Delhi High Court: ରାଜପାଲ ଯାଦବଙ୍କୁ ଦିଲ୍ଲୀ ହାଇକୋର୍ଟର କଡ଼ା ନିର୍ଦ୍ଦେଶ, ଆଜି ୩ଟା ପର୍ଯ୍ୟନ୍ତ… ନ ହେଲେ…

ଚେକ୍ ବାଉନ୍ସ ମାମଲାରେ ଫସିଥିବା ପ୍ରସିଦ୍ଧ ବଲିଉଡ୍ ଅଭିନେତା ରାଜପାଲ ଯାଦବଙ୍କ ସମସ୍ୟା କମିବାର କୌଣସି ଲକ୍ଷଣ ଦେଖାଯାଉ ନାହିଁ। ସୋମବାର ଦିନ, ଦିଲ୍ଲୀ ହାଇକୋର୍ଟ ତାଙ୍କ ଜାମିନ ଆବେଦନର ଶୁଣାଣି ସମୟରେ କଠୋର ଆଭିମୁଖ୍ୟ ଗ୍ରହଣ କରିଛନ୍ତି।

କୋର୍ଟ ରାଜପାଲ ଯାଦବଙ୍କ ଓକିଲଙ୍କୁ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ଯେ ଯଦି ସେ ଆଜି ଅପରାହ୍ନ ୩ଟା ସୁଦ୍ଧା ପ୍ରତିପକ୍ଷଙ୍କ ନାଁରେ ୧.୫ କୋଟି ଟଙ୍କାର ଡିମାଣ୍ଡ ଡ୍ରାଫ୍ଟ (ଡିଡି) ଜମା କରନ୍ତି, ତେବେ ତାଙ୍କୁ ମଧ୍ୟବର୍ତ୍ତୀକାଳୀନ ଜାମିନରେ ମୁକ୍ତ କରାଯିବ।

ଶୁଣାଣି ସମୟରେ, କୋର୍ଟ କଡ଼ା ଶବ୍ଦରେ କହିଛନ୍ତି, "ଯଦି ଆପଣ ଆଜି ଅପରାହ୍ନ ୩ଟା ସୁଦ୍ଧା ଡିଡି ଦାଖଲ କରିଦିଅନ୍ତି, ତେବେ ଆମେ ଆପଣଙ୍କୁ ମୁକ୍ତ କରିଦେବୁ। କିନ୍ତୁ ଯଦି ଆପଣ ଏପରି କରିବାରେ ବିଫଳ ହୁଅନ୍ତି, ତେବେ ଆମେ ଆସନ୍ତାକାଲି ସକାଳେ ମାମଲାର ଶୁଣାଣି କରିବୁ।"

ପ୍ରକାଶ ଥାଉ ଯେ, ଫେବୃଆରୀ ୨୦୨୬ ରେ, ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ପରେ ସେ ତିହାର ଜେଲରେ ଆତ୍ମସମର୍ପଣ କରିଥିଲେ। ୬ ମାସ ଜେଲଦଣ୍ଡ ଭୋଗିବାକୁ ପଡିବ, କିନ୍ତୁ ଆଇନ ବିଶେଷଜ୍ଞଙ୍କ ମତରେ, ଦଣ୍ଡ ଭୋଗ କଲେ ଋଣ ଛାଡ ହେବ ନାହିଁ, ବକେୟା ରାଶି ଦେବାକୁ ପଡିବ।

ତେବେ ଦିଲ୍ଲୀ ହାଇକୋର୍ଟରେ ରାଜପାଲ ଯାଦବଙ୍କ ଜାମିନ ଆବେଦନର ଶୁଣାଣି ହେବାକୁ ପୂର୍ବରୁ ସୋନୁ ସୁଦ ପୁଣି ଥରେ ସାଥୀ ଅଭିନେତା ରାଜପାଲ ଯାଦବଙ୍କୁ ସମର୍ଥନ କରିର୍ହିଲେ। ଫେବୃଆରୀ ୧୬ ତାରିଖରେ, ସୁଦ Xରେ ଏକ ପୋଷ୍ଟ ସେୟାର କରି ରାଜପାଲ ଯାଦବଙ୍କ ପାଇଁ ଏକ ସକାରାତ୍ମକ ଫଳାଫଳ ପାଇଁ ଆଶା ପ୍ରକାଶ କରିଥିଲେ।

ସୋନୁ ସୁଦଙ୍କ ପୋଷ୍ଟରେ ଲେଖିଥିଲେ, "ଆଜି ଆମ ଭାଇ ରାଜପାଲ ଯାଦବଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ। ଆମେ ପ୍ରାର୍ଥନା କରୁଛୁ ଯେ ଜିନିଷଗୁଡ଼ିକ ସଠିକ୍ ଦିଗରେ ଗତି କରୁ ଏବଂ ତାଙ୍କୁ ତାଙ୍କର ଯୋଗ୍ୟ ଆଶ୍ୱସ୍ତି ମିଳୁ। ସେ ଜଣେ ବିରଳ ପ୍ରତିଭା ଏବଂ ଜଣେ ଚମତ୍କାର ମଣିଷ। ଆସନ୍ତୁ ଏହି ଗତିକୁ ମରିଯିବାକୁ ଦେବା ନାହିଁ, ଆମେ ତାଙ୍କ ସହିତ ଛିଡ଼ା ହୋଇଛୁ ଏବଂ ପରିସ୍ଥିତି ଭଲ ନ ହେବା ପର୍ଯ୍ୟନ୍ତ ଆଗକୁ ବଢ଼ିବୁ।"