ଏକାଥରେ ୧୫ ମରଶରୀରର ସତ୍କାର କଲେ ବିଧାୟକ..

ଚିତ୍ତୁର: ଏକାଥରରେ ୧୫ ମରଶରୀର ସତ୍କାର କଲେ ସ୍ଥାନୀୟ ବିଧାୟକ । ସ୍ୱେଚ୍ଛାସେବୀ ସଂଗଠର ସଦସ୍ୟଙ୍କୁ ନେଇ ବିଭିନ୍ନ ଧର୍ମର ରୀତିନୀତି ଅନୁଯାୟୀ ମୃତଦେହ ଗୁଡିକର ସତ୍କାର କରାଯାଇଥିଲା ।

ଆନ୍ଧ୍ରପ୍ରଦେଶ ଚିତ୍ତୁର ଜିଲ୍ଲା ରେନିଗୁଣ୍ଟା ଅଂଚଳର ଥିଲା ଏହି ଘଟଣା । ରେନିଗୁଣ୍ଟା କୋଭିଡ୍ ହସ୍ପିଟାଲରେ କରୋନାରେ ଆକ୍ରାନ୍ତ ହୋଇ ୧୫ ଜଣ ରୋଗୀଙ୍କର ମୃତ୍ୟୁ ଘଟିଥିଲା । ରୋଗୀଙ୍କ ମୃତ୍ୟୁ ନେଇ ତାଙ୍କ ପରିବାର ଲୋକଙ୍କୁ ଜଣାଇବା ପରେ ମଧ୍ୟ କେହି ଜଣେ ହେଲେ ବି ଶବ ସତ୍କାର ପାଇଁ ଆସିନଥିଲେ । ଶେଷରେ ଏନେଇ ତିରୁପତି ବିଧାୟକ ଭି. କରୁଣାକର ରେଡ୍ଡୀ ଖବର ପାଇବା ପରେ ମୃତକଙ୍କ ଶବ ସତ୍କାର କରିଛନ୍ତି । ସ୍ଥାନୀୟ ଏକ ସ୍ୱେଚ୍ଛାସେବୀ ସଂଗଠନ ସଦସ୍ୟଙ୍କ ସହଯୋଗରେ ଶବ ସତ୍କାର କରାଯାଇଥିଲା ।

ଶବ ଗୁଡିକ ମଧ୍ୟରେ ହିନ୍ଦୁ, ମୁସଲିମ ଏବଂ ଖ୍ରୀଷ୍ଟ ଧର୍ମର ଲୋକ ରହିଥିବାରୁ, ସେମାନଙ୍କର ଧର୍ମୀୟ ରୀତିନୀତିକୁ ନେଇ ସଂସ୍କାର କରାଯାଇଥିଲା । ଅନ୍ୟପଟେ କୋଭିଡରେ ମୃତ୍ୟୁ ହେଉଥିବା ବ୍ୟକ୍ତିଙ୍କ ଶବ ସତ୍କାର ପାଇଁ ପରିବାର ଲୋକେ ଆଗେଇ ଆସିବାକୁ ନିବେଦନ କରିଛନ୍ତି ବିଧାୟକ ଭି. କରୁଣାକର ରେଡ୍ଡୀ । ଏହା ପୂର୍ବରୁ ମଧ୍ୟ ୨୧ଟି ଅଜଣା ମୃୃତଦେହ ସଂସ୍କାର କରି ଚର୍ଚ୍ଚାକୁ ଆସିଥିଲେ ବିଧାୟକ କରୁଣାକର ରେଡ୍ଡୀ । ସେ ଦୁଇ ଥର କରୋନା ପଜିଟିଭ ହେବା ପରେ ସୁସ୍ଥ ହୋଇ ଫେରିଛନ୍ତି ।