Truck Driver Caught on Camera Dragging Woman: ମହିଳାଙ୍କୁ ଟେକି ନେଲା ଟ୍ରକ ଡ୍ରାଇଭର୍, ସିସିଟିଭିରେ କଏଦ ଅପହରଣ ସମୟର ଦୃଶ୍ୟ

ପ୍ରଵଳ ବର୍ଷା ବେଳେ ଜଣେ ମାନସିକ ଅନଗ୍ରସର ମହିଳାଙ୍କୁ ଜୋର ଜବରଦସ୍ତ ଭାବେ ଟେକି ନେଇଛି ଜଣେ ଟ୍ରକ ଡ୍ରାଇଭର। ଏହିଭଳି ଘଟଣା ଘଟିଛି ଭଦ୍ରକ ଟାଉନ ଥାନା ଅଧିନସ୍ଥ ଚରମ୍ପାର ରିଜର୍ଭ ପୋଲିସ ଲାଇନ ପାଖରେ । ଏହି ଘଟଣାର ଦୃଶ୍ୟ ସିସିଟିଭିରେ କଏଦ ହୋଇଛି ।

ଗତ ଵୁଧବାର ବିଳମ୍ବିତ ରାତିରେ ଭଦ୍ରକ ଦେଇ ଯାଇଥିବା ୧୬ ନମ୍ୱର ଜାତୀୟ ରାଜପଥରେ ଚରମ୍ପା ଫାଣ୍ଡି ଛକ ନିକଟରେ ରାତି  ପ୍ରାୟ ଗୋଟାଏ ସମୟରେ ଏହା ଘଟିଛି । 
ବର୍ଷା ଲାଗି ରହିଥିବା ବେଳେ ଜଣେ ମାନସିକ ଅନଗ୍ରସର ମହିଳା ବର୍ଷାରୁ ରକ୍ଷା ପାଇବା ପାଇଁ ଏକ ଦୋକାନ ବାରଣ୍ଡାରେ ଅଟକି ରହିଥିଲେ ।

ଏହି ସମୟରେ ଜାତୀୟ ରାଜପଥରେ ଯାଉଥିବା ଏକ ଟ୍ରକର ଡ୍ରାଇଭର ତାଙ୍କୁ ଦେଖି ଗାଡ଼ି ଅଟକାଇଥିଲା । ଟ୍ରକ ଅଟକିବା ପରେ ମହିଳାଜଣକ କିଛି ଅଘଟଣ ଆଶଙ୍କା କରି ଟିକିଏ ଦୂରକୁ ଚାଲିଯାଇଥିଲେ । କିନ୍ତୁ ଟ୍ରକ ଡ୍ରାଇଭର ସିଧାସଳଖ ନଆସି କଡ଼େ କଡ଼େ ଆସିଲେ, ହଠାତ୍ ଦୌଡି ମହିଳାଙ୍କ ପାଖରେ ପହଞ୍ଚିଗଲା।

ସେ ମହିଳାଙ୍କ ପାଖରେ ପହଞ୍ଚିବା ପରେ ମହିଳାଜଣକ ଚିତ୍କାର କରିଥିଲେ । କିନ୍ତୁ ଡ୍ରାଇଭର୍ ଏହି ମହିଳାଙ୍କୁ ଟେକି ଜୋର୍ ଜବରଦସ୍ତ ନେଇଥିଲା ଟ୍ରକ ପାଖକୁ । ସେତେବେଳେ ବି ମହିଳାଜଣକ ଚିତ୍କାର କରୁଥିବାର କଏଦ୍ ହୋଇଥିବା ସିସିଟିଭିର ଅଡିଓରୁ ଜଣାପଡିଛି । ସେହି ସମୟରେ ଅନ୍ୟ ଏକ ଗାଡି ଏନଏଚରେ ଯାଉଥିଲା । ଡ୍ରାଇଭର୍ କିନ୍ତୁ ସେତେବେଳେ ଟିକିଏ ଲୁଚିଯାଇଥିଲା ।  
ପରେ ମହିଳାଙ୍କୁ ଟେକି ନେଇ ଗାଡ଼ି ଭିତରକୁ ଚାଲିଯାଇଥିଲା।

ସେ ତାଙ୍କୁ କେଉଁ ଆଡ଼େ ନେଇ ଯାଇଛି । ତେବେ ଏହି ଘଟଣା ଜଣାପଡିବା ପରେ ଭଦ୍ରକରେ ଚହଳ ସୃଷ୍ଟି ହୋଇଛି । ପୋଲିସ ବିଭିନ୍ନ ସ୍ଥାନରେ ଛାନଭିନ୍ କରିବା ସହିତ ମହିଳାଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଆରମ୍ଭ କରିଛି। ପୋଲିସ ଏହି ଘଟଣାକୁ ଗୁରୁତ୍ୱର ସହ ନେଇ ତଦନ୍ତ ଆରମ୍ଭ କରିଛି।