Terrifying Scenes: ଆଖି ସାମ୍ନାରେ ଖଣ୍ଡ ବିଖଣ୍ଡିତ ଶରୀର , ଦିଲ୍ଲୀ ବିସ୍ଫୋରଣରେ ଲୋମଟାଙ୍କୁରି ଉଠିବା ଭଳି ଦୃଶ୍ୟ...

ଦେହରୁ ଫୁସ୍‌ଫୁସ୍ ବାହାରି ପଡିଥିଲା ରାସ୍ତାରେ । କୋଉଠି ଛିଣ୍ଡା ହାତ... କାହାର ମୁଣ୍ଡ ନଥିଲା ତ କାହାର ଗୋଡ ନଥିଲା । ଛାତି ଥରାଇବା ଭଳି ବିସ୍ଫୋରଣ । ଲୋମଟାଙ୍କୁରି ଉଠିବା ଭଳି ଦୃଶ୍ୟ... ଆଖି ସାମ୍ନାରେ ଖଣ୍ଡ ବିଖଣ୍ଡିତ ଶରୀର ସବୁ ନିର୍ବାକ କରିଦେଇଥିଲା ପ୍ରତ୍ୟକ୍ଷଦର୍ଶୀଙ୍କୁ । ଦିଲ୍ଲୀ ବିସ୍ଫୋରଣ ପରେ ନିଜ ଆଖିରେ ଦେଖିଥିବା ସେଇ ହୃଦୟ ବିଦାରକ ଦୃଶ୍ୟକୁ ବଖାଣିଛନ୍ତି ପ୍ରତ୍ୟକ୍ଷଦର୍ଶୀ

ଆତ୍ମୀୟଙ୍କ ଆର୍ତ୍ତ ଚିତ୍କାରରେ ଫାଟିପଡୁଛି ଦିଲ୍ଲୀର ଲାଲକିଲ୍ଲା ଅଞ୍ଚଳ । ଲୁହ, ଭୟ ଆଉ ଆତଙ୍କ... କେହି କେବେ ଚିନ୍ତା ବି କରିନଥିବେ ଜାତୀୟ ରାଜଧାନୀର ଛାତି ଉପରେ ଏମିତି ଭୟାନକ, ବର୍ବର ଆକ୍ରମଣକୁ । 

ସନ୍ଧ୍ୟା ୬ଟା ୫୨ ମିନିଟ୍ । ସବୁଦିନ ଭଳି ବ୍ୟସ୍ତବହୁଳ ଲାଲକିଲ୍ଲା ମେଟ୍ରୋ ଷ୍ଟେସନ ବାହାରେ ଲାଗିଥାଏ ପ୍ରବଳ ଗହଳି । ଏତିକି ବେଳେ ହଠାତ୍ ହେଲା ପ୍ରଚଣ୍ଡ ବିସ୍ଫୋରଣ  । କେହି କିଛି ବୁଝିବା ପୂର୍ବରୁ ରକ୍ତରେ ଭିଜିଗଲା ଐତିହାସିକ ଲାଲକିଲ୍ଲା ରୋଡ୍ । ହୁତୁ ହୁତୁ ଜଳିଲା ଗାଡିମୋଟର, ଛିନଛତ୍ର ହୋଇଗଲେ ମଣିଷ । ବିସ୍ଫୋରଣ ଏତେ ଭୟଙ୍କର ଥିଲା ଯେ, ଗୋଟିଏ କିଲୋମିଟର ପର୍ଯ୍ୟନ୍ତ ଅଞ୍ଚଳ ଥରି ଉଠିଥିଲା । ଆଖପାଖର ଦୋକାନ ବଜାର, ଘରଦ୍ୱାର ଦୋହଲିଗଲା । ପୃଥିବୀ ଫାଟିଲା ଭଳି ଲାଗିଲା ବୋଲି କହିଛନ୍ତି ପ୍ରତ୍ୟକ୍ଷଦର୍ଶୀ ।

ଲାଲକିଲ୍ଲା ପାଖରେ ବିସ୍ଫୋରଣରେ ପ୍ରାୟ ୧୦ ଜଣଙ୍କ ମୃତ୍ୟୁ ଘଟିବା ସହ ୨୦ ଜଣ ଆହତ ହୋଇଛନ୍ତି ।  ଦିଲ୍ଲୀ ବିସ୍ଫୋରଣର ଠିକ୍ ପୂର୍ବରୁ କଣ ଘଟିଥିଲା, ସାମ୍ନାକୁ ଆସିଛି ଏହାର ସିସିଟିଭି ଫୁଟେଜ। ଯେଉଁଥିରେ ନଜର ଆସିଛି ଦିଲ୍ଲୀ ବିସ୍ଫୋରଣ ଘଟଣା ସନ୍ଦିଗ୍ଧ ଉମର । ଏହି ଘଟଣା ପରେ ହାଇଆଲର୍ଟରେ ଅଛି ସାରା ଦେଶ ।   UAPA ଆଧାରରେ ମାମଲା ରୁଜୁ କରି ଛାନଭିନ ଚଳାଇଛି ଦିଲ୍ଲୀ ପୋଲିସ ।