LIVE TV
ଦିଅ ଦର୍ଶନ ସାରି ଫେରିବା ସମୟରେ ବଡ଼ ଦୁର୍ଘଟଣା । ତାମିଲନାଡୁର ଥେନି ଜିଲ୍ଲାର କୁମଲି ପାହାଡି ଅଞ୍ଚଳରେ ଏକ ଭୟଙ୍କର ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ଏକ କାର ୪୦ ଫୁଟ ଗଭୀର ଖାତକୁ ଖସିପଡ଼ିଛି । ଫଳରେ ଆଠ ଜଣ ଶ୍ରଦ୍ଧାଳୁଙ୍କ ମୃତ୍ୟୁ ହୋଇଥିବା ବେଳେ ଜଣେ ନଅ ବର୍ଷର ପିଲା ସମେତ ଦୁଇ ଜଣ ଗୁରୁତର ଆହତ ହୋଇଛି । ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ଶୁକ୍ରବାର ବିଳମ୍ବିତ ରାତିରେ ଘଟିଛି ମର୍ମନ୍ତୁଦ ଦୁର୍ଘଟଣା । ଅନ୍ଦିପଟି ନିକଟସ୍ଥ ସମୁଗୁସୁନ୍ଦରପୁରମ୍ ଗାଁର ୧୦ ଜଣ ଆୟାପ୍ପା ଭକ୍ତ ଦର୍ଶନ ସାରି ଘରକୁ ଫେରିବା ସମୟରେ ଏହି ଦୁଃଖଦ ଘଟଣା ଘଟିଛି । ଦୁର୍ଘଟଣା ସମ୍ପର୍କରେ ଥେନି କଲେକ୍ଟର କେ.ଭି ମୁରଲୀଧରନ୍ ସୂଚନା ଦେଇଛନ୍ତି । ଜିଲ୍ଲାପାଳଙ୍କ ଅନୁସାରେ, କୁମୁଲି ପାହାଡ ନିକଟରେ ଏହି ଦୁର୍ଘଟଣା ଘଟିଛି । କାର୍ଟି ଏକ ଗଭୀର ଖାତରେ ଖସି ପଡ଼ିବାରୁ ଘଟଣାସ୍ଥଳରେ ହିଁ ୭ ଜଣଙ୍କର ମୃତ୍ୟୁ ହୋଇଥିଲା । ଆଉ ଜଣେ ଡାକ୍ତରଖାନା ନିଆଯିବା ରାସ୍ତାରେ ପ୍ରାଣ ହରାଇଛନ୍ତି । ଅନ୍ୟ ଦୁଇ ଜଣଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି ।
Also Read
8 killed in Tamil Nadu as devotees' car falls in 40-feet-deep pit
— ANI Digital (@ani_digital) December 24, 2022
Read @ANI Story | https://t.co/csLcbn7EzV#TamilNadu #Accident #Devotees #Theni pic.twitter.com/RW7WqJuDmr
ପ୍ରଶାସନ ଅନୁସାରେ, ପାହାଡି ରାସ୍ତାରେ ଥିବା ଏକ ଗଡ଼ାଣିରେ ଡ୍ରାଇଭର ଜଣକ ଗାଡି ଉପରୁ ନିୟନ୍ତ୍ରଣ ହରାଇ ବସିଥିଲେ । ଫଳରେ ଏହି ବଡ ଦୁର୍ଘଟଣା ଘଟିଥିଲା । ସମସ୍ତ ମୃତକ ସମୁଗୁସୁନ୍ଦରପୁରମ୍ ବୋଲି ଜଣାପଡ଼ିଛି । ଏହି ଦୁର୍ଘଟଣାରେ ଜଣେ ନାବାଳକର ମଧ୍ୟ ମୃତ୍ୟୁ ଘଟିଛି । ସମସ୍ତ ଶ୍ରଦ୍ଧାଳୁ ସାବରିମାଳ ଦର୍ଶନ କରି ଘରକୁ ଫେରୁଥିଲେ । ଦୁର୍ଘଟଣାରେ ଗୋଟିଏ ଗାଁର ଏତେ ଲୋକଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
