CISF Hero: ଜୀବନ ବଞ୍ଚାଇଲେ CISF ଯବାନ, ଅସୁସ୍ଥ କର୍ମଚାରୀଙ୍କୁ ଠିକଣା ସମୟରେ ପ୍ରୟୋଗ କରିଥିଲେ CPR

ଜଣଙ୍କ ଜୀବନ ବଞ୍ଚାଇଲେ CISF ଯବାନ। ଭୁବନେଶ୍ୱର ବିମାନବନ୍ଦରରେ ଦେଖିବାକୁ ମିଳିଛି ଏଭଳି ଘଟଣା । ବିମାନ ବନ୍ଦରରେ ଡ୍ୟୁଟିରେ ଥିବା ଦୁଇ ଜଣ ସେଣ୍ଟ୍ରାଲ ଇଣ୍ଡଷ୍ଟ୍ରିଆଲ ସିକ୍ୟୁରିଟି ଫୋର୍ସ ବା CISF ଯବାନଙ୍କ କାର୍ଯ୍ୟକୁ ନେଇ ଏବେ ଛୁଟିଛି ପ୍ରଶଂସାର ସୁଅ ।

ସୂଚନା ଅନୁଯାୟୀ, ବିମାନ ବନ୍ଦର ସ୍କ୍ରିନିଂ ପଏଣ୍ଟରେ ନିୟୋଜିତ ଜଣେ ILHBS କର୍ମଚାରୀ ହଠାତ ମୂର୍ଚ୍ଛା ହୋଇଯାଇଥିଲେ । ଏହି ସମୟରେ ନିୟୋଜିତ ସିଆଇଏସଏଫ ଯବାନ ଅସୁସ୍ଥଙ୍କୁ CPR ପ୍ରୟୋଗ କରି ତାଙ୍କୁ ହୋସକୁ ଆଣିଥିଲେ । ପରେ ଅସୁସ୍ଥ କର୍ମଚାରୀ ଜଣଙ୍କୁ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜୀବନ ବଞ୍ଚାଇଥିବା ଯବାନ ହେଲେ ଡିମ୍ପଲ କୁମାର । ଡିମ୍ପଲଙ୍କୁ ସହଯୋଗ କରିଥିଲେ ଡି.ପି ଗୁପ୍ତା । ଏ

ଏହି ଦୁଇ ଜଣଙ୍କ ଏପରି ସାହସିକତା କାର୍ଯ୍ୟକୁ ପ୍ରଶଂସା କରିଛନ୍ତି କ୍ୟାପିଟାଲ ହସ୍ପିଟାଲ ଡାକ୍ତର । ଏ ନେଇ ସିଆଇଏସଏଫ ପକ୍ଷରୁ ସୋସିଆଲ ମିଡିଆରେ ସୂଚନା ଦିଆଯାଇଛି ।

ବିମାନ ବନ୍ଦରରେ ନିୟୋଜିତ କର୍ମଚାରୀଙ୍କ ଜୀବନ ବଞ୍ଚାଇଲେ

ଭୁବନେଶ୍ୱର ବିମାନବନ୍ଦର ପରିସରରେ କାର୍ଯ୍ୟରତ CISF ଯବାନ
ମୂର୍ଚ୍ଛା ଯାଇଥିବା କର୍ମଚାରୀଙ୍କୁ ଦେଲେ CPR
CISF ଯବାନଙ୍କ କାର୍ଯ୍ୟକୁ ପ୍ରଶଂସା କଲେ କ୍ୟାପିଟାଲ ହସ୍ପିଟାଲ ଡାକ୍ତର