LIVE TV
ହସି ଖୁସିରେ ଗୋଟିଏ ଗାଡ଼ିରେ ଯାତ୍ରା କରୁଥିଲେ ପରିବାର ସଦସ୍ୟ । ବୟସ୍କ ଥିଲେ ଛୋଟ ପିଲା ମଧ୍ୟ ଥିଲେ । ମାତ୍ର ଏହି ଯାତ୍ରା ତାଙ୍କର ଶେଷ ଯାତ୍ରା ହେବ ବୋଲି କେହି ଜାଣିନଥିଲେ । ଜମ୍ମୁ କାଶ୍ମୀରର ଅନନ୍ତନାଗ ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା । ଗୋଟିଏ ପରିବାର ୮ ଜଣଙ୍କର ଦୁଃଖଦ ମୃତ୍ୟୁ ଘଟିଛି ।
ସୂଚନା ଅନୁଯାୟୀ, ସମସ୍ତେ ଗୋଟିଏ ଗାଡ଼ିରେ ଯାତ୍ରା କରୁଥିଲେ । ତେବେ ଅନନ୍ତନାଗ ଜିଲ୍ଲାର ଡାକସୁମ ଅଞ୍ଚଳ ଦେଇ ଗାଡ଼ି ଯାଉଥିବା ସମୟରେ ହଠାତ୍ ଏକ ଗଭୀର ଖାତ ଭିତରକୁ ଗାଡ଼ିଟି ଖସି ପଡ଼ିଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଗାଡ଼ିରେ ଥିବା ୮ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ପୁରୁଷ ଲୋକ, ଦୁଇଜଣ ମହିଳା ଓ ୨ ଜଣ ନାବାଳକଙ୍କ ସମେତ ୫ ଜଣ ଶିଶୁ ରହିଛନ୍ତି ।
Also Read
ପୋଲିସର ସୂଚନା ଅନୁସାରେ ସ୍ଥାନୀୟ କିସ୍ତୱର ଅଞ୍ଚଳରୁ ସେମାନେ ଆସୁଥିଲେ । ଏକ ଟାମା ସୁମୋ ଗାଡ଼ିରେ ଯାତ୍ରା କରୁଥିବାବେଳେ, ଡାକସୁମ ନିକଟ ଏକ ରାସ୍ତାରେ ଗାଡ଼ିଟି ଭାରସାମ୍ୟ ହରାଇଥିଲା । ଦୁର୍ଘଟଣା ସ୍ଥଳରେ ରେସକ୍ୟୁ ଅପରେସନ ଜାରିରହିଛି । ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
#WATCH | Jammu and Kashmir: People of the same family met with a car accident in the Daksum area of Anantnag district. Further details awaited. pic.twitter.com/zDoU7eJqXv
— ANI (@ANI) July 27, 2024
