LIVE TV
ଗତ କିଛି ବର୍ଷ ମଧ୍ୟରେ ଭାରତରେ ଷ୍ଟାର୍ଟଅପ୍ ବଢିବାରେ ଲାଗିଛି । ଅନେକ ଯୁବକ ଚାକିରି ଛାଡି ନିଜର ଷ୍ଟାର୍ଟଅପ୍ ଆରମ୍ଭ କରୁଛନ୍ତି । ଅନେକ ଯୁବକ ଆଗାମୀ ଯୁବପିଢିଙ୍କ ପାଇଁ ଉଦାହରଣ ସୃଷ୍ଟି କରୁଛନ୍ତି । ତେବେ ଆଜି ଆମେ ଆପଣଙ୍କୁ ଜଣେ ବ୍ୟକ୍ତିଙ୍କ ବିଷୟରେ ସୂଚନା ଦେବୁ ଯିଏ ଲଣ୍ଡନ ଭିତ୍ତିକ ଷ୍ଟାର୍ଟଅପ୍କୁ ୧.୨ ବିଲିୟନ ଡଲାରର ଏକ କମ୍ପାନୀରେ ପରିଣତ କରିଛନ୍ତି ଅର୍ଥାତ୍ ମାତ୍ର ତିନି ମାସ ମଧ୍ୟରେ ୯୧୦୦ କୋଟି ଟଙ୍କା ମାଲିକ ହୋଇପାରିଛନ୍ତି । ଏହି ବ୍ୟକ୍ତିର ନାମ ହେଉଛି ପର୍ଲ କପୁର । ମେ ୨୦୨୩ରେ ସାଇବର ସୁରକ୍ଷା କମ୍ପାନୀ ଜାଇବର ୩୬୫ର ସିଇଓ ପର୍ଲ କାପୁରଙ୍କ ଦ୍ବାରା ପ୍ରତିଷ୍ଠିତ ହୋଇଥିଲା । ବର୍ତ୍ତମାନ ଏହି କମ୍ପାନୀ ବ୍ରିଟେନ ଭିତ୍ତିକ କମ୍ପାନୀ SRAM ଓ MRAM ଗ୍ରୁପ୍ ଠାରୁ ମୋଟ ୧୦୦ ମିଲିୟନ୍ ଡଲାର୍ ସଂଗ୍ରହ କରିଛି । ଏହ କମ୍ପାନୀ ତିଆରି ହେବାର ତିନିମାସ ମଧ୍ୟରେ କମ୍ପାନୀର ମୋଟ ମୂଲ୍ୟ ୯୧୦୦ କୋଟିରେ ପହଞ୍ଚିଛି ।
କେଉଁ ବ୍ୟବସାୟରେ ଭଲ ଟଙ୍କା ରୋଜଗାର କଲେ ଜାଣନ୍ତୁ...
ଜାଇବର ୩୬୫ (Zyber 365) ହେଉଛି ଏକ ସାଇବର ଆଧାରିତ କମ୍ପାନୀ ଯାହାକି ଅନ୍ୟ କମ୍ପାନୀର ସାଇବର ସୂଚନାକୁ ହ୍ୟାକିଂରୁ ସୁରକ୍ଷିତ ରଖିବା କ୍ଷେତ୍ରରେ କାର୍ଯ୍ୟ କରିଥାଏ । ଏହି କମ୍ପାନୀ ୨୦୨୩ରେ ହ୍ୟାକର୍ ସନ୍ନି ଭାଗେଲାଙ୍କ ସହ ପର୍ଲ କପୁରଙ୍କ ଦ୍ୱାରା ଆରମ୍ଭ ହୋଇଥିଲା । ବର୍ତ୍ତମାନ, ସନ୍ନି ଏହି କମ୍ପାନୀରେ ସିଇଓ ଭାବରେ କାମ କରୁଛନ୍ତି ଓ ତାଙ୍କର ଏକ ଫାର୍ମ ରହିଛି ଯେଉଁଠି ଦୈନନ୍ଦିନ କାମ ପରିଚାଳନା କରୁଛନ୍ତି ।
Also Read
କେମିତି ଆରମ୍ଭ କଲେ ପର୍ଲ କପୁର ତାଙ୍କ କ୍ୟାରିଅର୍...
କପୁରଙ୍କ ଜାଇବର ୩୬୫ କମ୍ପାନୀ ମୁଖ୍ୟାଳୟ ଲଣ୍ଡନରେ ଅବସ୍ଥିତ ଓ ଭାରତରୁ କାମ କରୁଛି । ତାଙ୍କ ଯୋଜନା ବିଷୟରେ ପର୍ଲ କପୁର ଗଣମାଧ୍ୟମ ସହ କଥାବାର୍ତ୍ତା ବେଳେ କହିଥିଲେ ଯେ ସେ ଭବିଷ୍ୟତରେ ଭାରତରେ ତାଙ୍କ କମ୍ପାନୀର ଅପରେସନ୍ ହବ୍ କରିବାକୁ ଚାହୁଁଛନ୍ତି । ଏହା ସହିତ ସେ ନିଶ୍ଚିତ ଅଛନ୍ତି ଯେ ଆଗାମୀ ସମୟରେ ଭାରତ ସାଇବର ଅପରେସନର ଏକ ବଡ଼ କେନ୍ଦ୍ର ଭାବରେ ଉଭା ହେବ ।
ବର୍ତ୍ତମାନ ଜାଇବର୍ ୩୬୫ ବ୍ରିଟେନର ଏକ କମ୍ପାନୀରୁ ମୋଟ ୧୦୦ ମିଲିୟନ୍ ଡଲାର୍ ପାଇଛି । ଏହି ପାଣ୍ଠି ବିଷୟରେ କମ୍ପାନୀର ସହ-ପ୍ରତିଷ୍ଠାତା ସନ୍ନି ଭାଗେଲା କହିଛନ୍ତି ଯେ ଏହି ଟଙ୍କା ସହିତ କମ୍ପାନୀ ଏହାର ଉତ୍ପାଦର ଉନ୍ନତି ପାଇଁ କାର୍ଯ୍ୟ କରିବ । ଏହି ଉତ୍ପାଦଗୁଡିକ AI ଆଧାରିତ ହେବ, ଯାହା ଭବିଷ୍ୟତରେ AI ସହିତ ସାଇବର ସୁରକ୍ଷାକୁ ସୁଦୃଢ କରିବାରେ ସାହାଯ୍ୟ କରିବ ।
