Home Footwear Arrangement: ଜୋତା, ଚପଲକୁ ଘରେ ଏଣେତେଣେ ରଖୁଛନ୍ତି କି? ମାଡ଼ି ଆସିବ ବିପଦ

ଆମେମାନେ ସାଧାରଣତଃ ଘରେ ମନଇଚ୍ଛା ଜୋତା, ଚପଲକୁ ରଖି ଦେଇଥାଉ। ତାହା ଘରେ ଏଣେତେଣେ ପଡ଼ିଥାଏ। ହେଲେ ଆପଣ ଜାଣିଛନ୍ତି କି ଜୋତା, ଚପଲକୁ ଠିକ୍‌ ଦିଗରେ ନ ରଖିଲେ ମାଡ଼ି ଆସେ ବିପଦ । ସବୁବେଳେ ଲାଗି ରହେ ଆର୍ଥିକ ଅନଟନ ।

ଘରେ ସମସ୍ତେ ଏହାକୁ ହାଲକା ଭାବେ ନେଇଥାନ୍ତି। ସେମାନେ କିଛି ନ ଭାବି ଯେକୌଣସି ଦିଗରେ ବି ତାହାକୁ ରଖି ଦେଇଥାନ୍ତି। କିନ୍ତୁ ଏପରି କରିବା ଦ୍ୱାରା ଏହାର ନକରାତ୍ମକ ପ୍ରଭାବ ଆପଣଙ୍କ ପରିବାର ଉପରେ ପଡ଼ିଥାଏ ବୋଲି ବାସ୍ତୁ ଶାସ୍ତ୍ରରେ କୁହାଯାଇଛି। 

ଅଧିକ ପଢ଼ନ୍ତୁ: ଭୁଲ୍ ଜାଗାରେ ପାଇଖାନା ଟାଙ୍କି ନିର୍ମାଣ କରୁଛନ୍ତି କି...ଘରକୁ ଆସିବ ଏହି ଜଟିଳ ସମସ୍ୟା

ତେଣୁ ଜୋତା, ଚପଲକୁ ଘରର ଦକ୍ଷିଣ - ପଶ୍ଚିମ କୋଣରେ ରଖନ୍ତୁ । ଏହି ଦିଗ ପୃଥିବୀ ତତ୍ତ୍ୱ ସହ ସମ୍ବନ୍ଧିତ ଥିବାରୁ ଏହାକୁ ଶୁଭ ବୋଲି ବିବେଚନା କରାଯାଇଥାଏ।

ମାତ୍ର ଜୋତା, ଚପଲକୁ କେବେ ବି ଘରର ଉତ୍ତର- ପୂର୍ବ ଦିଗରେ ରଖନ୍ତୁ ନାହିଁ । କାରଣ ପ୍ରାର୍ଥନା ନିମନ୍ତେ ଘରର ଏହି ଦିଗକୁ ସବୁଠୁ ପବିତ୍ର ବୋଲି ବିବେଚନା କରାଯାଇଥାଏ।

ଘରେ ଜୋତା-ଚପଲ ରାକ୍‌କୁ କେବେ ବି ରୋଷେଇ ଘର କିମ୍ବା ପୂଜା ଘର କାନ୍ଥରେ ଲଗାଇ ରଖନ୍ତୁ ନାହିଁ । ଏହାକୁ ଅଶୁଭ ବୋଲି ବିବେଚନା କରାଯାଇଥାଏ । ଏହାଦ୍ୱାରା ପରିବାର ସଦସ୍ୟଙ୍କ ଶରୀର ଅସୁସ୍ଥ ରହିବା ସହ ଆର୍ଥିକ ଅନଟନ ବି ପିଛା ଛାଡ଼େ ନାହିଁ।

ଅଧିକ ପଢ଼ନ୍ତୁ: ବିବାହିତ ନାରୀମାନେ ଏହି କଥାକୁ ମାନିଲେ ଘର ହୋଇଯିବ ମାଲାମାଲ୍