Motion Poster Reveals Dark Horror: ୧୪ ବର୍ଷ ପରେ ଅକ୍ଷୟ-ପ୍ରିୟଦର୍ଶନ ଏକାଠି; ‘ଭୂତ ବଙ୍ଗଳା’ର ଡାର୍କ ହରର୍ ଲୁକ୍ ଭାଇରାଲ୍

'ଭୂତ ବଙ୍ଗଳା' ୨୦୨୬ ମସିହାର ସବୁଠାରୁ ଚର୍ଚ୍ଚିତ ଫିଲ୍ମ ମଧ୍ୟରୁ ଗୋଟିଏ। ଏହା ବଲିଉଡର 'ଓଜି' ଅକ୍ଷୟ କୁମାର ଏବଂ ପ୍ରିୟଦର୍ଶନଙ୍କ ବହୁ ପ୍ରତୀକ୍ଷିତ ରିୟୁନିଅନ୍, ଯେଉଁମାନେ ୧୪ ବର୍ଷର ଦୀର୍ଘ ବ୍ୟବଧାନ ପରେ ପୁଣି ଏକାଠି ଆସୁଛନ୍ତି।

ତେବେ ବାଲାଜୀ ମୋସନ୍ ପିକଚର୍ସ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରଟି ସେହି ପ୍ରଶଂସକଙ୍କ ମଧ୍ୟରେ ପ୍ରବଳ ଉତ୍ସାହ ସୃଷ୍ଟି କରିଛି ଯେଉଁମାନେ ଏହି ଯୋଡ଼ିଙ୍କ ପ୍ରତିଷ୍ଠିତ କମେଡି ଚଳଚ୍ଚିତ୍ର ଦେଖି ବଡ଼ ହୋଇଛନ୍ତି। ଏହି ପ୍ରସିଦ୍ଧ ଅଭିନେତା-ନିର୍ଦ୍ଦେଶକ ଯୋଡ଼ିଙ୍କ ରିୟୁନିଅନ୍ ପାଇଁ ଚଳଚ୍ଚିତ୍ରକୁ ନେଇ ଚର୍ଚ୍ଚା ଜୋର ଧରିଛି।

ଏମାନଙ୍କ ପୂର୍ବ ଯୋଡି ଆମକୁ ଅନେକ ସ୍ମରଣୀୟ କମେଡି କ୍ଲାସିକ୍ ଦେଇଛନ୍ତି, ଏବଂ ପ୍ରଶଂସକମାନେ 'ଭୂତ ବଙ୍ଗଳା' ସହିତ ସେହି ପୁରୁଣା ଉତ୍ସାହ ଏବଂ କମେଡି ବଡ଼ ପରଦାକୁ ଫେରିବା ପାଇଁ ଆଶା ରଖିଛନ୍ତି। ଉତ୍ସାହକୁ ଆହୁରି ବଢ଼ାଇ ନିର୍ମାତା ଅକ୍ଷୟ କୁମାରଙ୍କୁ ନେଇ ଫିଲ୍ମର ମୋସନ୍ ପୋଷ୍ଟର ମଧ୍ୟ ରିଲିଜ୍ କରିଛନ୍ତି।

'ଭୂତ ବଙ୍ଗଳା'ର ଏହି ନୂଆ ଦୃଶ୍ୟରେ ହାସ୍ୟରସ ସହିତ ଏକ ଡାର୍କ ହରର୍ ଲୁକ୍ ଦିଆଯାଇଛି! ଅକ୍ଷୟ କୁମାର ତାଙ୍କର ପୁରୁଣା ଅବତାରରେ ଫେରି ଆସିଛନ୍ତି, ତାଙ୍କର ପୋଷାକ, ରୁଦ୍ରାକ୍ଷ, ତାଙ୍କର ହସ, ଏବଂ ଭୟଙ୍କର ମୁହଁ ଏବଂ ଶିଙ୍ଗରେ ସଜ୍ଜିତ ସିଂହାସନରେ ବସିବା, ଯାହା ଫିଲ୍ମର ସ୍କେଲକୁ ସୂଚିତ କରୁଛି।

View this post on Instagram

କେପ୍ ଅଫ୍ ଗୁଡ୍ ଫିଲ୍ମସ୍ ସହିତ ମିଳିତ ଭାବେ ବାଲାଜୀ ଟେଲିଫିଲ୍ମସ୍ ଲିମିଟେଡର ଏକ ବିଭାଗ ବାଲାଜୀ ମୋସନ ପିକ୍ଚର୍ସ “ଭୂତ ବଙ୍ଗଳା” ପ୍ରସ୍ତୁର କରୁଛି। ଏହି ଫିଲ୍ମରେ ଅକ୍ଷୟ କୁମାର, ଭାମିକା ଗବି, ପରେଶ ରାୱଲ, ତବୁ, ରାଜପାଲ ଯାଦବ, ମିଥିଳା ପାଲକର ଏବଂ ସ୍ୱର୍ଗତ ଅସରାନୀ ପ୍ରମୁଖ ଅଭିନୟ କରିଛନ୍ତି।

ପ୍ରିୟଦର୍ଶନଙ୍କ ନିର୍ଦ୍ଦେଶିତ ଏହି ଫିଲ୍ମଟି ଅକ୍ଷୟ କୁମାର, ଶୋଭା କପୁର ଏବଂ ଏକତା ଆର. କପୁରଙ୍କ ଦ୍ୱାରା ପ୍ରଯୋଜିତ। ଏହା ୧୦ ଏପ୍ରିଲ୍ ୨୦୨୬ରେ ସିନେମା ହଲରେ ମୁକ୍ତିଲାଭ କରିବ।