Tarique Rahman Wins: ବାଂଲାଦେଶ ରାଜନୈତିକ ଇତିହାସରେ ବଡ଼ ପରିବର୍ତ୍ତନ

ବାଂଲାଦେଶ ରାଜନୈତିକ ଇତିହାସରେ ବଡ଼ ପରିବର୍ତ୍ତନ । ବିପୁଳ ବିଜୟ ଅଭିମୁଖେ BNP। ୨୯୯ ଆସନରୁ ୨୦୦ଟିରେ ତାରିକ ରହମାନଙ୍କ ନେତୃତ୍ୱଧୀନ ବାଂଲାଦେଶ ନ୍ୟାସନାଲିଷ୍ଟ ପାର୍ଟି ବା BNP ଆଗୁଆ ରହି ବଡ଼ ବିଜୟ ଆଡ଼କୁ ଅଗ୍ରସର ହେଉଛି । ବିଏନପି ନେତା ତାରିକ ରେହମାନ ଦୁଇଟି ଆସନରେ ନିର୍ବାଚନ ଲଢୁଥିବାବେଳେ ଉଭୟ ଆସନରେ ବିଜୟୀ ହୋଇଥିବା ଜଣାପଡିଛି । 

BNP ନୂଆ ସରକାର ଗଠନ ନେଇ ଏକ ପ୍ରକାର ସ୍ପଷ୍ଟ ଚିତ୍ର ସାମ୍ନାକୁ ଆସୁଛି । ଅନ୍ୟ ଦିଗରେ ଜମାତ-ଏ-ଇସଲାମି ୬୮ଟି ଆସନରେ ଜିତିଥିବା ସୂଚନା ମିଳିଛି । ଏବେବି ଭୋଟ୍ ଗଣତି ଜାରି ରହିଛି । ରେଜଲ୍ଟ ଆସିବା ପରେ ବିଏନପି ଖୁସି ବ୍ୟକ୍ତ କରିବା ସହ ଜନତାଙ୍କୁ ଧନ୍ୟବାଦ ଦେଇଛି । ଏହାସହ ଦଳ ନିଜ ସମର୍ଥକଙ୍କୁ ଶାନ୍ତି ପ୍ରତିଷ୍ଠା କରିବାକୁ ଅପିଲ କରିଛି । 

BNP ଅଧ୍ୟକ୍ଷ ତଥା ଖାଲେଦା ଜିଆଙ୍କ ପୁଅ ତାରିକ ରହମାନ ବାଂଲାଦେଶର ନୂଆ ପ୍ରଧାନମନ୍ତ୍ରୀ ହେବା ଆଶା କରାଯାଉଛି । ଲଣ୍ଡନରୁ ୧୭ ବର୍ଷ ପରେ ଫେରି ସେ ଦଳକୁ ମଜଭୁତ କରିବା ସହିତ ପ୍ରଧାନମନ୍ତ୍ରୀ ଆସନରେ ବସିବା ଏକପ୍ରକାରର ସ୍ପଷ୍ଟ ହୋଇଛି । ତେବେ ଆଇନଗତ ଅସୁବିଧା ଦେଖାଗଲା ତାଙ୍କ ସ୍ଥାନରେ ମିର୍ଜା ଫାରୁକ ଇସଲାମ ପିଏମ ହୋଇପାରନ୍ତି । 

ଏପଟେ ବାଂଲାଦେଶ ଫଳାଫଳ ଉପରେ ରହିଛି ଭାରତର କଡ଼ା ନଜର । ଗତବର୍ଷ ବାଂଲାଦେଶ ବିଦ୍ରୋହ ଶେଖ୍ ହସିନାଙ୍କ ଆୱାମୀ ଲିଗ୍ ସରକାରକୁ ପରାଜିତ କରିଥିଲା । ସେବେଠାରୁ ହସିନା ଭାରତରେ ଆଶ୍ରୟ ନେଇଛନ୍ତି । ହସିନାଙ୍କ ଆୱାମୀ ଲିଗକୁ ନିଷିଦ୍ଧ କରାଯାଇଛି । ଏହି ନିର୍ବାଚନ କେବଳ ବାଂଲାଦେଶ ପାଇଁ ନୁହେଁ ବରଂ ଦକ୍ଷିଣ ଏସୀୟ ଦେଶଗୁଡ଼ିକ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ । ଏପଟେ ବିଏନପିର ବିଜୟ ପରେ ତାରିକଙ୍କୁ ଶୁଭେଚ୍ଛା ଜଣାଇଛନ୍ତି ପିଏମ ମୋଦି।

• ବାଂଲାଦେଶ ରାଜନୈତିକ ଇତିହାସରେ ବଡ଼ ପରିବର୍ତ୍ତନ
• ବିଜୟ ମୁହାଁ BNP, ତାରିକ ପରବର୍ତ୍ତୀ ପ୍ରଧାନମନ୍ତ୍ରୀ !
• ୨୦୦ ଆନସରେ ତାରିକ ରହମାନଙ୍କ ନେତୃତ୍ୱଧୀନ
• BNP ୨୦୦ ଆସନରେ ଆଗୁଆ ରହି ବଡ଼ ବିଜୟ ଆଡ଼କୁ ଅଗ୍ରସରଦୁଇଟି ଆସନରୁ ବିଜୟୀ ହେଲେ ବିଏନପି ନେତା ତାରିକ ରେହମାନ
• ଜମାତ-ଏ-ଇସଲାମି ୬୮ଟି ଆସନରେ ଜିତିଥିବା ସୂଚନା
• ମଧ୍ୟାହ୍ନ ସୁଦ୍ଧା ଆସିବ ସମ୍ପୂର୍ଣ୍ଣ ରେଜଲ୍ଟ
• ଖାଲେଦା ଜିଆଙ୍କ ପୁଅ ତାରିକ ରହମାନ ନୂଆ ପ୍ରଧାନମନ୍ତ୍ରୀ ହେବା ଆଶା
• ଲଣ୍ଡନରୁ ୧୭ ବର୍ଷ ପରେ ଫେରି ଦଳକୁ ମଜଭୁତ କରିଥିଲେ
• ବାଂଲାଦେଶ ଫଳାଫଳ ଉପରେ ଭାରତର କଡ଼ା ନଜର
• ଦକ୍ଷିଣ ଏସୀୟ ଦେଶଗୁଡ଼ିକ ପାଇଁ ଗୁରୁତ୍ୱପୂର୍ଣ୍ଣ ବାଂଲାଦେଶ ଫଳ