Chilling Crime: ପ୍ରେମିକାକୁ ହତ୍ୟା କରି ମୃତଦେହ ପାଖରେ ଶୋଇଥିଲା, ସକାଳେ ହେଲା ଘଟଣାର ପର୍ଦ୍ଦାଫାସ

୩୪ ବର୍ଷୀୟ ଶ୍ରମିକ ପ୍ରବୀଣ କୁମାର ତା ପ୍ରେମିକା ଆରତୀଙ୍କୁ ହତ୍ୟା କରିଛି। ପ୍ରବୀଣ ନନ୍ଦଗ୍ରାମର ସେବା ନଗରର ବାସିନ୍ଦା। ଗତ ଶନିବାର ରାତି ପ୍ରାୟ ୧୦ ଟାରେ ଦୁହେଁ ହୋଟେଲର ୨୦୭ ନମ୍ବର ରୁମରେ ଚେକ୍ ଇନ୍ କରିଥିଲେ। ସେମାନେ ମଦ୍ୟପାନ କରିଥିଲେ ଏବଂ ସେହି ରୁମରେ ଖାଇଥିଲେ। ନିଶାଗ୍ରସ୍ତ ଅବସ୍ଥାରେ କୌଣସି କଥାକୁ ନେଇ ଝଗଡ଼ା ହୋଇଥିଲା। ପ୍ରବୀଣ ସନ୍ଦେହ କରିଥିଲା ଯେ ଆରତୀ ଅନ୍ୟ କାହା ସହିତ ସମ୍ପର୍କରେ ଅଛନ୍ତି।

ଯୁକ୍ତିତର୍କ ବଢ଼ିବା ପରେ ଆରତୀ ରାଗରେ ପ୍ରବୀଣଙ୍କୁ ଚାପୁଡ଼ା ମାରିଥିଲେ । ଏଥିରେ କ୍ରୋଧିତ ହୋଇ ପ୍ରବୀଣ ତାଙ୍କୁ ମୁଥ ମାରିଥିଲା ଏବଂ କହୁଣୀ ମାରିଥିଲା। ଆରତୀ ନଖରେ ତା ମୁହଁକୁ ରାମ୍ପି ଦେଇଥିଲେ । ପ୍ରବୀଣକୁ ଏହା ଆହୁରି କ୍ରୋଧିତ କରିଥିଲା। 

ଆରତୀ ବେହୋସ୍ ହୋଇ ଯାଇଥିଲେ

ପ୍ରବୀଣ ବାରମ୍ବାର ଆରତୀଙ୍କ ପଞ୍ଜରାକୁ ମୁଥ ମାରିଥିଲା। ସେ ଏତେ ଜୋରରେ ଆଘାତ କରିଥିଲା ଯେ ଆରତୀ ବେହୋସ୍ ହୋଇ ଯାଇଥିଲେ। ପ୍ରବୀଣ ତାଙ୍କୁ ହଲାଇ ଉଠାଇବାକୁ ଚେଷ୍ଟା କରିଥିଲା, କିନ୍ତୁ କୌଣସି ପ୍ରତିକ୍ରିୟା ପାଇଲା ନାହିଁ। ଏହା ସତ୍ତ୍ୱେ ସେ ପୋଲିସ କିମ୍ବା ଅନ୍ୟ କାହାକୁ ଜଣାଇଲା ନାହିଁ। ସେ ଆରତୀଙ୍କ ମୃତଦେହ ପାଖରେ ସେହି ବେଡରେ ଶୋଇପଡ଼ିଲା।

