ଧାରା ୩୭୦ ଆଭ୍ୟନ୍ତରୀଣ ବ୍ୟାପାର ନୁହେଁ-କହିଲେ କଂଗ୍ରେସ ସାଂସଦ ଅଧୀର ରଞ୍ଜନ

ଆଜି ଲୋକସଭାରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଜମ୍ମୁ-କଶ୍ମୀର ପୁନର୍ଗଠନ ବିଲ ଉପସ୍ଥାପନ କରିଥିଲେ। ଏହାକୁ ନେଇ ଶ୍ରୀ ଶାହ ଓ ଶ୍ରୀ ଚୌଧୁରୀଙ୍କ ମଧ୍ୟରେ ବାକଯୁଦ୍ଧ ହୋଇଥିଲା।

ଏହି ସମୟରେ ଶ୍ରୀ ଚୌଧୁରୀ କହିଥିଲେ, “ଆପଣ କହୁଛନ୍ତି ଧାରା ୩୭୦ ଉଚ୍ଛେଦ ଆଭ୍ୟନ୍ତରୀଣ ବ୍ୟାପାର। କିନ୍ତୁ ୧୯୪୮ରୁ ଏହାକୁ ଜାତିସଂଘ ହିଁ ମନିଟରିଂ କରୁଛି। ଏହା କ’ଣ ଏକ ଆଭ୍ୟନ୍ତରୀଣ ବ୍ୟାପାର। ଆମେ ଶିମଲା ଚୁକ୍ତି ଓ ଲାହୋର ବୁଝାମଣା କରିଥିଲେ। ଏହା କ’ଣ ଆଭ୍ୟନ୍ତରୀଣ ବ୍ୟାପର ଥିଲା ନା ଦ୍ୱିପାକ୍ଷିକ ବ୍ୟାପାର?

ପୂର୍ବରୁ ବୈଦେଶିକ ମନ୍ତ୍ରୀ ଏସ୍‌ ଜୟଶଙ୍କର ଜମ୍ମୁ-କଶ୍ମୀରକୁ ଏକ ଦ୍ୱିପାକ୍ଷିକ ପ୍ରସଙ୍ଗ ବୋଲି କହିଥିଲେ। ଏଥିପାଇଁ ଆମେରିକାକୁ ହସ୍ତକ୍ଷେପ କରିବାକୁ ମନା ହୋଇଥିଲା। ତେଣୁ ଏବେ ବି କ’ଣ ଜମ୍ମୁ-କଶ୍ମୀର ଏକ ଆଭ୍ୟନ୍ତୀରଣ ବ୍ୟାପାର ରହିଛି। ଆମେ ଏହା ଜାଣିବାକୁ ଚାହୁଁଛୁ। ପୂରା କଂଗ୍ରେସ ସଦସ୍ୟ ଏକଥା ଜାଣିବାକୁ ଚାହୁଁଛନ୍ତି।”

ଏହାର ଜବାବ ଦେଇ ଶ୍ରୀ ଶାହ କହିଥିଲେ, “ପ୍ରଥମେ ଜମ୍ମୁ-କଶ୍ମୀର ପ୍ରସଙ୍ଗରେ କଂଗ୍ରେସର ଷ୍ଟାଣ୍ଡ କ’ଣ ସ୍ପଷ୍ଟ ହେବା ଦରକାର। ସେମାନେ ଜମ୍ମୁ-କଶ୍ମୀର ପ୍ରସଙ୍ଗରେ ଜାତିସଂଘ ହସ୍ତକ୍ଷେପ କରିବା ଦରକାର ବୋଲି ଚାହୁଁଛନ୍ତି କି? ଜମ୍ମୁ-କଶ୍ମୀର ଭାରତର ଅଭିନ୍ନ ଅଙ୍ଗ ଥିଲା ଓ ରହିବ। ପିଓକେ ଏବଂ ଅକସାଇ ଚୀନ୍‌ ମଧ୍ୟ ଜମ୍ମୁ-କଶ୍ମୀର ସୀମାନ୍ତ ମଧ୍ୟରେ ଆସୁଛି। ଆମେ ଜମ୍ମୁ-କଶ୍ମୀର ପାଇଁ ଜୀବନ ଦେବାକୁ ପ୍ରସ୍ତୁତ ରହିଛୁ।”