LIVE TV
ଏବେ ବି ଦୂର ହୋଇନି କରୋବା ଭାଇରସ୍ ବିପଦ। ଏହା ଏବେ ବି ଲୋକଙ୍କୁ ମରଣଯନ୍ତା ଭିତରକୁ ଟାଣି ନେଉଛି। ଏଭଳି ପରିସ୍ଥିତିରେ ସଂକ୍ରମଣରୁ ନିଜକୁ ଦୂରେଇ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିଷୟ। ଟିକିଏ ଅସାବଧାନତା ସଂକ୍ରମଣ ବିସ୍ତାର କରିପାରେ। ଅବଶ୍ୟ, ରାଜ୍ୟରେ ଲକ୍ଡାଉନ୍ ଚାଲିଛି। କିନ୍ତୁ ଅନେକ ଲୋକ ଅତ୍ୟାବଶ୍ୟକ ସପିଂ ଇତ୍ୟାଦି ପାଇଁ ଘରୁ ବାହାରକୁ ଆସୁଛନ୍ତି। ଏପରି ପରିସ୍ଥିତି, ଜାଣିଶୁଣି କିମ୍ବା ଅଜାଣତରେ ଆପଣଙ୍କୁ ଏବଂ ଆପଣଙ୍କ ପରିବାରକୁ କ୍ଷତି କରିପାରେ। ତେଣୁ ବହୁତ ସତର୍କ ରହିବା ଜରୁରୀ। ଯଦି ଆପଣ ମଧ୍ୟ ଅତ୍ୟାବଶ୍ୟକ ସାମଗ୍ରୀ କିମ୍ବା ଅଫିସକୁ ଯିବା ନେଇ ଘରୁ ବାହାରୁଛନ୍ତି, ତେବେ ଏହି ସବୁ ଦିଗ ପ୍ରତି ବିଶେଷ ଧ୍ୟାନ ଦିଅନ୍ତୁ, ଯାହା ଦ୍ୱାରା ଆପଣ ଏବଂ ଆପଣଙ୍କ ପରିବାର ସଂକ୍ରମଣରୁ ସୁରକ୍ଷିତ ରହିପାରିବେ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଘରୁ ବାହାରିବା ପୂର୍ବରୁ ଆପଣଙ୍କୁ ଏକ ମାସ୍କ ପିନ୍ଧିବାକୁ ପଡିବ। ଏହାକୁ କରୋନାରୁ ରକ୍ଷା କରିବାର ପ୍ରଥମ ଏବଂ ଗୁରୁତ୍ୱପୂର୍ଣ୍ଣ ଅସ୍ତ୍ର ଭାବରେ ବିବେଚନା କରାଯାଇପାରେ। ଏହାକୁ କେବେବି ଅବହେଳା କରନ୍ତୁ ନାହିଁ। ଅନ୍ୟପକ୍ଷରେ ଯଦି ଆପଣ ସପିଂ କରିବାକୁ ଯାଉଛନ୍ତି, ତେବେ ଜନଗହଳି ପୂର୍ଣ୍ଣ ସ୍ଥାନଠାରୁ କିଛି ଦୂରରେ ରୁହନ୍ତୁ।
ଯଦି ସପିଂ କରିବାକୁ ଯାଉଛନ୍ତି, ତେବେ ବାହାରେ ଅଧିକ ସମୟ ନ ରହିବାକୁ ଚେଷ୍ଟା କରନ୍ତୁ। ଏପରି ପରିସ୍ଥିତିରେ, ଏହା ଜରୁରୀ ଯେ ବାହାରକୁ ଯିବା ପୂର୍ବରୁ କ’ଣ କିଣିବେ ତାହାର ଏକ ସମ୍ପୂର୍ଣ୍ଣ ତାଲିକା ପ୍ରସ୍ତୁତ କରନ୍ତୁ। ବ୍ୟାଗ ଇତ୍ୟାଦି ପରିଷ୍କାର କରିବାକୁ ଭୁଲନ୍ତୁ ନାହିଁ।
ଘରୁ ବାହାରିବା ପୂର୍ବରୁ ପାଖରେ ସାନିଟାଇଜର ନେବାକୁ ଭୁଲନ୍ତୁ ନାହିଁ। ସଂକ୍ରମଣର ବିପଦକୁ ଦୃଷ୍ଟିରେ ରଖି ଆପଣ ଗ୍ଲୋଭସ୍ ମଧ୍ୟ ପିନ୍ଧିପାରିବେ। କିଛି ସମୟର ବ୍ୟବଧାନରେ ନିଜ ହାତକୁ ସାନିଟାଇଜ୍ କରିବାକୁ ଭୁଲନ୍ତୁ ନାହିଁ।
କରୋନା ସଂକ୍ରମଣକୁ ଦୃଷ୍ଟିରେ ରଖି ଆଖି, ପାଟି, ନାକକୁ ସ୍ପର୍ଶ କରନ୍ତୁ ନାହିଁ। ଯଦି ଆପଣ କରୋନା କାଳରେ ଘରୁ ବାହାରକୁ ଯାଉଛନ୍ତି, ଯଥାସମ୍ଭବ ସର୍ବସାଧାରଣ ପରିବହନ ବ୍ୟବହାର କରନ୍ତୁ ନାହିଁ। ଯଦି ଆପଣଙ୍କର ନିଜସ୍ୱ ଗାଡି ନାହିଁ ତେବେ କ୍ୟାବ କିମ୍ବା ଅଟୋରେ ଯାଆନ୍ତୁ। ସୁରକ୍ଷା ପାଇଁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଏହି ସମୟରେ ବାହାରକୁ ଯିବା କୌଣସି ବିପଦଠାରୁ କମ୍ ନୁହେଁ। ଏପରି ପରିସ୍ଥିତିରେ, ଯଦି ଆପଣ ମଧ୍ୟ କାମ କିମ୍ବା ସପିଂ ଇତ୍ୟାଦି ପାଇଁ ଘରୁ ବାହାରକୁ ଯାଉଛନ୍ତି, ତେବେ ଘରକୁ ଫେରିବା ପରେ ପ୍ରଥମେ ଭଲଭାବେ ଗାଧୋଇବା ଉଚିତ। ଏହାପୂର୍ବରୁ, ଘରର କୌଣସି ଜିନିଷକୁ ସ୍ପର୍ଶ କରନ୍ତୁ ନାହିଁ ଏବଂ ଘରର ଲୋକଙ୍କ ସହିତ ଯୋଗାଯୋଗରୁ ଦୂରେଇ ରୁହନ୍ତୁ।