ରବିବାର ଦିନ ପ୍ରବୀଣ ସକାଳ ପ୍ରାୟ ୭ଟାରେ ଉଠିଲା। ସେ ଆରତୀଙ୍କୁ ପୁଣି ଉଠାଇବାକୁ ଚେଷ୍ଟା କଲା, କିନ୍ତୁ ସେ ଉଠିଲେ ନାହିଁ। ସେ ତା ବ୍ୟାଗ ନେଇ ହୋଟେଲରୁ ବାହାରକୁ ପଳାଇବାକୁ ଚେଷ୍ଟା କରିଥିଲା । ହୋଟେଲ କର୍ମଚାରୀମାନେ ତାକୁ ଗେଟ୍ ପାଖରେ ଅଟକାଇ ଥିଲେ। ପ୍ରବୀଣ କହିଥିଲା ଯେ ତା ସାଥୀ ଅସୁସ୍ଥ ଅଛନ୍ତି ଏବଂ ସେ ଔଷଧ ଆଣିବାକୁ ଯାଉଛି। କର୍ମଚାରୀମାନେ ରୁମ୍ ଯାଞ୍ଚ କରିବା ସମୟରେ ମହିଳା ଜଣଙ୍କୁ ମୃତ ଅବସ୍ଥାରେ ଦେଖିଥିଲେ। ସେମାନେ ପ୍ରବୀଣକୁ ପୋଲିସକୁ ଡାକିବାକୁ କହିଲେ। ପ୍ରବୀଣ ଜରୁରୀକାଳୀନ ହେଲ୍ପଲାଇନ୍ ୧୧୨ କୁ ଫୋନ୍ କରି କହିଲା ଯେ ତାଙ୍କ ସାଥୀ ଅସୁସ୍ଥ ଅଛନ୍ତି।

ପୋଷ୍ଟମର୍ଟମରେ ଆଶ୍ଚର୍ଯ୍ୟଜନକ ଖୁଲାସା

ପୋଲିସ ପହଞ୍ଚିବା ପରେ ଆରତୀଙ୍କ ମୃତଦେହ କୋଠରୀରୁ ମିଳିଥିଲା। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଥିଲା। ରିପୋର୍ଟରେ ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ ପାଇଥିଲା। ଅନେକ ପଞ୍ଜରା ଭାଙ୍ଗିଯାଇଥିଲା, ଫୁସଫୁସ ଏବଂ ଯକୃତ ଫାଟି ଯାଇଥିଲା । ଛାତି ଏବଂ ପେଟରେ ଆଭ୍ୟନ୍ତରୀଣ ରକ୍ତସ୍ରାବ ହୋଇଥିଲା। ମୃତ୍ୟୁର କାରଣ ଆଘାତ ଏବଂ ରକ୍ତସ୍ରାବ ବୋଲି ଜଣାପଡିଥିଲା। ଆଘାତର ଗମ୍ଭୀରତା ସ୍ପଷ୍ଟ ଭାବରେ ଏକ ନିର୍ମମ ଶାରୀରିକ ଆକ୍ରମଣକୁ ସ୍ପଷ୍ଟ କରିଥଇଲା ।  ଶରୀରର ବାହାରେ କୌଣସି କ୍ଷତ ନଥିଲା, କିନ୍ତୁ ଆଭ୍ୟନ୍ତରୀଣ କ୍ଷତ ଗୁରୁତର ଥିଲା।

ପୋଲିସ ପ୍ରବୀଣକୁ ଅଟକ ରଖି ଘଟଣା ବିଷୟରେ ପଚରାଉଚରା କରିଥିଲା। ସେ ପ୍ରଥମେ ନିଶା ଯୋଗୁଁ ରାତିର କୌଣସି କଥା ମନେ ନଥିବା କହିଥିଲା ।  କିନ୍ତୁ ପୋଷ୍ଟମର୍ଟମ ରିପୋର୍ଟରେ ସବୁ ଧରା ପଡିଯାଇଥିଲା ।  

ସୂଚନା ଅନୁଯାୟୀ, ଆରତୀ ଜଣେ ବିଧବା ଥିଲେ ଏବଂ ତାଙ୍କ ୧୬ ବର୍ଷୀୟ ପୁଅ ଦକ୍ଷଙ୍କ ସହ ଗାଜିଆବାଦରେ ରହୁଥିଲେ। ପ୍ରବୀଣ ଏବଂ ଆରତୀ ପ୍ରାୟ ଦେଢ଼ ବର୍ଷ ଧରି ସମ୍ପର୍କରେ ଥିଲେ। ସେମାନେ ୨୦୨୨ ମସିହାରୁ ପରସ୍ପରକୁ ଜାଣିଥିଲେ। ଆରତୀଙ୍କ ସ୍ୱର୍ଗତ ସ୍ୱାମୀ ରୋହିତ କୁମାରଙ୍କ ବନ୍ଧୁ ପ୍ରବୀଣ ମଧ୍ୟ ପରିବାର ସହିତ ପରିଚିତ ଥିଲା। ଏହି ଘଟଣା ଗାଜିଆବାଦର ପଟେଲ ନଗରରେ ଘଟିଛି ।