Junaid Khan and Sai Pallavi Romance: ସାଇ ପଲ୍ଲବୀଙ୍କ ସହ ଆମୀର ଖାନ୍‌ଙ୍କ ପୁଅଙ୍କ ରୋମାନ୍ସ

ଆମିର ଖାନଙ୍କ ପୁଅ ଜୁନୈଦ ଖାନଙ୍କ ସବୁଠାରୁ ପ୍ରତୀକ୍ଷିତ ଫିଲ୍ମ "ଏକ୍‌ ଦିନ୍‌"ର ଟିଜର ଶୁକ୍ରବାର ରିଲିଜ୍ ହୋଇଛି। ଏଥିରେ ସାଇ ପଲ୍ଲବୀ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ। ଆମିର ଖାନ ପ୍ରଡକ୍ସନର "ଏକ ଦିନ" ଟିଜରରେ ସାଇ ପଲ୍ଲବୀ ଏବଂ ଜୁନୈଦ ଖାନଙ୍କ ମଧ୍ୟରେ ଏକ ଦମଦାର୍ ଏବଂ ତାଜା ଯୋଡ଼ିଙ୍କୁ ଦେଖାଯାଇଛି। 

ଶୀତର ତୁଷାରମୟ ସୌନ୍ଦର୍ଯ୍ୟରେ ପ୍ରସ୍ତୁତ ହୋଇଥିବା, "ଏକ୍ ଦିନ୍"ର ଟିଜରଟି ଏକ ହୃଦୟସ୍ପର୍ଶୀ ଡାଏଲଗ୍ ସହିତ ଆରମ୍ଭ ହେଉଛି ଏବଂ ଏହାର ମଧୁର ସ୍ୱର ମାଧ୍ୟମରେ ପ୍ରେମର ଭାବନାକୁ ସୁନ୍ଦର ଭାବରେ ପ୍ରକାଶ କରୁଛି।

ସାଇ ପଲ୍ଲବୀ ଏବଂ ଜୁନୈଦ ଖାନଙ୍କ ଫ୍ରେସ୍ ଅନ-ସ୍କ୍ରିନ ଯୋଡ଼ିର କେମେଷ୍ଟ୍ରୀକୁ ଦେଖାଉଥିବା ଏହି ଟିଜରଟି ହୃଦୟକୁ ପ୍ରେମ ଏବଂ ସ୍ନେହରେ ଭରିଦେଇଛି। ଏହା ଏକ ପ୍ରେମ କାହାଣୀର ପ୍ରତିଶ୍ରୁତି ଦିଏ ଯାହା ଆଜିର ବଲିଉଡରେ ବହୁତ କମ୍ ଦେଖାଯାଉଛି ଏବଂ ବଡ଼ ପରଦାରେ ଦୀର୍ଘ ସମୟ ଧରି ହଜିଯାଇଥିବା ରୋମାଣ୍ଟିକ ଯାଦୁକୁ ଫେରାଇ ଆଣିବା ନେଇ ଆଶା ରଖିଛି।

ସାଉଥ୍ କ୍ୱିନ୍ ସାଇ ପଲ୍ଲବୀ ଏଥିରେ ତାଙ୍କର ଗ୍ରେସ୍, ଆଉ ସୌନ୍ଦର୍ଯ୍ୟରେ ସମସ୍ତଙ୍କ ହୃଦୟ କିଣିନେଇଛନ୍ତି। ଜୁନୈଦ ଖାନ ଆତ୍ମବିଶ୍ୱାସର ସହିତ ଏକ ନୂଆ ଭାବନା ସହିତ ସମସ୍ତଙ୍କୁ ବାନ୍ଧି ରଖିବାରେ ସକ୍ଷମ ହୋଇଛନ୍ତି। 

ତେବେ ସବୁଠାରୁ ବଡ କଥା ହେଲା "ଏକ୍ ଦିନ୍" ସହିତ ଆମୀର ଖାନ ଏବଂ ନିର୍ଦ୍ଦେଶକ-ନିର୍ମାତା ମନସୁର ଖାନ ଦୀର୍ଘ ସମୟ ପରେ ଏକାଠି ହୋଇଛନ୍ତି। ଏହାପୂର୍ବରୁ, ଏହି ଆଇକନିକ୍ ଯୋଡି ‘କୟାମତ୍ ସେ କୟାମତ ତକ୍’, ‘ଜୋ ଜୀତା ୱୋହି ସିକନ୍ଦର’, ‘ଅକେଲେ ହମ୍ ଅକେଲେ ତୁମ୍’, ଏବଂ ‘ଜାନେ ତୁ ୟା ଜାନେ ନା’ ଭଳି ସ୍ମରଣୀୟ ଫିଲ୍ମ ଦେଇଛନ୍ତି। ବର୍ତ୍ତମାନ 'ଏକ୍ ଦିନ୍' ସହିତ, ଦୁହେଁ ପୁଣି ଥରେ ଏକ ରୋମାଣ୍ଟିକ ପ୍ରେମ କାହାଣୀ ସହିତ ଏକାଠି ହୋଇଛନ୍ତି।