ସମୁଦ୍ର ଭିତରେ ବୁଡ଼ିଯାଉଥିଲା ଡଙ୍ଗା, ୯ ଜଣଙ୍କୁ ଉଦ୍ଧାର କଲା ଭାରତୀୟ ନୌସେନା

ନୂଆଦିଲ୍ଲୀ: କମାଲ ଦେଖାଇଲେ ଇଣ୍ଡିଆନ କୋଷ୍ଟଗାର୍ଡ। ଆଣ୍ଡାମାନ ପୋର୍ଟବ୍ଲେୟାର ଉପକୂଳରେ ଏକ ଡଙ୍ଗା ବୁଡ଼ି ଯାଉଥିବା ବେଳେ ଡଙ୍ଗାର ୯ ସଦସ୍ୟଙ୍କୁ ସୁରକ୍ଷିତ ଭାବେ ଉଦ୍ଧାର କରିଛନ୍ତି ଭାରତୀୟ କୋଷ୍ଟଗାର୍ଡ। କୋଷ୍ଟଗାର୍ଡ ଜାହାଜ ସି-୧୪୬ଦ୍ୱାରା ସମସ୍ତଙ୍କୁ ଉଦ୍ଧାର କରାଯାଇଛି । ଉଦ୍ଧାର ପରେ ଚିକିତ୍ସା ପାଇଁ ସମସ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଛି।

ବୋଟ୍‌ଟି  କିଛି ନିର୍ମାଣ ସାମଗ୍ରୀ ଧରି ମଙ୍ଗଳବାର ଦିନ ୧ଟା ୪୦ରେ ନିର୍ମାଣ ଉପକରଣ ଧରି ପୋର୍ଟ ବ୍ଲେୟାର ଉପକୂଳ ଛାଡ଼ିଥିଲା । ବୁଧବାର ସକାଳ ୬ଟା ସୁଦ୍ଧା ଏହା ହଟୱେ  ଉପକୂଳରେ ପହଞ୍ଚିବାର ଥିଲା। ମାତ୍ର ଯାନ୍ତ୍ରିକ ତ୍ରୁଟି ଯୋଗୁଁ ଏହା ପହଞ୍ଚି ପାରି ନଥିଲ।

ଆଇସିଜିଙ୍କୁ ବୁଧବାର ଦିନ ସୂଚନା ମିଳିଥିଲା,  ଗଙ୍ଗା-୧ ଡଙ୍ଗା ଆଣ୍ଡାମାନ ନିକୋବର ଦ୍ୱୀପର ପୋର୍ଟ ବ୍ଲେୟାରଠାରୁ ପ୍ରାୟ ୩୦ ନଟିକାଲ ମାଇଲ୍‌ସ ଦୂରରେ ଅଛି। ତେବେ ଯାନ୍ତ୍ରିକ ତ୍ରୁଟି ଯୋଗୁ ଡଙ୍ଗାରେ ପାଣି ପଶି ଯାଇଥିଲା। ଆଇସିଜି ସିଗ୍‌ନାଲ ପାଇବା କ୍ଷଣି ଉଦ୍ଧାର କାର୍ଯ୍ୟ ଆରମ୍ଭ କରି ଦେଇଥିଲେ ଏବଂ ୯ ସଦସ୍ୟଙ୍କୁ ସୁରକ୍ଷିତ ଭାବେ ଉଦ୍ଧାର କରିଥିଲେ।