US Launches 'Operation Hawkeye': ISIS ଆଡ୍ଡା ଉପରେ ବୋମା ପକାଇ ଧ୍ବଂସଲୀଳା, ପ୍ରତିଶୋଧ ନେଉଛି ଆମେରିକା

ଗତ ମାସରେ ସିରିଆରେ ହୋଇଥିବା ଏକ ଆକ୍ରମଣରେ ଦୁଇ ଜଣ ଆମେରିକୀୟ ସୈନିକ ଏବଂ ଜଣେ ଆମେରିକୀୟ ସାଧାରଣ ନାଗରିକକଙ୍କ ମୃତ୍ୟୁ ହୋଇଥିଲା। ଏହି ଆକ୍ରମଣ ପରେ, ଆମେରିକା ଇସଲାମିକ୍ ଷ୍ଟେଟ୍ ବିରୁଦ୍ଧରେ ଆଉ ଏକ ପ୍ରତିଶୋଧମୂଳକ ଆକ୍ରମଣ ଆରମ୍ଭ କରିଛି। ଆମେରିକାର କେନ୍ଦ୍ରୀୟ କମାଣ୍ଡ ଅନୁଯାୟୀ, ଆମେରିକା ସହଯୋଗୀ ବାହିନୀ ସହିତ ମିଶି ସିରିଆରେ ବଡ଼ ଧରଣର ଆକ୍ରମଣ କରିଛି। ଏହି ଆକ୍ରମଣ କରି ସିରିଆରେ ଅନେକ ଇସଲାମିକ୍ ଷ୍ଟେଟ୍ ଘାଟିକୁ ଟାର୍ଗେଟ କରିଛି ଆମେରିକା।

"ଆମର ବାର୍ତ୍ତା ସ୍ପଷ୍ଟ: ଯଦି ତୁମେ ଆମ ସୈନ୍ୟଙ୍କୁ କ୍ଷତି ପହଞ୍ଚାଇବ, ତୁମେ ନ୍ୟାୟରୁ ରକ୍ଷା ପାଇବାକୁ ଯେତେ ଚେଷ୍ଟା କର ନା କାହିଁକି, ତୁମେ ବିଶ୍ୱର ଯେକୌଣସି ସ୍ଥାନରେ ଥାଅ; ଆମେ ତୁମକୁ ଖୋଜି ମାରିବୁ ଏବଂ ହତ୍ୟା କରିବୁ," ଏକ ବିବୃତ୍ତିରେ ଆମେରିକାର ସେଣ୍ଟ୍ରାଲ୍ କମାଣ୍ଡ କହିଛି। ଆମେରିକୀୟ ସେନା କହିଛି ଯେ ଶନିବାରର ଆକ୍ରମଣଗୁଡ଼ିକ ସହଯୋଗୀ ବାହିନୀ ସହିତ ସମନ୍ୱୟରେ କରାଯାଇଥିଲା, କିନ୍ତୁ କେଉଁ ବାହିନୀ ଏଥିରେ ଅଂଶଗ୍ରହଣ କରିଥିଲା ତାହା ସ୍ପଷ୍ଟ କରିନାହିଁ।

ଟ୍ରମ୍ପ ପ୍ରଶାସନ ପାଲମିରା ଆକ୍ରମଣର ଜବାବରେ କରାଯାଇଥିବା ଆକ୍ରମଣକୁ ଅପରେସନ୍ 'ହକ୍ଆଇ' ବୋଲି କହୁଛି। ଏହା ପୂର୍ବରୁ ଡିସେମ୍ବର ୧୯ ତାରିଖରେ, ଆଉ ଏକ ବଡ଼ ଆକ୍ରମଣରେ କେନ୍ଦ୍ରୀୟ ସିରିଆର ୭୦ଟି ସ୍ଥାନକୁ ଟାର୍ଗେଟ କରିଥିଲା ଆକେରିକା ସେନା। ଯେଉଁଥିରେ IS ଭିତ୍ତିଭୂମି ଏବଂ ଅସ୍ତ୍ରଶସ୍ତ୍ର ଥିଲା।

କୁର୍ଦ୍ଦିଶ ନେତୃତ୍ୱାଧୀନ ସିରିଆନ୍ ଡେମୋକ୍ରାଟିକ୍ ଫୋର୍ସ ବର୍ଷ ବର୍ଷ ଧରି ସିରିଆରେ ISIS ବିରୋଧରେ ଲଢ଼େଇରେ ଆମେରିକାକୁ ସହଯୋଗ କରୁଛି। ଡିସେମ୍ବର ୨୦୨୪ରେ ପୂର୍ବତନ ସିରିଆ ରାଷ୍ଟ୍ରପତି ବଶର ଅସାଦଙ୍କୁ ଗାଦିଚ୍ୟୁତ କରିବା ପରଠାରୁ ୱାଶିଂଟନ୍ ସିରିଆର ନୂତନ ସରକାରଙ୍କ ସହିତ ଅଧିକରୁ ଅଧିକ ସମନ୍ୱୟ ସ୍ଥାପନ କରିଆସୁଛି।