଼ିବାରେ ଲାଗିଛି । କୌଣସି ମତେ ଏହା ସମାଧାନ ହେବାର ନାଁ ଧରୁନି । Paytm ପେମେଣ୍ଟ ବ୍ୟାଙ୍କ ଉପରେ RBI କାର୍ଯ୍ୟାନୁଷ୍ଠାନ ପରେ Paytm ସେୟାର କ୍ରମାଗତ ଭାବେ ହ୍ରାସ ପାଉଛି । ବୁଧବାର ମଧ୍ୟ Paytm ସେୟାର ୯ ପ୍ରତିଶତ ହ୍ରାସ ପାଇଛି । ଯଦି ଆମେ ଗତ ୧୦ ଦିନର ପେଟିଏମ୍‌ ସ୍ଥିତିକୁ ଅନୁଶୀଳନ କରିବା ତେବେ ଏହା ପ୍ରାୟ ୫୫ ପ୍ରତିଶତ ହ୍ରାସ ପାଇଛି । ସେୟାର ମୂଲ୍ୟ ହ୍ରାସ ହେବା ପରେ ୧୦ ଦିନ ମଧ୍ୟରେ ନିବେଶକମାନେ ୨୬ ହଜାର କୋଟି ଟଙ୍କା ହରାଇଛନ୍ତି ।

୧୦ ଦିନରେ ୨୬ ହଜାର କୋଟି କ୍ଷତି !

ଜାନୁଆରୀ ୩୧ରେ କମ୍ପାନୀର ମାର୍କେଟ କ୍ୟାପ୍ ୪୮ହଜାର ୩୩୪.୭୧ କୋଟି ଟଙ୍କା ରହିଥିଲା, ଏହାପରେ କମ୍ପାନୀର ସେୟାର ମୂଲ୍ୟ କ୍ରମାଗତ ଭାବେ ହ୍ରାସ ପାଇବାରେ ଲାଗିଲା । କ୍ରମାଗତ ହ୍ରାସ ପରେ କମ୍ପାନୀର ବଜାର କ୍ୟାପ୍ ବର୍ତ୍ତମାନ ୨୧ ହଜାର ୮୭୪.୪୮ କୋଟିରେ ପହଞ୍ଚିଛି । ଏହାର ଅର୍ଥ ହେଉଛି କମ୍ପାନୀ ୧୦ ଦିନରେ ୨୬ ହଜାର କୋଟି ଟଙ୍କା କ୍ଷତି ସହିଛି । RBIର ବାରମ୍ବାର ଚାବୁକ୍ ମାଡ଼ ଯୋଗୁଁ Paytmର ଏଭଳି ଅବସ୍ଥା ହୋଇଛି ।

Paytm Payments Bankକୁ RBIରୁ ମିଳୁନି ଆଶ୍ୱସ୍ତି

RBIର କାର୍ଯ୍ୟାନୁଷ୍ଠାନ ପରେ, Paytm ପାଇଁ ସବୁ ଦିଗରୁ ଝଟ୍‌କା ଲାଗୁଛି । ବିଦେଶୀ ବ୍ରୋକ୍‌ରେଜ୍‌ ଫାର୍ମ ମ୍ୟାକ୍ୱାରି Paytmର ସେୟାରକୁ ଡାଉନଗ୍ରେଡ୍ କରିଛି । ମ୍ୟାକ୍ୱାରି Paytm ସେୟାରଗୁଡିକୁ ଏକ 'ଅଣ୍ଡର ପରଫରମାନ୍ସ' ରେଟିଂ ପ୍ରଦାନ କରିଥିଲା । ଯାହାଫଳରେ ସେୟାର ଭାଲ୍ୟୁର ହ୍ରାସ ପାଇଥିଲା । ଏମିତିକି କମ୍ପାନୀର ସେୟାରଗୁଡିକର ଟାର୍ଗେଟ୍‌ ପ୍ରାଇସ୍‌ ୨୭୫ ଟଙ୍କାକୁ ହ୍ରାସ କରିଦେଇଥିଲା । ବ୍ରୋକିଂ ଫାର୍ମ Paytm ସେୟାରର ଟାର୍ଗେଟ୍‌ ପ୍ରାଇସ୍‌କୁ ୫୭ ପ୍ରତିଶତ ପର୍ଯ୍ୟନ୍ତ ହ୍ରାସ କରି ଦେଇଛି । ଅନ୍ୟପଟେ RBI ମଧ୍ୟ ନିଜ ନିଷ୍ପତ୍ତିର ପୁନଃ ସମୀକ୍ଷା କରିବାକୁ ମନା କରିଦେଇଛି । ଯାହାକି Paytm ପାଇଁ ଘାତକ ସାଜିଛି ।

OTV is now on Whatsapp

Join and get latest news update delivered to you via whatsapp

Join Now