LIVE TV
ଆସନ୍ତାକାଲି ଅଯୋଧ୍ୟାରେ ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ଆଉ ଏଥିପାଇଁ ଚଳଚଞ୍ଚଳ ପୂରା ଅଯୋଧ୍ୟା ନଗରୀ । ସେହି ଦିବ୍ୟ ମୁହୂର୍ତ୍ତକୁ ସାରା ଦେଶ ଅନାଇ ବସିଛି । ବିଭନ୍ନ ସ୍ଥାନରେ ଏହି ଉତ୍ସବକୁ ପାଳନ ପାଇଁ ଭିନ୍ନ ଭିନ୍ନ ସ୍ୱତନ୍ତ୍ର ବ୍ୟବସ୍ଥାର ଆୟୋଜନ କରାଯାଇଛି । ଆଉ ଏଥିରୁ ବାଦ୍ ପଡ଼ିନାହିଁ ଶିଳ୍ପପତି ମୁକେଶ ଅମ୍ବାନୀଙ୍କ ଘର । ଭାରତର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ଘର 'ଆଣ୍ଟିଲିଆ' ସଂପୂର୍ଣ୍ଣ ଭାବେ ସଜେଇ ହୋଇଛି ।
ଘରକୁ ଫୁଲ ଏବଂ ରଙ୍ଗୀନ ଆଲୋକରେ ସଜାଯାଇଛି । ପ୍ରଭୁ ଶ୍ରୀରାମଙ୍କୁ ସ୍ୱାଗତ କରିବା ପାଇଁ ଆଣ୍ଟିଲିଆର ସମସ୍ତ ସ୍ଥାନକୁ ମଧ୍ୟ ସୁସଜ୍ଜିତ କରାଯାଇଛି । ହିନ୍ଦୁ ଧର୍ମର ପ୍ରତୀକ ଏବଂ ଭଗବାନ ରାମଙ୍କ ସହ ଜଡିତ ଚିତ୍ର ଘର ଭିତରେ ଓ ବାହାରେ ଲଗାଯାଇଛି । ପ୍ରଭୁ ଶ୍ରୀରାମଙ୍କ ଏହି ଉତ୍ସବରେ ପରିବାରର ସମସ୍ତ ସଦସ୍ୟ ଯୋଗଦେବାକୁ ଉତ୍ସାହିତ ଥିବା ଅମ୍ବାନୀ କହିଛନ୍ତି ।
Also Read
ମୁକେଶ ଅମ୍ବାନୀଙ୍କ ଘର ୪,୦୦,୦୦୦ ବର୍ଗଫୁଟ ଉପରେ ରହିଛି ।
୬୦୦ କର୍ମଚାରୀ ଆଣ୍ଟିଲିଆରେ ପ୍ରତ୍ୟେକ ଦିନ କାର୍ଯ୍ୟ କରନ୍ତି ।
ଆଣ୍ଟିଲିଆରେ କାର୍ ପାର୍କିଂ ପାଇଁ ୬ ମହଲା ବ୍ୟବସ୍ଥା ରହିଛି ।
ମୁକେଶ ଅମ୍ବାନୀଙ୍କ ଆଣ୍ଟିଲିଆରେ ଥିଏଟର ରହିଛି ।
ଏହି ଘରେ ଗୋଟିଏ ହେଲିପ୍ୟାଡ୍ ସହ ସୁନ୍ଦର ହ୍ୟାଙ୍ଗିଂ ଗାର୍ଡେନ୍ ରହିଛି ।
ଆଣ୍ଟିଲିଆରେ ଗୋଟିଏ ସ୍ପା ସହିତ ଯୋଗ କେନ୍ଦ୍ର ମଧ୍ୟ ଅଛି ।
ଭୂମିକମ୍ପ ଓ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟରୁ ରକ୍ଷା ପାଇବାକୁ ଆଣ୍ଟିଲିଆରେ ସ୍ୱତନ୍ତ୍ର ବ୍ୟବସ୍ଥା ରହିଛି ।
ମୁକେଶ ଆମ୍ବାନୀଙ୍କ ଘର ‘ଆଣ୍ଟିଲିଆ’କୁ ସବୁଠାରୁ ମହଙ୍ଗା ଘର ବୋଲି କୁହାଯାଏ । ଏହା ମୁମ୍ବାଇର ଆଲ୍ଟାମାଉଣ୍ଟ ରୋଡରେ ରହିଛି । ଯାହା କି ୨୭ ମହଲା ବିଶିଷ୍ଟ । ଆଣ୍ଟିଲିଆର ଉଚ୍ଚତା ପ୍ରାୟ ୫୬୮ ଫୁଟ । ଏବଂ ଏହାର ପ୍ରତ୍ୟେକ ମହଲାରେ ସ୍ୱତନ୍ତ୍ର ବ୍ୟବସ୍ଥା ରହିଛି । ଏହି ଘର ଏତେ ଶକ୍ତିଶାଳୀ ଯେ ରିକ୍ଟର ସ୍କେଲରେ ୮ର ଭୂକମ୍ପକୁ ସହଜରେ ସହିପାରେ ।
One of Richest Man in World, Mukesh Ambani's house 'Antilia' is all decked up before Ram Lala's Pran Pratishtha pic.twitter.com/pPN8ZvQdbR
— Megh Updates 🚨™ (@MeghUpdates) January 21, 2024
