Husband Taken into Custody: ବାହାଘରର ୧୨ ବର୍ଷ ପରେ ସ୍ତ୍ରୀର ଏତଲା, ବନ୍ଧା ହେଲା ସ୍ବାମୀ

ବାହାଘର ୧୨ ବର୍ଷ ପରେ ସ୍ବାମୀ ଗିରଫ । ସ୍ତ୍ରୀ ଦେଲା ଏତଲା, ବନ୍ଧା ହେଲା ସ୍ବାମୀ । ଯାତ୍ରା ଅଭିନେତ୍ରୀ ସୋନାଲିଙ୍କ ସ୍ବାମୀ ଶ୍ରୀକ୍ଷେତ୍ରଙ୍କୁ ପୋଲିସ ଗିରଫ କରିଛି । ସୋନାଲିଙ୍କ ଏତଲା ଆଧାରରେ ଶ୍ରୀକ୍ଷେତ୍ର ବନ୍ଧା ହୋଇଛନ୍ତି ।

ସୋନାଲିଙ୍କ ଅଭିଯୋଗ, ସେ ନାବାଳିକା ଥିବା ସମୟରେ ସ୍ବାମୀ ଶ୍ରୀକ୍ଷେତ୍ର ସାମନ୍ତସିଂହାର ତାଙ୍କୁ ମିଛ ପ୍ରଲୋଭନ ଦେଖାଇ ପ୍ରେମ କରି ବାହା ହୋଇଥିଲେ । ଏ ନେଇ ଗତ ୨ମାସ ତଳେ ସୋନାଲି କୃଷ୍ଣପ୍ରସାଦ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଶନିବାର ପୋଲିସ ଆକ୍ସନ ନେଇଛି । ଭୁବନେଶ୍ୱରରୁ ଶ୍ରୀକ୍ଷତ୍ରଙ୍କୁ ପୋଲିସ ଉଠାଇ ନେଇଥିଲା । 

ସେପଟେ ପୋଲିସ ଶ୍ରୀକ୍ଷତ୍ରଙ୍କୁ ଗିରଫ କରିବା ପରେ କାନ୍ଦୁଛି ଶ୍ରୀକ୍ଷତ୍ରଙ୍କ ପରିବାର । ରୋଗୀଣା ବାପା, ମୂକ ମା’ ଓ ୧୨ବର୍ଷର ଛୋଟ ପୁଅ ଶ୍ରୀକ୍ଷତ୍ରଙ୍କୁ ଝୁରୁଛନ୍ତି l ଅନ୍ୟପଟେ ଶ୍ରୀକ୍ଷତ୍ର ବାପାଙ୍କ କହିବା କଥା, ୨୦୧୩ରେ ପୁଅର ବାହାଘର ହୋଇଥିଲା l ୨୦୧୪ରେ ପୁରୀ ଡାକ୍ତରଖାନାରେ ପୁଅ ଜନ୍ମ ହୋଇଥିଲା l

ସରକାରୀ କାଗଜପତ୍ରରେ ୨୨ବର୍ଷ

ସେତେବେଳକୁ କାଗଜି ଓରଫ ସୋନାଲିଙ୍କୁ ୨୨ବର୍ଷ ହୋଇଥିବା ସରକାରୀ କାଗଜପତ୍ରରେ ପ୍ରମାଣ ରହିଛି l ତା’ ଛଡ଼ା ସୋନାଲି କିପରି ଅଭିଯୋଗ କରୁଛନ୍ତି, ବିବାହ ସମୟରେ ସେ ନାବାଳିକା ଥିଲେ ବୋଲି । ଶ୍ରୀକ୍ଷତ୍ରଙ୍କ ବାପା ଦିଲ୍ଲୀପ ଏହା କହିଛନ୍ତି । 
ପରିବାରର ଶ୍ରୀକ୍ଷତ୍ର ଥିଲା ସାହା ଭରସା l ଶ୍ରୀକ୍ଷତ୍ରଙ୍କ ପାଇଁ ଚଳୁଥିଲା ପରିବାର l ବୋହୂ ପୁଅ ପ୍ରତି ଆଣିଥିବା ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ ବୋଲି ପରିବାର କହିଛି ।