LIVE TV
ଅଯୋଧ୍ୟାରେ ରାମଲାଲାଙ୍କ ପ୍ରତିଷ୍ଠା ସମୟ ଯେତିକି ପାଖେଇ ଆସୁଛି, ସେତିକି ସେତିକି ଲୋକଙ୍କ ମଧ୍ୟରେ ଉତ୍କଣ୍ଠା ବଢୁଛି । ଉତ୍କଣ୍ଠା ସାଧାରଣ ନାଗରିକଙ୍କ ଠାରୁ ଆରମ୍ଭ କରି ବହୁ ନାମିଦାମୀ ସେଲିବ୍ରିଟିଙ୍କ ମଧ୍ୟରେ ରହିଛି । ଆଉ ଏଥିପାଇଁ କିଏ ଶ୍ରୀରାମଙ୍କ ଭୂମି ଅଯୋଧ୍ୟାରେ ପହଞ୍ଚି ସାରିଲେଣି ତ ଆଉ କିଏ ନିଜ ମାଟିରୁ ଅଯୋଧ୍ୟା ଅଭିମୁଖେ ।
ଅଯୋଧ୍ୟାରେ ପହଞ୍ଚି ସାରିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରାଣାୱତ । ହନୁମାନ ଗଡିରେ ପହଞ୍ଚି ମହାପ୍ରଭୁଙ୍କୁ ପ୍ରାର୍ଥନା କରିଛନ୍ତି । କଙ୍ଗନା କହିଛନ୍ତି, ଅଯୋଧ୍ୟା ସଜାଇ ହୋଇଛି ପୁରା ନବବଧୂ ପରି । ମୋତେ ଲାଗୁଛି ଏହା ଦେବଲୋକ ଭଳି । ଏମିତିକି ସେ ହନୁମାନଗଡିରେ ସଫେଇ କାର୍ଯ୍ୟକ୍ରମ ବି କରିଛନ୍ତି । ଏପଟେ ସଙ୍ଗୀତ ନିର୍ଦ୍ଦେଶକ ଅନୁ ମଲିକ ମଧ୍ୟ ଲକ୍ଷ୍ଣୋ ଏୟାରପୋର୍ଟରେ ପହଞ୍ଚି ସାରିଛନ୍ତି ।
Also Read
ସେହିପରି ତାମିଲ ସୁପରଷ୍ଟାର ରଜନୀକାନ୍ତ ସହ ତାଙ୍କ ପତ୍ନୀ ମଧ୍ୟ ଅଯୋଧ୍ୟ ଅଭିମୁଖେ ବାହାରିଛନ୍ତି । ଏମାନଙ୍କ ସହ ଅଛନ୍ତି ଅଭିନେତା ଧନୁଷ । ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବରେ ଯୋଗଦେବାକୁ ଚେନ୍ନାଇ ଛାଡିଛନ୍ତି ଅଭିନେତା । ଏହି ଜଣେ କି ଦୁଇ ଜଣ ଅନେକ ଅଭିନେତା ଏବେ ଅଯୋଧ୍ୟା ଅଭିମୁଖେ । ବର୍ଷିୟାନ ଅଭିନେତା ଅନୁପମ ଖେର ମଧ୍ୟ ମୁମ୍ବାଇ ଛାଡିଛନ୍ତି ।
