Bike Falls Into Water: ବ୍ରିଜରୁ ଖସିଲା ବାଇକ୍: ୨ ମୃତ, ଏକାଧିକ ଗୁରୁତର

୪ ଜଣ ସାଙ୍ଗ ଧନୁ ଯାତ୍ରା ଦେଖି ଫେରୁଥିବା ବେଳେ ଦୁର୍ଘଟଣାର ଶିକାର। ଦୁର୍ଘଟଣାରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଗୁରୁତର ହୋଇଛନ୍ତି। ନୂଆପଡ଼ା ଜିଲ୍ଲା କୋମନା ଥାନା ତରବୋଡ - ହତିସରା ଗାଁ ମଝିରେ ଥିବା ଡଙ୍ଗାଘାଟ ନିକଟରେ ଘଟିଛି ଏହି ଦୁର୍ଘଟଣା। 

କୋମନା ଥାନା ତରବୋଡ ଗାଁରେ ଏକ ଆଞ୍ଚଳିକ ଧନୁଯାତ୍ରା ଉତ୍ସବ ଚାଲୁଥିଲା। ଧନୁ ଯାତ୍ରାରେ ଷ୍ଟାର ନାଇଟ୍ କାର୍ଯ୍ୟକ୍ରମ ଦେଖି ଭୋର ୪ଟାରେ ୪ ଜଣ ସାଙ୍ଗ ଏକ ବାଇକରେ ନିଜ ଘରକୁ ଫେରୁଥିଲେ। ଡଙ୍ଗାଘାଟ ନିକଟରେ ଭାରସାମ୍ୟ ହରାଇ ପୋଲରୁ ପ୍ରାୟ ୧୫ ଫୁଟ ତଳକୁ ଖସି ପଡ଼ି ଥିଲେ। ପାଣିରେ ବୁଡ଼ି ୨ ଯୁବକ ଶୋଭାରାମ ହଂସ ଓ ହରିଶ୍ଚନ୍ଦ୍ର ପଟେଲଙ୍କ ମୃତ୍ୟୁ ହୋଇଛି। 

ଖବର ପାଇ କୋମନା ଅଗ୍ନିଶମ ବାହିନୀ ପହଞ୍ଚି ମୃତକ ଓ ଗୁରୁତରଙ୍କୁ ଉଦ୍ଧାର କରିଥିଲେ l ଆହତ ହେଲେ ରଞ୍ଜିତ ହଂସ ଓ ଭାଗବତ ମାଝୀ। ଆହତଙ୍କୁ ନୂଆପଡ଼ା ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଛି। କୋମନା ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ କୋମନା ମେଡ଼ିକାଲକୁ ପଠାଇଛି।

•    ବ୍ରିଜରୁ ଖସିଲା ବାଇକ୍: ୨ ମୃତ, ୨ ଗୁରୁତର
•    ଭାରସାମ୍ୟ ହରାଇ ବ୍ରିଜ୍ ତଳକୁ ଖସି ପଡ଼ିଲା ବାଇକ୍
•    କୋମନା ତରବୋଡ଼ ନିକଟ ଡଙ୍ଗାଘାଟ ବ୍ରିଜ୍ ଉପରୁ ତଳକୁ ଖସିଲା
•    ୨ ଗୁରୁତର ନୂଆପଡ଼ା ଜିଲ୍ଲା ଚିକିତ୍ସାଳୟରେ ଭର୍ତ୍ତି
•    ୪ ସାଙ୍ଗ ଧନୁଯାତ୍ରା ଦେଖି ଫେରୁଥିବା ବେଳେ ଦୁର୍ଘଟଣାର ଶିକାର