ଲୋକଙ୍କ ଉପରେ ଚଢିଗଲା ଟ୍ରକ। ଆଖି ଆଗରେ ଚାଲିଗଲା ଛଅ ଛଅଟା ଜୀବନ। ଏଭଳି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ରାତଲମ୍ ଜିଲ୍ଲାରେ। ରାତଲମ୍-ଲେବାଡ୍ ରାସ୍ତାର ସତ୍ରୁନ୍ଦା ଗାଁ ନିକଟରେ ଏହି ଦୁର୍ଘଟଣା ଘଟିଛି।
ରାତଲମ୍ରୁ ବଡନାୱରକୁ ଟ୍ରକଟି ଯାଉଥିଲା। ରାତଲମ୍-ଲେବାଡ୍ ରାସ୍ତାର ସତ୍ରୁନ୍ଦା ଗାଁ ବସ୍ଷ୍ଟପ୍ ନିକଟରେ ଲୋକ ବସ୍କୁ ଅପେକ୍ଷା କରିଥିଲେ। ସେପଟେ ଯାଉଥିବା ଟ୍ରକର ଚକା ଫାଟିଯାଇଥିଲା। ଟ୍ରକର ବେଗ ଅଧିକ ଥିବାରୁ ଭାରସାମ୍ୟ ହରାଇ ଲୋକଙ୍କ ଉପରେ ଚଢିଯାଇଥିଲା।
ଘଟଣାସ୍ଥଳରେ ୬ ଜଣଙ୍କ ମୃତ୍ୟୁ ହୋଇଥିଲା। ଏହା ସହ ୧୨ ଜଣ ଗୁରୁତର ଭାବେ ଆହତ ହୋଇଛନ୍ତି। ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି।