Bihar under job scheme: ମହିଳାଙ୍କ ଆକାଉଣ୍ଟକୁ ଆସିଲା ୧୦ ହଜାର, ଆସିଲା ପ୍ରଥମ କିସ୍ତି...୭୫ ଲକ୍ଷ ମହିଳାଙ୍କୁ ଏହି ଉପହାର

ବିହାର ବିଧାନସଭା ନିର୍ବାଚନ ପୂର୍ବରୁ, ସରକାର ମହିଳାମାନଙ୍କୁ ଏଭଳି ଏକ ଗୁରୁତ୍ୱପୂର୍ଣ୍ଣ ଉପହାର ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭର୍ଚୁଆଲ୍ ଭାବରେ "ମୁଖ୍ୟମନ୍ତ୍ରୀ ମହିଳା ନିଯୁକ୍ତି ଯୋଜନା" ଆରମ୍ଭ କରିଛନ୍ତି। ଏହି ଯୋଜନା ଅଧୀନରେ, ରାଜ୍ୟର ୭୫ ଲକ୍ଷ ମହିଳାଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ୧୦ ହଜର ଟଙ୍କା ଆସିବ। 

ଏହି କାର୍ଯ୍ୟକ୍ରମ ଅବସରରେ, ବିହାର ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି ଯେ ଏହା ନାରୀ ଶକ୍ତିକୁ ସମ୍ମାନ ଏବଂ ସେମାନଙ୍କର ଆର୍ଥିକ ସ୍ୱାଧୀନତା ଦିଗରେ ନିଆଯାଇଥିବା ଏକ ଐତିହାସିକ ପଦକ୍ଷେପ।

ଏହା କେବଳ ଟଙ୍କା ବଣ୍ଟନ ନୁହେଁ ବରଂ ମହିଳାମାନଙ୍କ ସ୍ୱପ୍ନ ପୂରଣ କରିବା ପାଇଁ ଏକ ଶକ୍ତିଶାଳୀ ମାଧ୍ୟମ। ଏହି ଯୋଜନା ମାଧ୍ୟମରେ, ମହିଳାମାନେ ନିଜ ପସନ୍ଦର ରୋଜଗାର ଆରମ୍ଭ କରିପାରିବେ ଏବଂ ପରିବାରର ଆୟ ବୃଦ୍ଧି କରିବା ସହ ଜୀବନଧାରଣର ମାନଦଣ୍ଡକୁ ଉନ୍ନତ କରିପାରିବେ ବୋଲି ନୀତୀଶ କହିଛନ୍ତି।

୨ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା

ଶୁକ୍ରବାର ଦିନ, ଏହି ଯୋଜନାର ପ୍ରଥମ କିସ୍ତି ମହିଳାଙ୍କ ଆକାଉଣ୍ଟକୁ ଆସିଯାଇଛି। ଏହି ଅବସରରେ ମୁଖ୍ୟମନ୍ତ୍ରୀ ନୀତିଶ କୁମାର ଘୋଷଣା କରିଛନ୍ତି ଯେ ଯଦି ରୋଜଗାର ଭଲ ହୁଏ, ତେବେ ସେମାନଙ୍କୁ ୨ ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ମିଳିବ। ଏହି ସମୟରେ, ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ “ଆପଣଙ୍କର ଦୁଇ ଭାଇ ନରେନ୍ଦ୍ର ଏବଂ ନୀତିଶ ଆପଣଙ୍କ ସେବାରେ କାମ କରୁଛନ୍ତି।”

ନୀତୀଶ କହିଛନ୍ତି ଯେ ଆରମ୍ଭରୁ, ଆମେ ମହିଳାମାନଙ୍କ ଉନ୍ନତି ଉପରେ ଧ୍ୟାନ ଦେଇଛୁ। ବିହାରର ପୂର୍ବ ସରକାର କିଛି କରି ନଥିଲେ। ୨୪ ନଭେମ୍ବର, ୨୦୦୫ରେ ଏନଡିଏ ସରକାର କ୍ଷମତାକୁ ଆସିବା ପରଠାରୁ, ଆମେ ଅକ୍ଲାନ୍ତ ପରିଶ୍ରମ କରିଆସୁଛନ୍ତି। ବର୍ତ୍ତମାନ, ବିହାରରେ ଆଇନର ଶାସନ ଚାଲିଛି। ଆମେ ଆରମ୍ଭରୁ ମହିଳା ସଶକ୍ତିକରଣ ଉପରେ ଗୁରୁତ୍ୱ ଦେଇଆସିଛୁ ବୋଲି ସେ କହିଛନ୍ତି। ଆଉ ସେ ପରିବାରବାଦ ଉପରେ ଆରଜେଡିକୁ ଟାର୍ଗେଟ କରି କହିଛନ୍ତି, "ଆମେ ବିହାର ପାଇଁ କାମ କରୁ, ଆମ ପରିବାର ପାଇଁ ନୁହେଁ।"